1Kua ui maira te Ta'unga Ma'ata ra ki a Setephano, “'E tika āinei tēia au 'aka'apa'anga?”
2 Gen 12.1 Kua pa'u atura a Setephano, “E tama mā ē te au taeake ē te au metua nei, ka 'akarongo mai ana. Kua mama mai ana te Atua kakā ki tō tātou tupuna, ki a Āberahāma ra, i aia e no'o ra i Mēsōpotāmia ra, i mua ake ka no'o ei aia ki Hārana,
3ē kua nā kō maira ki aia ē, ‘E 'akaruke ana koe i tō 'enua ē tō'ou kōpū tangata, e 'aere ki te 'enua tāku ka 'akaāri atu ki a koe na.’
4a: Gen 11.31; b: Gen 12.4I reira, kua 'aere maira aia mei te 'enua maira o tō Kālēdea, e no'o i'ora ki Hārana. I muri ake i te matenga o tōna metua tāne, kua arataki maira te Atua i aia mei reira mai ki tēianei 'enua e no'o'ia e kōtou nei.
5Gen 12.7; 13.15; 15.18; 17.8Kāre rā te Atua i 'ōronga 'ua atu i tēta'i pae kāinga, mei te 'okota'i tapuae vaevae i te ma'atama'ata 'ei ipukarea nōna i tēianei 'enua; kua taputo'u mai rā aia ē, ka 'ōronga mai aia i tēia 'enua nōna ē tōna 'uānga ā muri ake, noa atu 'oki ē, kāre ake rāi āna tamaiti i taua tuātau ra.
6Gen 15.13,14Kua nā kō maira 'oki te Atua ki aia ē, ‘Ka riro tō'ou 'uānga 'ei tuitārere i te 'enua kē, ē ka 'ope rātou i te 'aka'āō'ia ē te tākinga kino'ia nō te au mata'iti e 'ā 'ānere.’
7Exo 3.12Ē kua tuatua maira te Atua, ‘Ka 'akavā au i te 'iti tangata te ka 'akatuika'a mai i a rātou, ē i muri ake i ēia nei mea e 'aere mai ei rātou mei taua 'enua ra, ē ka 'akamori mai rātou i āku i konei.’
8a: Gen 17.10-14; b: Gen 21.2-4; c: Gen 25.26; d: Gen 29.31—35.18Ē kua tuku maira te Atua i te kōreromotu o te peritome ki aia ra. I reira, 'ānau akera tā Āberahāma ko Īsā'aka, ē kua peritome'ia i'ora aia i te pō varu ra; ē 'ānau akera tā Īsā'aka ko Iākōba, ē kua peritome'ia i'ora aia; ē kua pērā katoa a Iākōba ra i te 'ui tupuna rongonui tino nga'uru mā rua ra.
9 a: Gen 37.11; b: Gen 37.28; c: Gen 39.2,21 “Nō te vare'ae rā o taua 'ui tupuna ra i a Iōsēpha, kua 'oko atura rātou i aia ki Aiphiti. Tei aia rā te Atua,
10Gen 41.39-41ē kua 'akaora i aia mei roto mai i tōna katoa ra au mate, ē kua 'ōronga mai i te meitaki ē te pakari nōna i mua i te aroaro o Phārao, te ariki o Aiphiti ra; ē kua 'akariro atura i aia 'ei tūtara nō Aiphiti ē tōna katoa ra ngutu'are tangata.
11Gen 42.1,2Kua roko'ia i'ora te 'enua kātoatoa ra ko Aiphiti ē Kanaana e te onge ē te mate ma'ata; ē kāre rava akera a tō tātou 'ai metua kai i rauka.
12Kia 'akarongo rā a Iākōba ē, 'e sītona tei Aiphiti, kua tono atura aia i tō tātou 'ai metua i te 'aerenga mua.
13a: Gen 45.1; b: Gen 45.16E tae akera ki te rua o te 'aerenga, kua 'akakite maira a Iōsēpha i aia ki tōna 'ai tuakana, ē kua nakiro katoa'ia te kōpū tangata o Iōsēpha e Phārao ra.
14a: Gen 45.9,10,17,18; b: Gen 46.27I reira, kua unga atura a Iōsēpha i a rātou ē tiki mai i tōna metua tāne ra i a Iākōba ē tōna kōpū tangata, e 'itu nga'uru mā rima te kātoatoa.
15a: Gen 46.1-7; b: Gen 49.33Kua 'aere maira a Iākōba ki raro i Aiphiti. Kua mate i'ora aia ē tō tātou 'ai metua katoa ra.
16Gen 23.3-16; 33.19; 50.7-13; Iosu 24.32Ē kua 'apai'ia atura tō rātou kōpapa ki Sēkema, ē tuku'ia atura ki roto i te tanumanga tā Āberahāma i 'oko mai ki tēta'i tu'anga moni mei te 'ānau tamāroa mai a Hāmora i Sēkema ra.
17 Exo 1.7,8 “Kia vaitata maira te tuātau e tupu ei tā te Atua i taputo'u mai ki a Āberahāma ra, kua ra'i mai aua tangata ra, ē kua 'akarau ki roto i a Aiphiti,
18e tae akera ki te tupu'anga mai o tēta'i ariki kē tei kore i kite i a Iōsēpha.
19a: Exo 1.10,11; b: Exo 1.22Kua rave i'ora aia i te 'anga'anga tāpikipiki ki tō tātou 'iti tangata, ē kua tīnaimate atura i tō tātou 'ai metua, kia 'akaruke 'ua i tā rātou tamariki ki va'o kia mate rātou.
20Exo 2.2I te reira tuātau 'oki tō Mōse 'ānau'anga mai. 'E tamaiti pingapingareka tikāi 'oki aia ki te Atua, ē kua utuutu'ia aia e toru mārama ki roto i te 'are o tōna metua.
21Exo 2.3-10Ē kia 'akaruke 'ua'ia aia ki va'o ra, kua rave maira te tamā'ine a Phārao i aia ē kua utuutu atura i aia 'ei tamaiti nāna 'ua'orāi.
22Kua 'āpi'i'ia i'ora a Mōse ki te au peu pakari kātoatoa a tō Aiphiti ra; ē 'e mana ririnui tōna i roto i tāna tuatua ē tāna au 'anga'anga.
23 Exo 2.11-15 “E tae akera tō Mōse mata'iti ki te 'ā nga'uru, kua manako akera aia ē, e 'aere e 'ākara i tōna au taeake, te tamariki a Īserā'ela.
24E kite atura a Mōse i tēta'i o rātou i te tākinga kino'anga'ia, kua pāruru atura aia i aia, ē kua tā atura i te tangata Aiphiti 'ei tūtaki nō tei tākinga kino'ia ra.
25Kua manako 'oki a Mōse ē, kua nakiro tōna 'iti tangata ē, tē tā'anga'anga maira te Atua i aia 'ei 'akaora i a rātou; kāre rā rātou i mārama.
26I tērā a'o mai rā, kia 'aere 'aka'ou mai aia ki ō rātou ra, tē kukumi ra 'oki 'e tokorua, ē kua vavao atura aia i a rāua kia 'aka'au rāua, ē kua nā kō atura, ‘E tama mā, 'e taeake rāi kōrua; 'e a'a kōrua i tākinga kino ei i a kōrua 'ua'orāi?’
27Ko te tangata rā e tākinga kino ra i tōna taeake, kua 'ōpara maira aia i a Mōse, nā kō maira, ‘Nā 'ai koe i 'akariro 'ei tūtara ē 'ei 'akavā i a mātou nei?
28Ka tāmate mai āina koe i āku, mei tā'au i tāmate atu i te tangata Aiphiti i nana'i?’
29Exo 18.3,4I tō Mōse 'akarongo'anga i tēianei tuatua, kua 'oro kē atura aia ki Mīdiana; no'o tuitārere atura aia ki reira ra. E 'ānau akera e rua tamariki tamāroa nāna ki reira ra.
30 Exo 3.1-10 “E 'ope akera e 'ā nga'uru mata'iti ki muri, kua mama maira te 'āngela a te 'Atu ki a Mōse nā roto mai i te a'i kā i roto i tēta'i pū ngāngā'ere i te mēdēbara i vaitata ki te maunga ra ko Sinai.
31I te kite'anga atu aia i taua mea ra, kua ūmeremere 'ua atura aia. Ē kia 'akavaitata atu aia ki te pū ngāngā'ere kia 'ākara ra, kua puta maira te reo o te 'Atu ki aia ra,
32nā kō maira, ‘Ko au te Atua o tō 'ai metua ra, te Atua o Āberahāma, ē te Atua o Īsā'aka, ē te Atua o Iākōba.’ Kua rūtete i'ora a Mōse i te mataku, ē kāre akera aia e tae i te 'ākara atu.
33Kua tuatua maira te 'Atu ki aia, ‘Ka kiriti ana i te tāmaka i tō vaevae na, nō te mea, ko te ngā'i tā'au e tū na, 'e one tapu ia.
34Kua kite tikāi 'oki au i te mate o tōku 'iti tangata i Aiphiti, ē kua 'akarongo au i tō rātou ngunguru'anga, ē kua 'eke mai nei au ki raro nei e 'akaora i a rātou. Ē tēianei, 'aere mai, ka tono au i a koe ki Aiphiti.’
35 Exo 2.14 “Ko taua Mōse ra rāi tēia tā rātou i 'akava'ava'a i te nā kō'anga ra ē, ‘Nā 'ai koe i 'akariro 'ei tūtara ē 'ei 'akavā?’ Ko ia rāi tā te Atua i tono 'ei tūtara ē 'ei 'akaora nā roto i te rima o te 'āngela i mama mai ana ki aia ra i roto i te pū ngāngā'ere ra.
36a: Exo 7.3; b: Exo 14.21; c: Num 14.33Nāna 'oki i arataki mai i a rātou ki va'o ē te raverave'anga atu i te au mea ūmeremere ē te au 'akairo i te 'enua Aiphiti ra ē i te Tai Muramura, ē te 'ā nga'uru mata'iti i a rātou i roto i te mēdēbara ra.
37Deut 18.15,18Ko te Mōse rāi tēia tei karanga atu ki te tamariki a Īserā'ela ē, ‘Ka 'akatupu mai tō kōtou Atua i tēta'i peroveta nō kōtou mei roto mai i tō kōtou 'ai taeake na, mei āku katoa nei rāi te tū.’
38Exo 19.1—20.17; Deut 5.1-33Ko te Mōse katoa rāi tēia i roto i te putuputu'anga o Īserā'ela i te mēdēbara ra ma tō tātou 'ai metua, ē te 'āngela i te tuatua'anga mai ki aia i te maunga ra i Sinai, ko ia rāi tei 'āriki i te tuatua ora e tuku mai nā tātou ra.
39“Ko ia rāi tei kore tō tātou 'ai metua i 'inangaro i te kauraro atu i aia, kua kōpae atura rātou i aia ē kua 'āriuriu atura tō rātou ngākau ki Aiphiti,
40Exo 32.1nā kō atura ki a Āārona ra, ‘E rapa mai koe i ēta'i atua nō tātou 'ei 'aere nā mua i a tātou, nō te mea ē, kāre tātou i kite ē, 'e a'a tei tupu ki taua tangata ra ko Mōse tei arataki mai i a tātou mei roto mai i te 'enua ra ko Aiphiti.’
41Exo 32.2-6Kua ma'ani i'ora rātou i tēta'i punua puakatoro i aua ngā rā ra, ē kua 'apai atura i te 'ātinga ki taua 'ītoro ra, ē kua tārekareka atura rātou i tā tō rātou 'ua'orāi au rima i 'anga'anga ra.
42Amo 5.25-27Kua 'āriu kē atura te Atua ē kua 'akaruke maira i a rātou kia 'akamori i te nuku o te rangi ra; mei tei tātā'ia ki roto i te puka a te au peroveta ra ē,
‘E te ngutu'are o Īserā'ela ē, i 'apai mai āina kōtou
i te au 'ānimara tā'ia ē te au 'ātinga nāku
i te au mata'iti e 'ā nga'uru i te mēdēbara ra?
43I tēianei rā, kua 'apai kōtou i te pū'ākapa o Moloka,
ē te 'ētū o tō atua na ko Rēphana,
ngā 'ītoro tā kōtou i ma'ani 'ei 'akamori'anga ra.
Ka 'akaātea kē atu au i a kōtou ki kō atu i a Bābulōnia ra.’
44 Exo 25.9,40 “Tei tō tātou 'ai metua i te mēdēbara ra te Pū'ākapa kite, mei tā te Atua i tuatua ana ki a Mōse i te 'akaue'anga ē, ‘E ma'ani koe i tēta'i pū'ākapa mei te tū tikāi o tā'au i kite ana ra.’
45Iosu 3.14-17I te rauka'anga mai te reira, kua 'apai maira tō tātou 'ai metua i te reira i raro ake i te 'akatere'anga a Iōsua ra ki te 'enua o te au 'iti tangata tei riro mai i a rātou, ē tā te Atua i 'akaātea atu mei mua atu i te aroaro o tō tātou 'ai metua ra. Kua vai maira te pū'ākapa e tae rava ake nei ki te tuātau o Dāvida,
462 Sam 7.1-16; 1 Par 17.1-14tei mareka'ia mai e te Atua ra, ē kua pati atura aia kia 'akatika'ia mai kia 'akatū aia i tēta'i 'iero nō te Atua o Iākōba.
471 Arik 6.1-38; 2 Par 3.1-17Nā Sōlomona rā i 'akatū i tēta'i 'are nōna.
48“Kāre rā tei Teitei Rava e no'o ana ki roto i te 'iero i ma'ani'ia e te rima tangata ra, mei tei tuatua'ia maira e te peroveta ē,
49 Isa 66.1,2 ‘Ko te rangi tōku nei terōno,
ē ko te 'enua tōku taka'inga vaevae.
'E a'a te tū o tā kōtou 'are ka 'akatū nōku,’ i nā te 'Atu ei,
‘mē kāre ra, 'e a'a tēia ngā'i 'akangāro'i'anga nōku ra?
50Kāre āinei ē nā ōku rima i 'anga i te 'apinga tini rava rāi nei?’
51 Isa 63.10 “E kōtou, te aronga pāketaketa ma te ngākau ē te taringa peritomekore'ia! Mei tō kōtou ai metua rāi kōtou, e pāto'ito'i 'ua na rāi kōtou i te Vaerua Tapu!
52Ko 'ai i te au peroveta ra tei kore i tākinga kino'ia e tō kōtou 'ai metua ra? Kua tāmate katoa rātou i te aronga i 'akakite mamao mai i te 'aere'anga mai o taua Tangata Tuatuatika ra. Ko kōtou rā tei tuku pikika'a atu ē tei tāmate rava atu i aia.
53Ko kōtou rāi 'oki tei mou i te Ture tei tuku'ia mai nā roto i te au 'āngela ra, ē kāre ake nei rāi kōtou i 'ākono 'ua atu.”
Te pēpē'i'ia'anga a Setephano ki te toka54Ē i te 'akarongo'anga mai rātou i aua tuatua ra, kua riri rava akera rātou i aia, ē kua pākatikati akera ō rātou ni'o.
55Kāreka a Setephano ra, kua kī aia i te Vaerua Tapu. Ē kua 'ākara tāmou tika atura aia ki runga i te rangi, ē kite atura aia i te kakā o te Atua ē i a Iēsū i te tū'anga i te rima katau o te Atua ra.
56Ē kua nā kō akera aia, “Inā, tē kite atu nei au i te rangi i te 'akatu'era'anga'ia mai, ē te Tamaiti a te Tangata i te tū'anga i te rima katau o te Atua ra.”
57Kua kāpiki nui maira rātou, mōmani i'ora i tō rātou taringa, ē 'oro viviki 'ua maira rātou kātoatoa ki runga i aia,
58ē kua tūraki atura i aia ki va'o mai i taua 'ōire ra, pēpē'i i'ora i aia ki te toka. Ē ko te au kite rā, kua vai'o maira 'oki i tō rātou kāka'u ki te pae vaevae o tēta'i tangata 'ōu ra, ko Saula te ingoa.
59Kua pēpē'i i'ora rātou i a Setephano ki te toka, i aia e pure 'ua ra i te nā kō'anga ē, “E te 'Atu, ē Iēsū ē, e 'āriki mai i tōku nei vaerua.”
60Tūturi i'ora aia, ē kua kāpiki 'ua atura aia ma te reo ma'ata, “E te 'Atu ē, auraka tēianei 'ara e i'o mai ki a rātou nei!” Ē tei te 'akapērā'anga ra aia, moe atura aia.
Who We AreWhat We EelieveWhat We Do
2025 by iamachristian.org,Inc All rights reserved.
