Philemona Nō runga i tēia leta - Cook Island Maori Revised New Testament(CIMRNT)

Nō runga i tēia leta'E tangata 'apinga nui a Philemona, ē 'e au tuika'a tāna. 'E 'are ma'ata tōna tei riro 'ei ngā'i putuputu'anga nō te 'ēkālēsia (2). I manako'ia ē i no'o ana a Philemona i Kolosa, nō te mea, i roto i tā Paulo leta ki te 'ēkālēsia i Kolosa kua tā'iku'ia a Arekipo, ē pērā katoa a Onesimo, te tuika'a a Philemona (Kolosa 4.9,17).Mei roto mai i te 'are 'āuri tō Paulo tātā'anga i tēia leta nō te tuika'a a Philemona ko Onesimo tei 'oro kē ana. Kua 'aka'āriu'ia mai 'oki aia ki te 'Atu e Paulo, ē kua riro mai rāua 'ei taeake piri mou tikāi. Tē tātā nei a Paulo ki a Philemona i te pati atu ki aia kia 'ō'ō mai aia i a Onesimo mei te taeake rāi ē te tangata tei āru i te 'Atu.Ko tēia leta 'ei 'ākara'anga meitaki ia nō te tū tātā'anga leta i te tuātau o te 'au Rōma. Ko te leta 'okota'i tēia tei 'akaāri mai i tō Paulo piri'angā 'oa tūmanava ki tēta'i 'ua atu tangata.Te 'akano'ono'o'anga o tēia leta1. Te aro'a'anga 1-32. Te aro'a ē te 'akarongo o Philemona 4-73. Tā Paulo pati'anga nō Onesimo 8-224. Te ve'eve'e'anga aro'a 23-25