1Kua 'ākara atura au kia vāvā'i te Punua Māmoe i tēta'i o ngā 'akairo e 'itu, ē kua 'akarongo atura au i tēta'i o ngā mea ora e 'ā ra i te tuatua'anga ma te reo mei te māngūngū rāi te tū, “E 'aere mai!”
2Zek 1.8; 6.3,6Kua 'ākara au, ē inā, 'e 'oro'enua teatea. 'E 'ana tā tei no'o ki runga a'o ē kua 'ōronga'ia atu tēta'i korōna nōna. Kua 'aere aia ki mua ma te 'autū'anga ē kia 'autū atu rāi.
3Kia vāvā'i aia i te rua o te 'akairo, kua 'akarongo au i te rua o ngā mea ora ra i te tuatua'anga ē, “E 'aere mai!”
4Zek 1.8; 6.2Kua 'aere atura tēta'i 'oro'enua kē ki mua, 'e mea kutekute. Ē kua 'ōronga'ia te tika ki tei no'o ki runga a'o kia 'apai kē atu i te 'au mei tēianei ao, ē kia tā te au tangata tēta'i i tēta'i. 'E koke ma'ata tei 'ōronga'ia mai nāna.
5 Zek 6.2,6 Kia vāvā'i aia i te toru o te 'akairo, kua 'akarongo au i te toru o ngā mea ora ra i te tuatua'anga ē, “E 'aere mai!” Kua 'ākara au, ē inā, 'e 'oro'enua kerekere. 'E mea paunu tei te rima o tei no'o ki runga a'o.
6Ē kua 'akarongo atura au i tēta'i mea mei te reo rāi te tū mei rotopū i ngā mea ora e 'ā ra i te nā kō'anga mai ē, “'Okota'i vāito sītona 'okota'i moni 'ārio, e toru vāito kērite 'okota'i moni 'ārio. Auraka rā koe e 'akakino i te 'ōlive ē te uaina.”
7Kia vāvā'i aia i te 'ā o te 'akairo, kua 'akarongo au i te reo o te 'ā o ngā mea ora ra i te tuatua'anga ē, “E 'aere mai!”
8Ezek 14.21Kua 'ākara au, ē inā, 'e 'oro'enua maratea. Ko te ingoa o tei no'o ki runga a'o ko Mate ia, ē ko Āte tei āru atu i aia. Kua 'ōronga'ia te mana ki a rāua nō runga i te 'ā o te tu'anga o te ao nei kia tāmate rāua ma te koke, te onge, te mate, ē nā roto katoa mai i te au puaka tā'ae o te 'enua nei.
9Kia vāvā'i aia i te rima o te 'akairo, kua kite au i raro ake i te 'atarau i te au vaerua o te aronga i tāmate'ia nō te tuatua a te Atua ē nō tō rātou 'akakite'anga i te reira.
10Kua kāpiki rātou ma te reo ma'ata, nā kō maira: “'E a'a te roa, e te 'Atu tapu ē te tuatua mou, i kore ei koe i 'akavā ē i tūtaki atu i tō mātou toto ki te aronga tei no'o i te ao nei?”
11Kua 'ōronga'ia ki a rātou tātakita'i 'e kāka'u roroa teatea ē kua 'akakite'ia ki a rātou kia tiaki rāi rātou nō tēta'i tuātau poto, e tae 'ua atu ki te pou'anga o tō rātou au taeake tāvini ē tō rātou au taeake tei 'akakoro'ia nō te mate mei a rātou rāi.
12 a: Apo 11.13; 16.18; b: Isa 13.10; Ioel 2.10,31; 3.15; Māt 24.29; Mār 13.24,25; Luk 21.25 Kua 'ākara atura au kia vāvā'i aia i te ono o te 'akairo. Kua tupu tēta'i ngāueue'anga ma'ata, kua kerekere te rā mei te kāka'u pā'oa, ē kua riro atura te marama katoa mei te toto ra.
13Isa 34.4Kua topa maira te au 'ētū o te rangi ki raro i te 'enua nei, mei te pū suke tei rūrū'ia tōna 'ua parakore mē 'akakeukeu'ia aia e te matangi ma'ata.
14Apo 16.20Kua ngaro te rangi mei te tuatua i tātā'ia e ngaro kia pōkaikai'ia. Kua takakē i'ora te au maunga ē te au pā 'enua mei tō rātou ngā'i.
15 Isa 2.19,21 Te au ariki o te ao nei, te aronga mama'ata, te au tūtara, te aronga 'apinga nui, te aronga mana, ē te tangata tātakita'i, mē 'e tuika'a, mē kāre 'e tangata rangatira, kua pīpini atura rātou ki roto i te au ana ē te au mato o te au maunga.
16Hos 10.8; Luk 23.30Kua karanga atura rātou ki te au maunga ē ki te au mato, “E topa mai ki runga a'o i a mātou ē e tāpoki mai i a mātou mei mua i te aroaro o tei no'o ki runga a'o i te terōno ē mei te riri o te Punua Māmoe.
17Ioel 2.11; Mal 3.2Kua tae mai 'oki te rā ma'ata o tō rāua riri. Ko 'ai 'oki te ka mou?”
Who We AreWhat We EelieveWhat We Do
2025 by iamachristian.org,Inc All rights reserved.
