1Ē tēianei, e aku au taeake ē, tē ako atu nei au i a kōtou nō te aro'a o te Atua, kia 'ōronga atu kōtou i a kōtou 'ua'orāi 'ei 'ātinga ora ē te tapu ē te tau tikāi ki te Atua. Ko tā kōtou 'akamori'anga manako ē te ngākau ia.
2'Eia'a e 'akaaruaru atu i te tūranga o tēianei ao, kia 'akatūkē'ia rā kōtou nā roto i te 'aka'ōu'anga o tō kōtou au ngākau, kia taka meitaki tikāi i a kōtou tō te Atua ra anoano: i tei meitaki tikāi, i tei tau mānea tikāi, ē i tei 'apakore 'oki.
3Nō te aro'a 'ua 'oki i 'ōronga'ia mai e te Atua ki āku nei, tē karanga atu nei au ki a kōtou kātoatoa, auraka kōtou e manako teitei atu i tei tau ra kia manako'ia; kia 'akamanako mārie rā kōtou mei tei tau kia manako ki te vāito o te 'akarongo tā te Atua i 'ōronga mai ki te tangata tātakita'i.
41 Kōr 12.12Mei a tātou nei 'oki ē, 'e mānganui te au mero i te kōpapa 'okota'i nei, kāre rā ē e 'āiteite ana te 'anga'anga a ēia mero nei,
5koia katoa rāi 'oki tātou i te mānganui, 'e 'okota'i rā kōpapa i roto i te Mesia, 'e au mero rāi tātou tēta'i ki tēta'i.
61 Kōr 12.4-11'E au 'apinga aro'a vaerua tūkēkē anake 'oki tā tātou tei tau i te aro'a 'ua i 'ōronga'ia mai ki a tātou nei. Mei te mea ē e 'akakite i te karere a te Atua, e rave aia i te reira kia tau ki te tū o te 'akarongo ra.
7Mei te mea ē e tu'a 'apinga ki te aronga ngere nō te 'ēkālēsia, e 'akapērā rāi aia; mei te mea ē 'e pū'āpi'i ra, kia 'āpi'i rāi aia.
8Mei te mea ē kia 'akamāro'iro'i ra, kia 'akamāro'iro'i rāi aia. Mei te mea ē kia tu'a aia i tāna 'apinga ra, kia 'akapērā rāi aia ma te manako 'okota'i tikāi. Mei te mea ē kia arataki ra, kia 'aka'aere rāi aia ma te tau tikāi. Mei te mea ē kia tākinga meitaki ra, kia rave rāi aia i te reira ma te rekareka tikāi.
Aro'a i te taeake9Kia pikika'akore 'oki te aro'a. E rikarika atu i te kino, e pupuru mai i te meitaki.
10E aro'a mou atu kōtou, tēta'i ki tēta'i i te aro'a taeake ra. E 'akangāteitei atu kōtou tēta'i ki tēta'i, mei te mea atura ē, tei runga ake aia i a kōtou 'ua'orāi.
11'Eia'a e 'akameangiti mai i te 'anga'anga māro'iro'i; kia māro'iro'i rā te vaerua, e tāvini atu i te 'Atu.
12E rekareka i te mānakonako'anga, e 'akakoromaki i te tīnaimate; e tāmou mārie tikāi i te pure.
13E tōpiri atu ki te aronga tapu i tō rātou au ngere'anga, ē e 'ākono meitaki i te au manu'iri.
E aro'a atu i te kātoatoa, ma te au 'enemi katoa14 Māt 5.44; Luk 6.28 E 'akameitaki atu i a rātou tei tākinga kino mai i a kōtou; e 'akameitaki atu, auraka e tao atu.
15E rekareka kōtou ma te aronga e rekareka ra, ē auē katoa 'oki ma te aronga e auē ra.
16Mase 3.7Kia 'okota'i ngākau tō tēta'i ē tēta'i; auraka e umuumu atu i te au mea teitei, e tōpiri atu rā ki te aronga 'aka'aka. Auraka 'oki e pakari i tō kōtou 'ua'orāi manako.
17Auraka te kino e tūtaki'ia ki te kino ki tēta'i 'ua atu tangata nei; e umuumu atu rā i te rave i te au mea e meitaki ei ki tā te tangata kātoatoa nei manako'anga.
18Mei te mea ē ka rauka i a kōtou, e no'o 'au 'ua kōtou ki rotopū i te au tangata kātoatoa nei.
19Deut 32.35Auraka e 'akaoko atu, e taku au 'akaperepere ē, e vai'o atu rā i te reira ki te riri o te Atua. Kua tātā'ia 'oki ē, “'Ei āku te utu, ē nāku e tūtaki atu, tē tuatua maira 'oki te 'Atu.”
20Mase 25.21,22Inārā, “Mē tē pongi ra tō 'enemi, e 'āngai atu; mē tē kakī vai ra, e 'aka'āinu atu. I te 'akapērā koe, tē 'akaputu ra koe i te ngāra'u kā ki runga i tōna ūpoko.”
21Auraka kia ūpokotū te kino i a kōtou, kia ūpokotū rā kōtou i te kino nā roto i te 'anga'anga meitaki.
Who We AreWhat We EelieveWhat We Do
2025 by iamachristian.org,Inc All rights reserved.
