1 Gen 14.17-20 Ko taua Melekizedeka ra 'oki, 'e ariki ia nō Sālema ra, ē 'e ta'unga nā te Atua Teitei Rava. Kua 'ārāvei aia i a Āberahāma tei 'oki mai mei te tainga mai i te au ariki ra, ē kua 'akameitaki'ia atura a Āberahāma e ia.
2Ē nā Āberahāma i 'ōronga atu ki aia i te tu'anga nga'uru o te au 'apinga rava rāi tāna i rauka mai. Ko Melekizedeka ko te “Ariki ia o te Tuatua tika”, nō te 'akatau'anga 'oki o tōna ingoa. Ko ia katoa te “Ariki o te 'Au”, nō te mea, te ariki aia nō Sālema.
3Kāre i kitea te ingoa o tōna metua tāne ē te metua va'ine, kāre katoa i kitea mai te 'akapapa'anga o tōna 'ui tupuna. Ē pērā katoa tōna 'ānau'anga ē tōna mate'anga, kāre te reira i kitea'ia. I 'akariro'ia aia 'ei ta'unga mutukore mei te Tamaiti rāi a te Atua.
4Ē tēianei, e ma'ara ana i te tū ma'ata o taua tangata ra. Nā tō tātou tupuna ma'ata ko Āberahāma i 'ōronga atu ki aia i te tu'anga nga'uru o te au 'apinga noni ra!
5Num 18.21Ko te au tamariki a Levi, koia 'oki, te au ta'unga, kua 'akaue'ia mai e te Ture ē, kia 'āriki mai rātou i te tu'anga nga'uru nō kō mai i tō rātou 'ua'orāi taeake, te 'iti tangata Īserā'ela, noa atu ē, 'e 'uānga rāi rātou nā Āberahāma.
6Ko Melekizedeka rā, kāre aia ē nō te 'uānga a Levi, kua rauka rā i aia te tu'anga nga'uru nō kō mai i a Āberahāma, ē nā Melekizedeka rāi i 'ōronga atu i te 'akameitaki'anga ki a Āberahāma, te tangata nōna rāi te au papa'u'anga.
7Kāre e 'ēkōkō ē, ko te tangata tei 'ōronga atu i te 'akameitaki'anga, 'e ma'ata atu ia i tei 'āriki mai i te reira.
8Ko te 'uānga a Levi tei 'āriki mai i te tu'anga nga'uru, 'e au tangata 'ua nei ia te ka mate; ko Melekizedeka rā, tē ora 'ua nei rāi ia, mei tā te Tuatua Tapu i 'akakite mai.
9'E tika rāi kia karanga'ia ē, ko te 'uānga a Levi tē 'āriki mai nei i te tu'anga nga'uru, kua 'ōronga takere ana rātou i te reira nā roto i a Āberahāma,
10nō te mea, e tau kia karanga'ia ē, tei roto rāi rātou i tō rātou tupuna, ka 'ārāvei ei a Melekizedeka i aia ra.
11Ē tēianei, 'e piri'anga vaitata tō te 'uānga a Levi tao'onga ta'unga ē te Ture, tei tukuna'ia atu ki te 'iti tangata o Īserā'ela. Nāringa ē i meitaki rava te 'anga'anga o taua tū ta'unga ra, 'e a'a i reira i umuumu'ia ai kia 'akatupu'ia tēta'i tū ta'unga kē, tei karanga'ia ē, mei a Melekizedeka te tū, ē kāre mei a Āārona 'aka'ou te tū?
12Mē 'akatūkē'ia 'oki te tū ta'unga, kia 'akatūkē katoa'ia te ture e tikāi.
13Ko tō tātou 'Atu 'oki, nōna rāi taua tuatua i 'akakite'ia ra, nō tēta'i kōpū kē ia. E kāre tēta'i tangata o taua kōpū ra i raverave ana i tō te 'atarau ra.
14Kua kitea meitaki'ia 'oki ē, nō te 'uānga a Iūda tō tātou 'Atu. Ē ko taua kōpū ra, kāre i tā'iku'ia e Mōse i tāna tuatua nō runga i te au ta'unga.
15Kua kitea meitaki'ia atu rāi te reira nā roto i te tae'anga mai o tēta'i ta'unga kē mei a Melekizedeka rāi te tū,
16ko tei riro mai 'ei ta'unga i te mana o tēta'i ora'anga 'opengakore, ē kāre i tēta'i 'akaue'anga nō runga i te kōpū tangata ra.
17Sal 110.4Kua nā kō 'oki te Tuatua Tapu ē, “Ko koe, 'e ta'unga koe e tuātau 'ua atu, mei a Melekizedeka te tū.”
18Kua 'akakore'ia 'oki te ture ta'ito, nō te mea, kua paruparu'ia ē te pu'apingakore.
19Kāre 'oki te Ture i rauka i te 'akariro i tēta'i mea 'ei mea meitaki rava. Kua 'akatupu rā te Atua i te mānakonako'anga i tēta'i mea meitaki atu, tei 'akavaitata atu i a tātou ki aia.
20-21 Sal 110.4 Ē tēia katoa tēta'i, tē vai rāi tēta'i taputo'u'anga! Ko taua aronga ra 'oki i 'akariro'ia 'ei au ta'unga ma te taputo'ukore; ko Iēsū rā kua riro aia 'ei ta'unga nā roto i te taputo'u'anga i te nā kō'anga a te Atua ki aia ē,
“Kua taputo'u te 'Atu,
ē kāre aia e 'akatūkē i tōna manako,
‘'E ta'unga koe e tuātau 'ua atu.’ ”
22Ē nō te reira 'oki, i 'akariro'ia ai a Iēsū 'ei 'akapāpū'anga nō tēta'i kōreromotu meitaki atu.
23Ē ko taua au ta'unga ra, 'e mānganui rātou, nō te mea, kua riro te mate 'ei ārai i a rātou i te rave tinamou i tā rātou 'anga'anga.
24Ko tō Iēsū ta'unga rā, kāre ia e riro i tēta'i kē, nō te mea, ka ora aia e tuātau 'ua atu.
25Nō reira, ka rauka meitaki rava i aia i te 'akaora i a rātou tei 'akavaitata ki te Atua nā roto i aia, nō te mea, tē ora nei aia e tuātau 'ua atu 'ei pati 'akatenga nō rātou.
26Ko tēia 'oki te tū ta'unga ma'ata e tau i a tātou. Kua tapu aia, kāre aia i rave i tēta'i mea kino, ē kāre ōna tārevakē. Kua takakē'ia mei te aronga rave 'ara mai, ē kua 'akateitei'ia aia e te Atua ki runga a'o i tō te rangi ra.
27Lev 9.7Kāre aia mei te au ta'unga ma'ata kē ra. Kāre katoa aia e umuumu'ia i te au rā kātoatoa i te tuku atu nā mua i te au 'ātinga nō tāna 'ua'orāi au 'ara, ē i muri ake nō tā te 'iti tangata. Ko tāna 'aka'ātinga'anga atu i aia 'ua'orāi i te 'ati'anga 'okota'i, kua rava ia nō te au tuātau kātoatoa.
28Nā te Ture i 'akariro i te au tangata 'āpikepikē 'ei au ta'unga ma'ata; ko te taputo'u'anga rā tei tuatua'ia e te Atua i muri ake i te Ture i 'akariro i te Tamaiti ra 'ei Ta'unga Ma'ata, tei meitaki rava ia e tuātau 'ua atu.
Who We AreWhat We EelieveWhat We Do
2025 by iamachristian.org,Inc All rights reserved.
