1E aku au 'akaperepere ē, ko te rua tēia o te leta tāku e tātā atu nei ki a kōtou. Tē 'akamā'ara'ara 'aka'ou atu nei au i roto i ēia ngā leta e rua ē, kia rauka i a kōtou te mānakonako'anga ti'amā.
2Kia ma'ara 'oki i a kōtou te tuatua i tuatua'ia mai e te au peroveta tapu i muatangāna, ē te 'akaue'anga a te 'Atu ē te 'Akaora tā tō kōtou au 'āpōsetolo i 'akakite mai.
3Iuda 1.18E ma'ara i a kōtou nā mua ē, i te au rā 'openga e tae mai ei tēta'i aronga tē āru 'ua ra i tō rātou 'ua'orāi noinoi. Ka 'āviriviri mai 'oki rātou i a kōtou
4ē e tuatua mai ē, “Kua karanga aia ē, ka 'oki 'aka'ou mai aia. Tei 'ea 'ua nei aia? Tē moe maira 'oki te 'ai metua, tē vai 'ua nei rāi 'oki te au mea rava rāi mei te ma'ani'anga mai rāi o tēianei ao.”
5Gen 1.6-9Kāre 'oki rātou e 'inangaro i te ma'ara ē, kua vai takere ana te rangi ē kua ma'ani'ia te 'enua mei roto mai i te vai, ē i āranga ki runga i taua vai ra nā roto i te tuatua a te Atua.
6Gen 7.11Nā roto rāi i te vai i mate ei te ao nei i te vai puke ra.
7Tē vai tinamou nei rā te rangi ē te 'enua i tēianei, tē tāpū'ia nei 'oki e taua tuatua ra nō te a'i ra e tae 'ua atu ki te rā 'akavā'anga, ē ka mate katoa te aronga 'ākonokore i te Atua i reira.
8 Sal 90.4 E aku au 'akaperepere ē, auraka rā kōtou e 'akangaropōina i tēianei potonga tuatua, “'Āiteite rāi i tō te Atua 'ākara'anga i te rā 'okota'i ki te au mata'iti 'okota'i tauatini; ē te au mata'iti 'okota'i tauatini 'āiteite rāi ia i te rā 'okota'i nei.”
9Kāre te Atua i tāvarevare i te rave i tāna i karanga maira, mei tā tēta'i pae e manako ra ē, tē tāvarevare nei aia. Tē 'akakoromaki ma'ata nei rā aia i a kōtou. Kāre rava 'oki aia i anoano kia mate atu tēta'i, tē anoano nei rā aia kia rauka i te kātoatoa te tatarā'ara.
10 Māt 24.43; Luk 12.39; 1 Tesa 5.2; Apo 16.15 Ka tae mai rā te rā o te 'Atu mei te keiā ra. Ā taua rā ra ka ngaro 'oki tēianei rangi ma te pakū ma'ata, ka kā i te a'i ē ka ta'e te au mea kātoatoa, ē ka ngaro katoa te 'enua ē tā te tangata 'anga'anga rava rāi ki runga a'o.
11Ē tēianei mei te mea ē ka pou anake taua au mea katoa nei, 'e a'a i reira tō kōtou tū e tikāi? Kia ora kōtou i te ora'anga tapu ē te 'ākono Atua e tikāi,
12i tō kōtou tiaki'anga i taua rā o te Atua ra ma te 'inangaro ma'ata kia tae viviki mai. Ā taua rā ra ka pou te rangi i te kā i te a'i ē ka kā ē ka ta'e te au mea kātoatoa.
13Isa 65.17; 66.22; Apo 21.1Tē tiaki nei 'oki tātou i te rangi 'ōu ē te 'enua 'ōu mei tei tau ki tāna i papa'u mai, ko te kāinga 'oki ia o te tuatua tika.
14Nō reira, e aku au 'akaperepere ē, i tō kōtou tiaki'anga i taua au mea ra, e tautā kōtou kia meitaki rava kōtou ē te kinokore, ē kia no'o ma te 'au mē kitea'ia mai kōtou e te 'Atu.
15Ē e 'akamanako ē, ko te 'akakoromaki ma'ata o tō tātou 'Atu ra ko tō kōtou rāvenga ora ia, mei tā tō tātou taeake 'akaperepere ko Paulo i tātā mai ki a kōtou na, i te pakari i 'ōronga'ia mai ki aia ra.
16Ē kua pērā katoa aia i roto i tāna au leta kātoatoa mē tuatua mai aia nō runga i tēia au mea. Ko tēta'i au ngā'i i roto i te reira 'e mārama ngatā rāi. Ē te aronga 'āpi'ikore'ia ē te tinamoukore i ruri kē i te reira, mei tā rātou i rave katoa i te au Tuatua rava rāi i tātā'ia ra. Ka riro taua 'anga'anga ra 'ei mate nō rātou 'ua'orāi.
17E aku au 'akaperepere ē, kua 'akakite'ia mai tēianei au mea ki a kōtou. Nō reira, e matakite kia kore kōtou e arataki kē'ia e te pikika'a a te tangata kino ra, ē e 'inga i'ora mei tō kōtou pange ketaketa.
18Kia tupu rā kōtou i te aro'a 'ua ē i te kite o tō tātou 'Atu ē te 'Akaora ko Iēsū Mesia. 'Ei aia te kakā i tēianei e tuātatau 'ua atu. Āmene.
Who We AreWhat We EelieveWhat We Do
2025 by iamachristian.org,Inc All rights reserved.
