1 1 Tesa 4.15-17 Tē 'inangaro nei mātou i te tuatua atu ki a kōtou, e te au taeake, nō runga i te tae'anga mai o tō tātou 'Atu ra ko Iēsū Mesia ē tō tātou putuputu'anga ki aia ra.
2Tē pati nei mātou ki a kōtou, 'eia'a tō kōtou manako e ngaro viviki ē 'eia'a kōtou e taitaiā i te rongo'anga ē, kua tae mai te rā o te 'Atu. Kua manako'ia pa'a ē, nō kō nei atu i a mātou nei te reira tuatua, mē nā roto i tēta'i toto'u'anga, mē kāre i tēta'i karere, mē kāre i tēta'i leta.
3Auraka roa kōtou e vāvare i tēta'i tangata. Kāre taua rā ra e tae mai ei kia kore e nā mua rava te ma'ata'anga o te tangata i te 'akaruke i te Atua, ē te Tangata 'Ara, ko te tamaiti 'oki o te mate mutukore, i te 'akakite'ia mai.
4Dan 11.36; Ezek 28.2Ko ia rāi 'oki tē pāto'i nei ē tē manako nei aia ē, 'e ma'ata rava atu ia i te au mea rava rāi tei karanga'ia ē, 'e Atua, mē kāre tei 'akamori'ia. Ē ka no'o rāi aia i roto i te nao o te Atua ma te 'akapāpū'anga ē, ko ia rāi te Atua.
5Kāre āina kōtou e ma'ara ana ē, nāku i 'akakite i te reira ki a kōtou i āku rāi i no'o i ō kōtou na?
6Kua kite kōtou ē, tē tāpū nei tēta'i mana i taua Tangata 'Ara ra i tēianei, i kore ei aia e mama mai, māri rā i tōna 'ua'orāi tuātau.
7Tē 'anga'anga ngaro 'ua nei rāi 'oki taua Tangata Kino ra e tae 'ua atu ki te 'akaātea'anga'ia taua mana ra tē tāpū nei i aia.
8Isa 11.4Ē i reira ka kitea pū'ia mai taua Tangata Kino ra. Ē nā te 'Atu, nā Iēsū, e tāmate ei i aia ki te 'akaea o tōna va'a ē ka 'akakore tākiri i aia ki te tū kakā o tōna tae'anga mai.
9Māt 24.24Tō taua Tangata Kino ra 'aere'anga mai ka tupu ia nā roto i te mana ririnui o Sātani ma te au 'akairo ē te au rāvenga ūmeremere pikika'a ra.
10Ē ka tāpikipiki aia ki te au tū kino rava rāi i te aronga te ka ngaro. Ka ngaro rātou, nō te mea, kāre rātou i 'āriki i te tuatua mou ma te ngākau tae 'ei rāvenga ora nō rātou.
11Ka tuku mai te Atua i tēta'i mana tei 'akavare i a rātou kia 'irinaki rātou i te tuatua pikika'a.
12I pērā aia kia 'aka'apa'ia te aronga kātoatoa tei kore i 'irinaki i te tuatua mou, i navenave rā i te tuatua tikakore.
Kua 'iki'ia nō te rāvenga ora13'E mea tau i a mātou kia 'akameitaki mātou i te Atua ma te tīvatakore nō kōtou, e te au taeake tei 'akaperepere'ia e te 'Atu ra. Ko kōtou 'oki i rotopū i te aronga mua tā te Atua i 'iki kia 'akaora'ia nā roto i tā te Vaerua 'akatapu'anga ē tō kōtou 'āriki'anga i te tuatua mou.
14I kāpiki'ia 'oki kōtou e te Atua nā roto i tā mātou 'āpi'i'anga 'ēvangelia, kia rauka i a kōtou te kakā o tō tātou 'Atu ra ko Iēsū Mesia.
15Nō reira, e te au taeake, kia mou piri tikāi kōtou ē kia 'ākono meitaki i te au 'āpi'i'anga tā mātou i tuku atu ki a kōtou na, mē nā roto i te tuatua va'a, mē kāre nā roto i te leta.
16Kua aro'a mai te Atua tō tātou Metua ra i a tātou nei ē kua 'ōronga mai nā roto i tōna aro'a 'ua
17i te pūma'ana mutukore ē te mānakonako'anga meitaki. Tē pure nei mātou kia 'akamāro'iro'i'ia mai kōtou e ia ma tō tātou 'Atu ko Iēsū Mesia 'ua'orāi, ē kia 'akamātūtū i a kōtou kia meitaki tā kōtou au 'anga'anga ē te tuatua rava rāi.
Who We AreWhat We EelieveWhat We Do
2025 by iamachristian.org,Inc All rights reserved.
