1I a Āpolo e no'o ra i Kōrīnētia, kua nā te tu'anga 'enua i uta maira a Paulo, e tae maira aia ki Ēphēsia. I reira, kua 'ārāvei atura aia i ēta'i pipi,
2ē kua ui atura aia ki a rātou, “Kua rauka mai āina te Vaerua Tapu i a kōtou i tō kōtou 'irinaki'anga i te 'Atu ra?”
Kua pa'u mai rātou ki aia. “Kāre, kāre 'oki mātou i 'akarongo ana ē, 'e Vaerua Tapu tēta'i.”
3Kua ui atura aia ki a rātou, “I bāpetīto'ia 'oki kōtou i reira ki te a'a?”
Kua pa'u maira rātou, “Ki te bāpetīto'anga a Ioane ra.”
4 Māt 3.11; Mār 1.4,7,8; Luk 3.4,16; Ioa 1.26,27 Kua karanga atura a Paulo, “Kua bāpetīto rāi 'oki a Ioane i te bāpetīto'anga tatarā'ara ma te karanga atu ki te au tangata ē, kia 'irinaki atu rātou ki aia e 'aere maira nā muri mai i aia ra, koia 'oki, ki a Iēsū Mesia ra.”
5Ē kia 'akarongo maira rātou i tēia ra, kua bāpetīto'ia i'ora rātou ki roto i te ingoa o te 'Atu ra ko Iēsū.
6I te tuku'anga a Paulo i ōna rima ki runga a'o i a rātou ra, kua 'eke maira te Vaerua Tapu ki runga a'o i a rātou; ē kua tuatua akera rātou i te au reo kēkē ē kua toto'u 'oki.
7Mei te tino nga'uru mā rua pa'a taua aronga tangata ra.
8Kua 'aere atura a Paulo ki roto i te sūnago ra, ē kua tuatua atura ma te matakukore nō tēta'i toru marama i te taumārōrō'anga atu ē te 'akapāpū'anga atu i te au mea rava rāi o te bāsileia o te Atua ra.
9Inārā, kua pāetaeta maira tēta'i pae; kāre rātou i 'irinaki, ē kua 'akakino maira i te Mataara o te 'Atu ki mua i te aroaro o te tangata tini ra. 'Akaruke maira a Paulo i a rātou ma te 'akatakakē mai i te au pipi mei roto mai i a rātou ra, ē kua taumārōrō atura i te au rā tātakita'i ki roto i te 'are 'āpi'i'anga ra o Tūrano.
10I pērā 'oki aia e rua mata'iti; ē 'akarongo akera te kātoatoa rava rāi e no'o ra i Āsia, te Ngāti Iūda ē te au Eleni, i te karere o te 'Atu a Iēsū ra.
Te au tamariki tamāroa a Sekeva11Kua rave 'oki te Atua i te au 'akairo mana ma'ata ē te vāvāria tūkē rava atu nā roto i te rima o Paulo;
12kua 'apaina'ia atu te au 'ōrei, mē kāre, te au pāreu i 'arapaki ana i tōna kōpapa ki te aronga maki ra, ē kua peke atura tō rātou au maki; ē te au vaerua kikino katoa ra, kua 'aere mai i a rātou ki va'o.
13Ko tēta'i pae Ngāti Iūda tuaru vaerua kikino ra, tei 'ā'āere 'ua ra, kua tāmata atura i te 'aka'iki i te ingoa o te 'Atu ra ko Iēsū ki runga i te aronga 'e vaerua kikino tō rātou i te nā kō'anga atu ē, “Tē 'akaue atu nei au i a kōtou i te ingoa o Iēsū tā Paulo e ako 'aere nei.”
14E toko'itu tamariki tamāroa a tēta'i ta'unga ma'ata Ngāti Iūda, ko Sekeva tōna ingoa, ko rātou tei 'akapērā.
15Kua pa'u maira te vaerua kino, nā kō maira, “Kua kite au i a Iēsū, ē kua mārama rāi au ē, ko 'ai a Paulo. Ko 'ai rā kōtou na?”
16I reira, kua rere maira taua tangata tei roto i aia te vaerua kino ki runga a'o i a rātou, ē nō te ma'ata i tōna ririnui i a rātou kātoatoa, kua 'eke'ia i'ora rātou e ia. Nō reira rātou i 'o'oro tā'ākā 'ua atu ei ki va'o i taua 'are ra ma te pūtotototo 'aere.
17Ē kia kitea'ia taua mea ra e te Ngāti Iūda ma te au Eleni katoa e no'o ra ki Ēphēsia ra, kua roko'ia i'ora rātou rava rāi e te mataku, ē kua 'akapa'apa'a i'ora i te ingoa o te 'Atu ra ko Iēsū.
18'E mānganui 'oki tō taua aronga 'irinaki ra i 'akamata i te 'a'aki ma te 'akakitekite mai i tā rātou au peu ra.
19'E mānganui 'oki te aronga i raverave peu manamana ana i 'apai mai i tā rātou au puka, kua ta'u i'ora ki te a'i ki mua i te aroaro o te tangata kātoatoa. Ē kia kimikimi'ia te moni 'oko o taua au puka ra, kua kitea'ia mai ē, e rima nga'uru tauatini moni 'ārio.
20I nā reira 'oki te toto'a'anga atu te karere a te 'Atu ma te ririnui i te tupu'anga.
Te keu'anga i Ēphēsia21Ē kia oti akera ēia mea nei i te tupu, kua 'akakoro akera a Paulo e 'aere ki Iērūsalēma nā Mākedōnia ē Ākaia atu, nā kō akera, “Kia tae ana au ki reira ra, e 'aere katoa atu au ki Rōma e tikāi.”
22Kua tono atura aia i e tokorua o te aronga i tauturu ana i aia ki Mākedōnia, ko Tīmōteo rāua ko Ērāseto; ko ia rā, kua no'o aia ki Āsia nō tēta'i mānga tuātau.
23I taua au rā ra rāi, kua tupu akera tēta'i keu'anga ma'ata nō runga i te Mataara o te 'Atu.
24Ko tēta'i tangata ta'unga 'ārio 'oki, ko Demetērio tōna ingoa, e ma'ani ana aia i te au 'are 'ārio rikiriki nō Diāna, ē, 'e ma'ata te 'anga'anga tāna e 'ōronga ana nā te aronga 'anga'anga.
25Kua 'akaputuputu maira aia i a rātou ē te aronga 'anga'anga katoa i 'āiteite tā rātou 'anga'anga. Ē kua karanga atura kia rātou, “E tama mā, kua nakiro 'oki kōtou ē, e rauka mai ana i a tātou tō tātou pu'apinga tikāi mei roto mai i tēia 'anga'anga nei.
26Tē kite katoa ē tē 'akarongo 'oki nei kōtou ē, ko tēianei tangata ko Paulo, kua 'akanauru ē kua arataki kē aia i te tangata 'e mānganui, kāre i Ēphēsia anake 'ua nei, māri rā, mei takapini tō Āsia kātoatoa nei. Tēia 'oki tāna tuatua atu ē, ‘Kāre te au atua tei ma'ani'ia e te rima tangata nei i te atua tika tikāi.’
27Kāre ē ko te kino anake 'ua te ka tupu ki a tātou mē ingoa kino tā tātou 'anga'anga, māri rā, ka riro katoa rāi te 'iero o te atua ma'ata ko Diāna i te 'akava'ava'a'ia, ē ka kore katoa 'oki tōna 'inu'inu, ko ia tei 'akamori'ia e tō Āsia rava rāi, ē tō te ao kātoatoa rāi 'oki.”
28Ē kia 'akarongo akera rātou i tēia, kua kī akera rātou i te riri, ē kua kāpikipiki atura rātou, nā kō akera, “'E pāpānunui a Diāna i ō Ēphēsia nei!”
29Kua tupu akera te keu i roto i taua 'ōire kātoatoa ra. Ē kua 'o'oro pū atura rātou ma te ngākau 'okota'i ki roto i te koro putuputu'anga, 'opu atura rātou i a Gāio rāua ko Ārīsetāreko, ngā tangata Mākedōnia tei kāpiti katoa ki a Paulo i tōna tere.
30Ē kua 'inangaro akera a Paulo i te 'aere ki roto i taua urupū tangata ra, kāre rā te au pipi i 'akatika i aia.
31Ē ko ēta'i rāi 'oki o te aronga mana o Āsia, 'e au 'oa nō Paulo, kua tono maira i te karere ki aia i te pati 'akatenga ē, auraka aia e tomo 'ua atu ki roto i taua koro putuputu'anga ra.
32Tē kāpikipiki ra tēta'i pae ē 'e mea kē, ē tēta'i pae ē 'e mea kē atu, nō te mea, tē tā'ī'ī'ia rāi te manako o taua urupū tangata ra; ē kāre 'ua 'oki te ma'ata'anga i a rātou i kite ē, 'e a'a rātou i putuputu mai ei.
33Kua 'ōpara'ia maira a Ālekānēdero ki mua mei roto mai i taua urupū tangata ma'ata ra. Nā te Ngāti Iūda 'oki i 'akakeu mai i aia kia 'aere ki mua. Kua kamokamo atura aia ki tōna rima, kua 'inangaro 'oki aia i te 'akamārama atu i taua urupū tangata ma'ata ra.
34Kia kite rā rātou ē 'e Ngāti Iūda aia, kua kāpiki maira rātou rava rāi ma te reo 'okota'i i te aoaoa'anga e rua akera 'oki ora, “'E pāpānunui a Diāna i ō Ēphēsia nei!”
35Ē kia 'akamūtēkī te karāka o te 'ōire i taua urupū tangata ra, kua nā kō atura aia, “E tama mā ē te au tangata Ēphēsia nei, ko 'ai ia tangata kāre i kite ake ē, tē 'akamori nei tēianei 'ōire ko Ēphēsia nei i te atua pāpānunui i a Diāna, tei topa mai ki raro nei mei runga mai i te rangi ra?
36Ē nō te mea 'oki ē, 'e au mea tika tikāi tēia, e mūtēkī 'ua kōtou e tikāi, auraka e rave 'anga'anga rapurapu 'ua.
37I kika mai nei 'oki kōtou i tēianei aronga tangata, ē kāre 'oki rātou i te keiā 'iero ē te 'akakino 'oki i tō tātou atua.
38Mei te mea tikāi 'oki ē, 'e 'aka'apa'anga tā Demetērio ē te aronga 'anga'anga ki ōna ra i tēta'i 'ua atu tangata, tē rave'ia nei te 'akavā'anga ē tē vai nei 'oki te au tūtara. E tāpepe atu rātou i tā rātou 'ua'orāi e tāpepe.
39Mei te mea 'oki ē, 'e mea kē atu tā kōtou e 'inangaro ra, kia 'apai'ia te reira ki roto i te 'uipā'anga tei tau i te ture.
40Ka riro 'oki tātou i te tāpepe'ia mai nō tēia keu ma'ata i tēianei rā, nō te mea, kāre e rauka i a tātou i te 'akakite i te tumu tau tikāi nō tēia repu'anga ma'ata nei.”
41E oti akera taua tuatua'anga nāna ra, kua tuku atura aia i taua aronga kia 'aere.
Who We AreWhat We EelieveWhat We Do
2025 by iamachristian.org,Inc All rights reserved.
