1Ko au, ko Paulo, 'e tāvini nō Iēsū Mesia, i 'akariro'ia 'ei 'āpōsetolo ē i 'akataka'ia nō te 'ēvangelia a te Atua.
2Ko te 'ēvangelia 'oki tā te Atua i 'akakite mai i muatangāna ra, nā roto mai i tāna au peroveta i roto i te Tuatua Tapu i tātā'ia ra,
3nō runga i tāna Tamaiti ko Iēsū Mesia, tō tātou 'Atu, ko tei 'ānau'ia mai mei roto mai i te 'uānga o Dāvida i te pae kōpapa nei;
4i te pae rā o te Vaerua o tōna tū tapu kua 'akaāri'ia mai aia ē, ko te Tamaiti aia nā te Atua, nā roto 'oki i te mana o tōna tū'aka'ou'anga mei te mate maira.
5Ē nā roto mai 'oki i aia ē nō tōna ingoa i rauka ai i a mātou te aro'a 'ua o te tao'onga 'āpōsetolo nō te au 'iti tangata kātoatoa, kia 'irinaki ē kia kauraro rātou.
6Ē ko kōtou 'oki i Rōma na tei kāpiki'ia e te Atua kia riro nō Iēsū Mesia.
7Ē nō reira, tē tātā atu nei au ki a kōtou, te aronga i Rōma na, tei 'akaperepere'ia mai e te Atua ē tei 'ākono'ia 'ei aronga tapu:
Kia 'ōronga 'ua mai te Atua tō tātou Metua ē te 'Atu ko Iēsū Mesia i te aro'a 'ua ē te 'au ki a kōtou.
Tō Paulo 'inangaro i te 'aere ki Rōma8Tē 'akamata nei au ma te 'akameitaki atu i taku Atua nā roto i a Iēsū Mesia ra nō kōtou rava rāi, nō te mea, kua tuatua 'aere'ia te tū o tō kōtou 'irinaki'anga i aia ē kako roa ake te ao katoa nei.
9Ko te Atua tāku e tāvini nei ma tōku vaerua katoa i te tūtū 'aere'anga i te 'ēvangelia o tāna Tamaiti, tōku kite i te putuputu i tāku 'akama'ara'anga i a kōtou
10i roto i taku au pure i te au 'ati'anga rava rāi, ē tē pure nei au kia tika i te Atua, kia 'ōronga mai ki āku i tēta'i rāvenga kia tae atu au ki a kōtou.
11Tē 'inangaro pakari nei 'oki au i te kite i a kōtou, kia 'ōronga atu au i tēta'i 'apinga aro'a vaerua ki a kōtou nō te 'akamātūtū atu i a kōtou.
12Koia 'oki, kia 'akamāro'iro'i kāpipiti'ia tātou i te 'irinaki'anga; ko au nā roto i tō kōtou 'irinaki'anga, ē ko kōtou nā roto i tōku.
13 Anga 19.21 Tē 'inangaro nei au kia mārama meitaki kōtou, e aku au taeake ē, 'e mānganui ōku 'akakoro'anga e 'aere atu nei au ki a kōtou na, pēnei ake ka mānga manuia katoa au i rotopū i a kōtou, mei āku katoa i manuia ei i rotopū i te au 'iti tangata kē ra, inārā, kāre i tupu ake ē tēia noa ai.
14E kaio'u 'oki au nā te aronga Eleni, ē pērā katoa nā te aronga o te au 'enua kekē; nā te aronga pakari, ē pērā katoa nā te aronga kitekore.
15Ē nō reira, ko tēia tōku 'inangaro ma'ata: ko te tūtū 'aere katoa i te 'ēvangelia ki a kōtou i Rōma na.
Te mana o te 'ēvangelia16 Mār 8.38 Kāre 'ua au i 'akamā i te 'ēvangelia, nō te mea, ko te mana ia o te Atua kia rauka i te tangata rava rāi e 'irinaki ra te ora mutukore, ko te Ngāti Iūda ana nā mua ē ko te Eleni katoa 'oki.
17Hab 2.4I roto 'oki i te 'ēvangelia i 'akakite'ia mai ei te tuatua tika nō kō mai i te Atua ra, nā roto mai i te 'irinaki'anga mei te 'akamata'anga mai e tae 'ua atu ki te 'openga. Kua tātā'ia 'oki ē, “Ko te tangata 'e tuatua tika tāna nā roto i te 'irinaki'anga ra, ka ora ia.”
Te tū 'apa o te tangata18Kua 'akaāri'ia mai 'oki te riri o te Atua mei te rangi mai ki runga i te tangata nō tō rātou 'ākonokore Atua ē tō rātou tuatua tikakore. Kua tāpū 'oki te tangata i te tuatua mou nā roto i tō rātou tū tikakore,
19nō te mea, tē mārama 'ua ra i a rātou te au mea i kitea'ia o te Atua ra. Nā te Atua 'ua'orāi 'oki i 'akakite ki a rātou.
20Nō te mea, ko te au mea nōna tei kore i 'ākara'ia ra, koia 'oki, tōna mana mutukore'anga ē tōna atua'anga, kua kitea pū'ia rāi mei te ma'ani'anga mai o tēianei ao nā roto i te au mea i 'anga'ia nei. Ē nō reira, kāre 'ua atura ā rātou kōto'e'anga.
21 Eph 4.17,18 Ē noa atu 'oki ē, kua kite rātou ē 'e Atua tēta'i, kāre rāi rātou i 'akakakā i aia i tei tau i te Atua ra, ē kāre 'oki rātou i 'akameitaki atu i aia. Kua riro rā tā rātou 'ēumiumi'anga 'ei mea pu'apingakore ē kua 'akapōiri'ia atura tō rātou ngākau manakokore.
22Tē tuatua nei rātou ē, 'e aronga pakari rātou, kua riro mai rā rātou 'ei au nēneva,
23Deut 4.16-18ē kua tuku rātou i te kakā o te Atua matekore ra ki tēta'i mea ma'ani'ia mei te tangata e mate 'ua nei te tū, ē mei te au manu rere, ē mei te au manu vaevae 'ā ra, ē mei te au mea torotoro 'aere nei.
24Nō reira, kua 'akaruke te Atua i a rātou ki te au mea vi'ivi'i tā tō rātou ngākau i 'inangaro ra, ē kua rave rātou i te au 'anga'anga 'akamā ki tō rātou kōpapa ki a rātou 'ua'orāi.
25Kāre taua aronga ra i 'āriki mai i te tuatua mou nō te Atua ra, kua 'āriki rā i te pikika'a; ē kua 'akamori ē kua tāvini rātou i te mea i 'anga'ia ra, kāre rā i tei 'anga i te reira. Ko ia tei 'akameitaki'ia e tuātau 'ua atu. Āmene.
26Ē nō reira i 'akaruke 'ua ai te Atua i a rātou ki te au noinoi vi'ivi'i ra: nā tā rātou au va'ine 'oki e ruri kē nei i te mea tika ki te mea tikakore i tō rātou tū va'ine ra.
27Ē pērā katoa 'oki te au tāne: kua 'akaruke atu rātou i te mea tika i rotopū i te tāne ē te va'ine, ē tē mura ra tō rātou noinoi i a rātou 'ua'orāi; ko te tāne, i te rave'anga i te mea 'akamā ki te tāne rāi. Ē nō reira, kua rauka mai te tūtaki i roto i a rātou i tei tau ki tō rātou 'ē'anga ra.
28Ē nō te mea kāre rātou i 'inangaro i te 'āriki ē 'e Atua tēta'i, kua tuku 'ua atura te Atua i a rātou ki te 'ō'onu rava o tō rātou ngākau kino, kia rave 'ua na rātou i te mea tikakore.
29Kua kī 'oki rātou i te au tuatua tikakore rava rāi, te kanga, te noinoi 'apinga, te manava kino; kua kī rātou i te vare'ae, te tā tangata, te taumārō, te rāvenga tāpikipiki ē te 'akamoupuku. 'E aronga uruto'e rātou,
30'e aronga 'o'onitua, 'e aronga mākitakita Atua, 'e aronga va'a 'akakino, 'e aronga kōperepere, 'e aronga pūpūva'a, 'e aronga kimikimi matatio i te rave i te kino ra, 'e aronga kaurarokore i te metua ra,
31'e aronga 'ākonokore, 'e aronga 'aka'atikau kōreromotu, 'e aronga kāre 'e aro'a mou i te tangata ē te ngākau tangikore.
32Kua kite meitaki rātou i te tika a te Atua ē, ko te aronga tei rave i taua au mea ra, e tau i a rātou te mate. Noa atu ē kua kite rātou i te reira, tē 'akatinamou nei rāi rātou i te rave i taua au mea ra, ē tē taurekareka katoa nei rāi rātou i te aronga e rave ra.
Who We AreWhat We EelieveWhat We Do
2025 by iamachristian.org,Inc All rights reserved.
