1I taua tuātau ra kua 'akarongo akera te tēterāreka ra ko Heroda i te rongonui nō Iēsū ra,
2ē kua nā kō atura ki tōna au tāvini ra, “Ko Ioane Bāpetīto tēia, kua tū 'aka'ou mai mei te mate mai. Nō reira i tikāi te au mana ma'ata i te 'anga'anga ki roto i aia.”
3 Luk 3.19,20 Nā Heroda 'oki i 'opu i a Ioane, kua rī i aia ē kua titiri atura ki roto i te 'are 'āuri ra, nō Hērōdia 'oki te va'ine a tōna taeake ko Philipa.
4Lev 18.16; 20.21I tuatua ana a Ioane ki a Heroda, “Kāre e tau i te ture kia rave koe i a Hērōdia.”
5Ē kua 'inangaro tikāi aia kia tā tākiri i a Ioane, inārā, tē mataku ra aia i te tangata tini, nō te mea, tē manako ra rātou i a Ioane 'e peroveta aia.
6Inārā, kia tae ki te rā 'ānau'anga o Heroda, kua 'ura i'ora te tamā'ine a Hērōdia ki rotopū i te au manu'iri, rekareka rava akera a Heroda.
7Ē kua tia atura aia ma te taputo'u nō te 'ōronga atu ki aia i tāna e 'inangaro i te pati mai.
8Ē, nō te mea i 'akanauru takere'ia ana aia e tōna metua va'ine, kua nā kō maira aia, “E 'ō mai i te ūpoko o Ioane Bāpetīto ki roto i tēta'i kumete.”
9Kua tūmatetenga atura te ariki. Inārā, nō te au taputo'u nāna ra ē nō te au manu'iri 'oki, kua 'akaue atura aia kia 'ōronga'ia mai ki aia ra.
10'Akaunga atura aia i tēta'i tangata, ē tīpū'ia i'ora te ūpoko o Ioane i roto i te 'are 'āuri.
11E 'apai'ia maira te ūpoko i runga i tēta'i 'āriki ma'ata, ē kua 'ōronga'ia maira ki taua tamā'ine ra, ē nāna i 'apai i te reira ki tōna metua va'ine.
12E 'aere maira te au pipi a Ioane, 'apai atura i tōna kōpapa e tanu. Ē kua 'aere maira e 'akakite maira ki a Iēsū.
Te 'āngai'anga a Iēsū i te rima tauatini tangata(Māreko 6.30-44; Luka 9.10-17; Ioane 6.1-14)13E 'akarongo akera a Iēsū i te reira, 'aere pōiri atura aia ki runga i tēta'i poti, riro atura ki tēta'i ngā'i motuta'a. E 'akarongo akera te tangata tini, kua āru atura rātou i aia nā uta mai mei roto mai i te au 'ōire.
14Ē i aia i tae atu, kua kite atura a Iēsū i te pouou tangata ma'ata, tangi atura aia i a rātou, 'akaora i'ora i tō rātou aronga 'āpikepike ē te maki.
15Ē a'ia'i i'ora, kua 'aere maira tāna au pipi ki aia, nā kō maira, “'E ngā'i motuta'a tēia ē tē 'aere 'ua nei te ora. E tuku atu i te pouou tangata kia 'aere rātou ki te au 'ōire e 'oko i te kai nā rātou.”
16Kua nā kō atura a Iēsū ki a rātou, “Kāre 'e tumu ka 'aere ei rātou. Nā kōtou e 'ōronga atu i te kai nā rātou ra.”
17Kua pa'u maira rātou ki aia, nā kō maira, “Kāre ā tātou 'apinga i konei, māri 'ua e rima taupūpū varāoa ē e rua ika.”
18Kua nā kō akera a Iēsū, “Ka 'apai mai i te reira ki āku nei.”
19Kua 'akaue atura aia i te au tangata tini kia takoto rātou ki raro i te matie, ē kua rave i'ora i te taupūpū varāoa ē rima ra ē ngā ika e rua, nānā akera ki runga i te rangi ē 'akameitaki atura, ē vāvā'i i'ora i te mānga, 'apai atura ki te au pipi, ē nā rātou i tu'a atu nā te au tangata tini.
20E kai anake i'ora rātou ē pangia rava akera. E 'akaputuputu'ia i'ora te toengā kai, ē kī akera te au tāpora ē rau nga'uru mā rua ra.
21I taua aronga i kai ra, e rima pa'a tauatini tāne, ē te au va'ine 'oki ma te au tamariki.
'Aere i'ora a Iēsū nā runga i te vai(Māreko 6.45-52; Ioane 6.15-21)22'Ei reira rāi, kua 'akaue atura a Iēsū i tāna au pipi e 'aere ki runga i tēta'i poti e 'akatere nā mua i aia ki tēta'i pae, ka tuku atu ei aia i te tangata tini.
23E oti akera taua aronga ma'ata ra i te tuku'ia e ia, 'aere atura aia ki runga i te maunga e pure, ko ia anake ua. E pō i'ora, ko ia anake ra i reira.
24Inārā, e mamao rāi te poti mei te pae roto ra i te tā'uri'uri'anga'ia e te kāre; tē nā mua maira 'oki te matangi.
25I rotopū i te ora toru ē te ora ono i te pō ra, 'aere atura a Iēsū ki a rātou ra, nā runga i te kāre i te 'aere'anga.
26E kite maira te au pipi i aia i te 'aere'anga nā runga i te kāre, tūmatetenga akera rātou, tuatua akera, “'E turuma tēia!” Kua auē i'ora rātou i te mataku.
27I reira rāi kua karanga atura a Iēsū ki a rātou, nā kō atura, “E 'akamāro'iro'i. Ko au tēia. Auraka e mataku.”
28Kua tuatua maira a Pētero ki aia, nā kō maira, “E te 'Atu, mei te mea ē ko koe tikāi tēnā, e 'akaue mai koe ki āku ki 'aere atu au ki a koe nā runga i te kāre.”
29Ē kua karanga atura a Iēsū, “Ka 'aere mai!” Ē kua 'eke maira a Pētero ki raro, 'akaruke maira i te poti, 'aere atura ki a Iēsū nā runga i te kāre.
30Kia kite rā aia i te viviki'anga o te matangi, mataku akera, ē tē 'akamata ra i te tomo atura ki raro i te tai, kāpiki atura, nā kō atura, “E te 'Atu, 'akaora'ia mai au!”
31I reira rāi kua 'akatika maira a Iēsū i tōna rima, 'opu maira i aia, nā kō maira ki aia, “E koe tē 'akarongo meangiti nei, 'e a'a koe i 'ēkōkō ei?”
32E tae maira rāua ki runga i te poti ra, ākī tākiri akera te matangi.
33Kua 'aere maira tō roto i te poti ra, tīpapa maira ki mua i aia, nā kō maira, “Ko te Tamaiti tikāi koe a te Atua ra.”
Kua 'akaora a Iēsū i te aronga maki i Genesāreta(Māreko 6.53-56)34E tae atura rātou ki tēta'i pae o te roto, tāpae atura rātou ki te 'enua ra ki Genesāreta.
35E kite akera tō reira i aia, kua tono 'aere i'ora te tangata o taua 'ōire ra i te karere e pini rava akera te reira 'enua, ē kua 'apai maira rātou i te aronga maki rava rāi ki aia,
36ē kua pati maira rātou ki aia, kia 'akatūkia 'ua atu rātou i tōna tapa kāka'u. Ē te aronga kātoatoa tei 'akatūkia ra, kua ora tākiri rava ia.
Who We AreWhat We EelieveWhat We Do
2025 by iamachristian.org,Inc All rights reserved.
