1 Anga 11.30; 15.2 E 'ope akera e ta'i nga'uru mā 'ā mata'iti kua 'aere 'aka'ou atura au ki Iērūsalēma, māua ko Bānaba, ē kua 'apai katoa atura au i a Tito.
2Nā te Atua 'oki i umuumu mai i āku kia 'aere au. Ē i roto i tēta'i 'uipā'anga ngaro ki te aronga mama'ata anake 'ua o te 'ēkālēsia, kua tuku atura au i te karere 'ēvangelia tāku i mātau i te tūtū 'aere ki ō te au 'ētene ra, 'ei 'akapāpū ē, kia kore rava te 'anga'anga tāku e rave nei ē tāku i rave ana e riro 'ei mea pu'apingakore.
3Ē kāre rāi a Tito tei āru mai i āku i umuumu'ia kia peritome'ia, noa atu ē 'e tangata Eleni aia.
4Nāringa aia i umuumu'ia, kua rave 'ua'ia te reira, nō te mea 'e au taeake pikika'a tei 'akatomo pōiri'ia mai. I tomo pōiri mai 'oki rātou e 'ākara matariki i tō mātou tū rangatira tei rauka mai nō kō mai i te Mesia ra ko Iēsū. I pērā 'oki rātou kia 'akatuika'a 'aka'ou i a mātou.
5Kāre rā mātou i tuku 'ua atu kia kauraro atu i a rātou e 'okota'i 'ua ake ora iti, kia no'o tāmou atu rāi te tuatua mou o te 'ēvangelia ki a kōtou na.
6 Deut 10.17 Ē ko te aronga tei manako'ia ē 'e au 'aka'aere rātou — kāre au e ma'ara atu ē 'e a'a tō rātou tū i muatangāna, kāre 'oki te Atua e 'ākono i te tū o te tangata nei — ko taua au 'aka'aere ra, kāre rātou i 'ōronga mai i tēta'i manako 'ōu ki āku nei.
7Kāre rava 'oki ia! Kua mārama rā rātou ē, kua tukuna'ia mai ki āku te tūtū 'aere'anga i te 'ēvangelia ki te au 'ētene, mei tei tukuna'ia ki a Pētero kia 'aere ki te Ngāti Iūda,
8nō te mea, nā te Atua i tā'anga'anga i a Pētero 'ei 'āpōsetolo nō te Ngāti Iūda, ē i tā'anga'anga katoa i āku nō te au 'ētene.
9Ko Iākōbo, ko Pētero ē ko Ioane, tei manako'ia ē 'e au poupou rātou nō te 'ēkālēsia, kua nakiro 'oki rātou i taua aro'a 'ua tei 'ōronga'ia mai ki āku nei, ē kua moumou rima maira rātou ki a māua ko Bānaba 'ei 'akairo nō te tā'okota'i'anga. Kua 'akatika'ia ē kia 'anga'anga māua ki ō te 'ētene, ko rātou rā ki ō te Ngāti Iūda ra.
10Kua pati mai rā rātou kia 'akama'ara māua i tō rātou aronga puta'ua, ē ko tāku tikāi ia e 'inangaro ra i te rave.
Tō Paulo kauvae'anga i a Pētero i Ānētiōka11Kia tae rā a Pētero ki Ānētiōka, kua pāto'i 'ua atura au i aia ki mua i tōna mata, nō te mea, kua tārevakē tikāi aia.
12I mua ake ka tae mai ei ēta'i tangata nō kō mai i a Iākōbo, e kaikai ana aia ma te au 'ētene. Kia tae mai rā rātou, kua 'akaruke aia i te au 'ētene ē kua 'akaātea atu i aia 'ua'orāi nō te mataku 'oki i te aronga Ngāti Iūda.
13Kua pērā katoa tēta'i au Ngāti Iūda i te tāpikipiki'anga ma ia katoa, ē kua arataki kē katoa'ia a Bānaba e tō rātou tū tāpikipiki.
14Kua kite rā au ē, kāre tō rātou i te 'aerenga tika mei tei tau ki te tuatua mou o te 'ēvangelia ra, kua karanga atura au ki a Pētero i mua i a rātou rava rāi: “Ko koe, te Ngāti Iūda tikāi tei 'ākono i tā te 'ētene, ē kāre i tā te Ngāti Iūda, 'e a'a rā koe i mārō atu ei i te au 'ētene kia 'akangāti Iūda i a rātou?”
Ka 'akaora'ia te Ngāti Iūda ē te Eleni katoa nā roto i te 'irinaki'anga15Ko tātou ko te Ngāti Iūda 'ānau tikāi ē, kāre i te tangata 'ara o te 'ētene ra.
16a: Sal 143.2; Rōm 3.20; b: Rōm 3.22Tē kite nei tātou ē, kāre 'ua 'e tangata e 'akatikatika'ia nā roto i te 'anga'anga a te Ture, nā roto rā i te 'irinaki'anga i a Iēsū Mesia. Ē ko tātou 'oki i 'irinaki i a Iēsū Mesia kia 'akatikatika'ia tātou nā roto i taua 'irinaki'anga ra ki te Mesia, ē kāre ē nā roto i te 'anga'anga a te Ture, nō te mea, kāre rava 'e tangata e 'akatikatika'ia nā roto i te 'anga'anga a te Ture.
17Mei te mea ē, kua kitea ē ko tātou nei e tīmata nei kia 'akatikatika'ia i roto i te Mesia ē, 'e aronga 'ara rāi tātou, ka riro āina te Mesia 'ei tāvini nō te 'ara i reira? Kāre tākiri ia!
18Mē te 'akatū 'aka'ou nei au i tāku i tākore ra, kua 'akariro au i āku 'ua'orāi 'ei tangata 'ara.
19Ko au rā, i te pae o te Ture, kua mate ia au i te Ture, kia ora rā au i te Atua. Kua 'akasātauro'ia māua ma te Mesia.
20I āku e ora nei, kāre nōku 'ua i pērā ai, nō te Mesia rā e ora nei i roto i āku nei; ē tōku nei ora'anga i roto i te kōpapa nei, tē ora nei au nā roto i te 'irinaki'anga i te Tamaiti a te Atua, ko tei aro'a mai i āku ē kua 'ōronga mai i aia 'ua'orāi nōku nei.
21Kāre au i kōpae i te aro'a 'ua o te Atua. Mē 'e 'akatikatika'anga 'oki tēta'i nā roto mai i te Ture, kua mate pu'apingakore i reira te Mesia ra.
Who We AreWhat We EelieveWhat We Do
2025 by iamachristian.org,Inc All rights reserved.
