1Kua 'akatangi i'ora te rima o te 'āngela i tāna pū. Kua kite atura au i tēta'i 'ētū tei topa mai mei te rangi mai ki runga i te 'enua nei. Kua 'ōronga'ia te tāviri o te tomo'anga ki te va'arua takerekore ki aia.
2Gen 19.28Kua nga'ā akera i aia te tomo'anga ki te va'arua takerekore, ē kua puroro mai mei roto mai i taua tomo'anga ra mei te au o tēta'i umu ma'ata. Pōiri atura te rā ē te rangi i te au mei roto mai i taua tomo'anga ra.
3Exo 10.12-15Nō roto mai i taua au ra kua 'aere maira te au tāpaki ki runga i te 'enua nei ē kua 'ōronga'ia mai kia rātou te mana o te au tēkōpio o te 'enua nei.
4Ezek 9.4Kua 'akakite'ia ana ki a rātou ē, auraka rātou e rave kino atu ki te matie o te 'enua nei, ki tēta'i 'ua atu au mea matie tupu ra, mē kāre ki tēta'i 'ua atu rākau. Ka rave kino anake 'ua rā ki te au tangata kāre tō te Atua tāpa'o i runga i tō rātou rae.
5Kua 'ōronga'ia te tika ki a rātou, auraka kia tāmate rava i te au tangata, kia 'akamamae rā i a rātou e rima ake marama. Ko taua mamae 'oki mei te mamae ia o te tangata tei kakati'ia e te tēkōpio.
6Iob 3.21; Ier 8.3Kia tae ki te reira au rā e kimikimi ei te tangata kia mate, kāre rā 'e rāvenga. Ka umuumu 'oki rātou i te matenga, e rere kē ra te matenga i a rātou.
7 Ioel 2.4 Te tū o taua au tāpaki ra, mei te au 'oro'enua ia i 'akate'ate'amamao'ia nō te tamaki ra, ē tēta'i mea mei te korōna 'auro i runga i tō rātou ūpoko, ē tō rātou mata mei te mata tangata ia.
8Ioel 1.6Tō rātou rauru, mei te rauru va'ine ia, ē tō rātou ni'o, mei te ni'o liona ia.
9Ioel 2.5'E pāruru umauma tō rātou mei te pāruru 'āuri ia, ē te pararā o tō rātou pē'au, mei te 'ārurururu ia o te au kariota 'oro'enua 'e mānganui e 'oro ki te tamaki ra.
10'E 'iku tō rātou ē te tara mei tō te tēkōpio ra. Ē tei roto ia tō rātou au 'iku, tō rātou mana nō te tāmamae i te tangata e rima ake marama.
11Ko te 'āngela o te va'arua takerekore tō rātou ariki. Tōna ingoa ko Ābadona i te reo 'Ēbera; ko Āpōliona i te reo Eleni, tōna 'āite'anga, te Tākore Tākiri.
12Kua 'ope 'oki te mate mua, i, e rua rāi mate te ka tupu mai.
13 Exo 30.1-3 Kua 'akatangi atura te ono o te 'āngela i tāna pū. Kua 'akarongo atura au i tēta'i reo 'okota'i nō kō mai i ngā 'ope e 'ā o te 'atarau 'auro ra i mua i te aroaro o te Atua,
14i te nā kō'anga ki te ono o te 'āngela i mou i te pū ra, “Ka tuku i ngā 'āngela e 'ā i tāpeka'ia i te pae o te kauvai ma'ata ko Eupharāti.”
15Tuku'ia i'ora aua ngā 'āngela e 'ā ra tei 'akate'ate'amamao'ia nō taua ora, taua rā, taua marama ē taua mata'iti 'oki i te tāmate rava i te toru o te tu'anga o te tangata nei.
16Ko te ma'ata o taua au va'e'au 'oro'enua ra, e rua 'ānere mirioni. Kua 'akakite'ia mai 'oki ki āku tō rātou ma'ata.
17Ko tēia te tū o te au 'oro'enua ē te aronga i no'o ki runga a'o ra tāku i kite i taua 'ōrama ra: 'e pāruru umauma tō rātou, e muramura ra mei te a'i te tū, e auīka ē te rengarenga mei te teio ra. Te mīmiti o te au 'oro'enua ra mei te mīmiti o te liona, ē kua puroro mai te a'i, te au ē te teio nō roto mai i tō rātou va'a.
18Nā tēia ngā mea e toru i mate ei te toru o te tu'anga o te tangata nei, koia 'oki, nā te a'i, te au ē te teio tei puroro mai nō roto mai i tō rātou va'a.
19Ko te ririnui 'oki o te au 'oro'enua tei roto ia i tō rātou va'a ē tō rātou 'iku. Tō rātou au 'iku 'oki mei te 'ōvī rāi te tū, 'e mīmiti tō rātou, ē nā te reira e rave nei i te kino.
20 Sal 115.4-7; 135.15-17; Dan 5.23 Te toenga rā o te tangata tei kore i mate rava i tēianei au mate, kāre rātou i 'akatūkē i te 'anga'anga a tō rātou rima kia kore rātou e 'akamori 'aka'ou i te au dēmoni ē te au 'ītoro 'auro, ē te 'ārio, ē te veo, ē te toka, ē te rākau, ko tei kore 'oki e rauka kia 'ākara, kia 'akarongo ē kia 'ā'āere.
21Kāre katoa rātou i tatarā'ara i tā rātou tā tangata, tā rātou purepure, tā rātou 'akaturi ē tā rātou keiā.
Who We AreWhat We EelieveWhat We Do
2025 by iamachristian.org,Inc All rights reserved.
