2 Petero Nō runga i tēia leta - Cook Island Maori Revised New Testament(CIMRNT)

Nō runga i tēia letaTē 'inangaro nei te tangata tei tātā i tēia leta kia mārama meitaki te aronga tatau ē, kia ora rātou mei tā te Atua e anoano e tikāi (1.3), ē kia tāmou meitaki rātou i te tuatua mou i 'ōronga'ia ki a rātou (1.12).Tē 'akamatakite atu nei aia i a rātou i te au peroveta pikika'a ē te au pū'āpi'i pikika'a tei kāpipiti ana ki te au pupu Keretitiāno ma te 'akakoro'anga nō te arataki kē mei te tuatua mou ra i te aronga tei aruaru i te 'Atu. Ka 'akautunga'ia rātou nō taua 'anga'anga kino (2.1-22). Mē tē 'anga'anga nei te au pū'āpi'i pikika'a, kia tā'okota'i te au Keretitiāno ma te tāmou i te 'akarongo ē kia riro rātou 'ei 'ākara'anga nō te ora'anga tau e te meitaki nō te au taeake.Kia mārama rātou ma te no'o mārie ē te 'akakoromaki 'e tikāi, ē kia 'akaāri rātou ē, tē aro'a nei rātou i te Atua ē i te au tangata kātoatoa.Kia kore te aronga tatau e 'akangaropōina ē, 'e mea pāpū ka 'oki mai te 'Atu, noa atu ē 'e a'a te au mea i 'akakite'ia mai e te au tangata (3.1-18).Auraka rā kōtou e 'akangaropōina ē, “'Āiteite rāi i tō te Atua 'ākara'anga i te rā 'okota'i ki te au mata'iti 'okota'i tauatini; ē te au mata'iti 'okota'i tauatini 'āiteite rāi ia i te rā 'okota'i nei.” Kāre te Atua i tāvarevare i te rave i tāna i karanga maira, mei tā tēta'i pae e manako ra ē, tē tāvarevare nei aia. Tē 'akakoromaki ma'ata nei rā aia, kāre rava 'oki aia i anoano kia mate atu tēta'i, tē anoano nei rā aia kia rauka i te kātoatoa te tatarā'ara (3.8-9).Te 'akano'ono'o'anga o tēia leta1. Te aro'a'anga 1.1-22. Te ora'anga o te aronga tei āru i te 'Atu 1.3-153. Te kakā o te Mesia 1.16-214. Te au peroveta pikika'a ē te pū'āpi'i pikika'a 2.1-225. 'E mea pāpū, ka 'oki mai te 'Atu 3.1-18