Tito Nō runga i tēia leta - Cook Island Maori Revised New Testament(CIMRNT)

Nō runga i tēia letaI roto i te au leta tāna i tātā, i tā'iku putuputu ana a Paulo i a Tito mei tēta'i tangata tei 'anga'anga kāpiti ki aia i Āsia Mīnora ē te Eleni (2 Kor 2.13; 7.6,13; 8.6,16, 23; 12.18; Gal 2.3). Tē 'akaue nei a Paulo i a Tito kia 'akapāpū aia ē, 'e au tiaki 'ēkālēsia ē te aronga 'aka'aere rāi tō te 'ēkālēsia i Kēreta.Tē 'akamārama nei a Paulo i a Tito nō runga i te tū tau tikāi o te au tiaki 'ēkālēsia ē te aronga 'aka'aere (1.5,9), ē nō runga katoa i te au Keretitiāno kia mā te ngākau ē kia mako meitaki (1.10-16).Tē 'ō ake nei a Paulo ki a Tito i ēta'i 'āpi'i'anga nō te au putuputu'anga tātakita'i i roto i te 'ēkālēsia i Kēreta (2.1-10). Tē 'akama'ara nei aia ki a Tito ē, kua rauka te ora'anga 'ōu nā roto i tō te Atua tono'anga mai i a Iēsū Mesia, koia 'oki: Kua 'akaora'ia rātou e te Atua, ē kua 'ōrei'ia nā roto i te mana o te Vaerua Tapu; kua 'aka'ōu'ia rātou ē kua 'ōronga'ia mai te mānakonako'anga o te ora mutukore (2.11-14; 3.4-7).Tē 'akakite katoa nei a Paulo i 'akapē'ea i rauka ai i a tātou te rāvenga ora:Kua mama mai rā te tākinga meitaki ē te aro'a o te Atua tō tātou 'Akaora nō te tangata. Ē kua 'akaora'ia mai tātou nō tōna aro'a. Kua rauka mai i a tātou te 'ānau 'aka'ou'anga ē te ora'anga 'ōu nā roto i te 'ōrei'angā vai ē te Vaerua Tapu, 'eia'a nō te 'anga'anga mēmeitaki tā tātou i rave ma te tuatua tika (3.4,5).Te 'akano'ono'o'anga o tēia leta1. Te aro'a'anga 1.1-42. Tā Tito 'anga'anga i Kēreta 1.5-163. Te 'āpi'i'anga nō te aronga tūkēkē 2.1-104. Te aro'a o te Atua ē te ora'anga 'ōu 2.11—3.115. Te pōrokiroki'anga 3.12-15