1Ko tātou nei 'oki i 'akapini'ia e te au kite 'e mānganui mei te tiao ra. E 'oro tātou ma te manako aruaru tāmou tikāi i te 'oro'anga i mua i a tātou nei, ē e kōpae atu tātou i te au mea rava rāi tei ārai i a tātou, nā mua 'oki te au 'ara e roko'ia ngō'ie mai ei tātou nei.
2E tāmou mārie tātou i tō tātou mata ki a Iēsū, ko te 'akamata'anga ia ē te 'openga o tō tātou 'irinaki'anga. Kua 'akakoromaki 'oki aia i te mate sātauro ē kāre i ma'ara atu i tē 'akamā o te reira, nō te rekareka 'oki te ka rauka i aia ā muri atu. Ē tē no'o ra aia i tēianei i te pae katau o te terōno o te Atua ra.
3E 'akama'ara mārie i a Iēsū tei 'akakoromaki i tō te aronga rave 'ara 'akakino'anga i aia. I reira kāre kōtou e 'akaro'iro'i ē e tuku i te 'au.
4Tō kōtou kukumi'anga i te au mana o te kino, kāre kōtou i kukumi ake i te reira e tae 'ua atu ki te mate.
5Iob 5.17; Mase 3.11,12Kua ngaropōina āinei i a kōtou te tākiato kōrero tei ako mai i a kōtou mei te mea ra ē, 'e tamariki kōtou nāna?
“E taku tamaiti, auraka koe e 'akava'ava'a i te akoako'anga a te 'Atu,
auraka 'oki e no'o ngatā mē 'akamako aia i a koe.
6Ko tā te 'Atu 'oki e 'akaperepere ra, ko tāna ia e akoako mai,
ē e pāpā rāi aia i te kātoatoa tāna i 'āriki mai 'ei tamariki nāna.”
7E 'akakoromaki mē akoako'ia mai kōtou. Tē 'ākono nei 'oki te Atua i a kōtou mei tāna tamariki rāi. Ko 'ai 'oki ia tamaiti kāre i akoako'ia mai e tōna metua ra?
8Mei te mea ē, kāre kōtou e akoako'ia ana mei te tamariki rava rāi, kāre kōtou i te tamariki mou, 'e au pūtī rā.
9I te pae kōpapa 'e au metua tō tātou, ko tei akoako mai i a tātou, ē kua 'akangāteitei rāi tātou i a rātou. Kāre āinei 'e meitaki ma'ata atu tō tātou kauraro'anga i te Metua i te pae vaerua, ē kia ora tātou i reira?
10Ko rātou 'oki i akoako mai i a tātou nō tēta'i tuātau poto mei tei tau i tō rātou manako, ko te Atua rā tei rave i te reira 'ei meitaki nō tātou kia tapu tātou mei aia rāi.
11Ko te au akoako'anga rava rāi, kāre i te mea mataora i te tuātau i rave'ia ai, 'e mea mamae rā. I muri ake rā, ko te aronga i 'akamātau'ia i te reira ka rauka i a rātou te ora'anga 'au ē te tau meitaki 'ei tūtaki'anga.
'E au 'āpi'i'anga ē te 'akamatakite'anga12 Isa 35.3 Nō reira, e 'akaketaketa kōtou i te rima ngāvarivari, ē e 'akapakari i te turi rū 'ua ra,
13Mase 4.26ē e 'akatika i te ara nō tō kōtou vaevae, kia kore te vaevae pirikoki e tūrori kē, kia 'akaora'ia rā.
14E tautā pakari kia 'au ki te au tangata katoa nei, ē e kimi i te ora'anga tapu, kāre 'oki te tangata tapukore e kite i te 'Atu.
15Deut 29.18E matakite kia kore tēta'i e 'akangere i aia 'ua'orāi i te aro'a 'ua o te Atua. E matakite kia kore e tupu tēta'i tumu ma'ama'a te ka 'akatupu i te pekapeka ē e tākinokino atu i te tangata 'e mānganui.
16Gen 25.29-34E matakite katoa kia kore 'e tangata 'akaturi i roto i a kōtou, mē kāre ra, 'e tangata 'akanoa i te mea tapu mei a Ēsau ra, ko tei 'oko atu i tāna tu'anga tama mua nō te kai'anga kai 'okota'i ra.
17Gen 27.30-40Kua kite 'oki kōtou ē, kia 'inangaro aia i muri ake i te 'āriki mai i te 'akameitaki'anga a tōna metua, kāre ia i 'ōronga'ia mai ki aia. Ē kāre rava i kitea'ia e ia tēta'i rāvenga i te 'akatūkē i te reira, noa atu ē kua kimikimi rāi aia ma te roimata.
18-19 Exo 19.16-22; 20.18-21; Deut 4.11,12; 5.22-27 Kāre kōtou mei te 'iti tangata Īserā'ela i vaitata ki te Maunga ra ko Sinai, te ka rauka i te 'ā'ā'ia ē tōna a'i mura ra, te pōiri tangotango, te 'uri'ia, te 'aruru'anga pū ē te reo o tēta'i i tuatua maira. I tā te tangata 'akarongo'anga i te reira, kua pati 'akatenga rātou, auraka rava e tuatua 'aka'ou'ia tēta'i mea ki a rātou ra.
20Exo 19.12,13Kāre 'oki i rauka i a rātou kia 'akakoromaki i tei 'akaue'ia mai ki a rātou ē, “Ē kia 'akatūkia tēta'i 'ua atu manu i taua maunga ra, ka pē'i'ia rāi aia ki te toka.”
21Deut 9.19Ē nō te rikarika ma'ata i tei kitea'ia maira, kua tuatua i'ora a Mōse ē, “Kua mataku rava au ma te rūtetetete.”
22-23Kāre rā kōtou mei te 'iti tangata Īserā'ela. Kua tae mai rā kōtou ki te maunga ra ko Siona, ē ki te 'ōire o te Atua ora ra, ko Iērūsalēma i te ao ra, ē tōna au 'āngela 'e mānganui, kāre e 'ope kia tatau ra. Kua 'aere mai kōtou ki te putuputu'anga ē te tā'okota'i'anga rekareka o te au tama mua a te Atua tei tātā'ia tō rātou au ingoa i te ao ra. Kua tae mai kōtou ki mua i te Atua, te 'akavā o te au tangata rava rāi, ē ki mua katoa i te au vaerua o te aronga tuatua tika, tei 'akariro'ia 'ei aronga meitaki rava.
24Gen 4.10Kua tae mai 'oki kōtou ki a Iēsū tei 'akatupu i te kōreromotu 'ōu, ē ki te papa'u'anga meitaki atu o tōna toto i 'akamaringi'ia i tō Ābela ra toto.
25 Exo 20.22 E 'ākara meitaki kia 'akarongo kōtou i te Atua e tuatua mai nei ki a kōtou. Kāre 'oki rātou i ora tei kore i 'akarongo i tā te Atua i tuatua mai ki a rātou i te ao nei nā roto i a Mōse, ka tanga atu ei i a tātou mē 'āriu kē tātou mei aia tei tuatua mai mei te rangi mai.
26Hag 2.6Ko te reo o tei 'akangāruerue i te 'enua i taua tuātau ra, tē papa'u maira ia i tēianei, i te nā kō'anga mai ē, “'Okota'i āku 'akangāruerue'anga toe; kāre 'oki ē ko te 'enua anake 'ua, ko te rangi katoa rā.”
27Tē 'akaāri mai nei taua tuatua ra ē, “'Okota'i 'akangāruerue'anga toe,” ka 'akaātea'ia te au mea 'anga'ia tei 'akangāruerue'ia; ka vai rā te au mea kāre i 'akangāruerue'ia.
28Ē tēianei, kia 'akameitaki tātou i te Atua, nō te mea, i rauka i a tātou te bāsileia ngāueuekore. Kia 'akamori 'oki tātou i te Atua i te tū e mareka ai aia nā roto i te 'akameitaki'anga ma te 'akangāteitei ē te mataku i aia.
29Deut 4.24'E a'i kakai 'oki tō tātou Atua.
Who We AreWhat We EelieveWhat We Do
2025 by iamachristian.org,Inc All rights reserved.
