1 Ioane 3 - Cook Island Maori Revised New Testament(CIMRNT)

1 Ioa 1.12 Ka 'ākara ana i te tū o tō te Metua aro'a i a tātou nei, ko tātou i tapa'ia mai ē 'e tamariki nā te Atua, ē koia tikāi tātou nei. I kore ei tō tēianei ao i 'āriki i a tātou nō te mea, kāre katoa i 'āriki i aia.

2E aku au 'akaperepere ē, 'e tamariki rāi tātou nā te Atua i tēianei, kāre rā i kitea ake ē, mei te a'a tō tātou tū ā muri atu. Tē mārama nei rā tātou ē, mē 'oki mai aia ka 'āite tātou mei aia katoa te tū, nō te mea, ka 'ākara 'oki tātou i aia i tōna tū tikāi.

3Ko te tangata tātakita'i tei aia tēia 'irinaki'anga, e no'o ti'amā aia, 'e ti'amā 'oki te Mesia.

4Ko te tangata tātakita'i tei rave i te 'ara, kua 'a'ati ia i te ture, nō te mea, ko te 'ara 'e 'a'ati'anga ture ia.

5Ioa 1.29Tē mārama nei 'oki kōtou ē, i 'aere mai ana te Mesia 'ei 'apai kē atu i te au 'ara. Ē kāre rava 'e 'ara ō roto i aia.

6Ko tei no'o tāmou i roto i aia, kāre rava ia e rave i te 'ara. Ko tei rave rā i te 'ara, kāre ia i 'ākara ana i aia, ē kāre 'oki i kite mou i aia.

7E aku au tamariki ē, auraka kōtou e arataki kē'ia e tēta'i 'ua atu tangata. Ko tei rave i te mea tika ra, 'e tangata tuatua tika rāi ia, mei te Mesia rāi tuatua tika ra.

8Ko tei rava i te 'ara, nō te Tiāporo ia; 'e rave 'ara 'oki te Tiāporo mei muatangāna mai rāi. Ko tēia te tumu i 'aere mai ei te Tamaiti a te Atua, kia 'akakore mai aia i te 'anga'anga a te Tiāporo ra.

9Ko te tangata tātakita'i tei riro mai 'ei tamaiti nā te Atua, kāre ia i rave i te 'ara, nō te mea, tē no'o tāmou ra te tū o te Atua i roto i aia.

10Ko tēia 'oki te mea e 'akamārama mai ē, ko 'ai tikāi te tamariki a te Atua ē ko 'ai te tamariki a te Tiāporo: ko tei kore e rave i te mea tika ra, kāre ia i tō te Atua, ē kāre katoa 'oki ko tei kore e aro'a atu i tōna taeake.

E aro'a tēta'i ki tēta'i

11 Ioa 13.34 Ko te karere 'oki tēia tā kōtou i 'akarongo mai ana mei muatangāna mai rāi, koia 'oki, e aro'a atu tātou tēta'i ki tēta'i.

12Gen 4.8Auraka tātou 'e 'āite ki a Kaina; nō te Mea Kino 'oki ia ē i tāmate rava atu ei i tōna teina. 'E a'a rā aia i tāmate rava atu ei i aia? Nō te mea, 'e kino tāna 'ua'orāi au 'anga'anga; 'e tuatua tika rā tā tōna teina.

13E aku au taeake ē, auraka kōtou e ūmere mē mākitakita mai tō tēianei ao i a kōtou.

14Ioa 5.24Kua mārama 'oki tātou ē, kua 'aere tātou mei te mate ki te ora, nō te mea, tē aro'a nei tātou i te au taeake. Ko tei kore e aro'a, tē no'o tāmou nei rāi ia i te mate.

15Ko tei mākitakita i tōna taeake, 'e tā tangata ia, ē tē mārama nei kōtou ē, kāre te ora mutukore e no'o i roto i te tā tangata.

16Ko tēia 'oki te mea e mārama ei tātou ē 'e a'a te aro'a, koia 'oki, kua 'ōronga te Mesia i tōna ora nō tātou nei ē kia 'ōronga katoa rāi tātou i tō tātou ora nō te au taeake e tikāi.

17Ko te tangata rā tei pu'apinga i tēia ora'anga nei ē tē kite 'ua ra i tōna taeake i te ngere'anga ma te tōpiri ra i tōna ngākau, ka 'akapē'ea e no'o tāmou ei te aro'a o te Atua i roto i aia?

18E aku au tamariki ra, auraka tātou kia aro'a 'ua ma te va'a ē te tuatua, kia aro'a mou tikāi rā tātou ma te 'anga'anga.

19Nā roto 'oki i te reira e mārama ai tātou ē, nō te tuatua mou tātou ē ka 'aka'au'ia tō tātou ngākau ki mua i aia,

20mē 'aka'apa mai tō tātou ngākau i a tātou. 'E ma'ata atu 'oki te Atua i tō tātou ngākau ē tē kite nei aia i te au mea kātoatoa.

21E aku au 'akaperepere, mē kore tō tātou ngākau e 'aka'apa mai i a tātou, tē no'o matakukore nei tātou ki mua i te Atua;

22ē e rauka 'oki i a tātou tā tātou e pati atu ki aia ra, nō te mea, tē 'ākono nei tātou i tāna au 'akaue'anga ē tē rave nei tātou i te au mea e mareka'ia e ia.

23Ioa 13.34; 15.12,17Ē tēia 'oki tā te Atua 'akaue'anga: kia 'irinaki tātou i te ingoa o tāna Tamaiti ko Iēsū Mesia, ē kia aro'a tātou tēta'i ki tēta'i mei tā Iēsū Mesia 'oki i 'akaue mai ki a tātou.

24Ko te tangata e 'ākono i tā te Atua au 'akaue'anga, tē no'o ra ia ki roto i te Atua ē tē no'o ra te Atua i roto i aia. Ē tē mārama nei tātou ē tei roto te Atua i a tātou, nā roto i te Vaerua tāna i 'ōronga mai ki a tātou nei.