1Tēia te 'āite'anga i tāku tuatua: ko te tangata kāinga i te tamariki'anga ra, kāre ia i ma'ata atu i tēta'i tuika'a, noa atu ē, ko ia te 'atu o te au 'apinga rava rāi.
2Tei raro ake rā aia i tēta'i tiaki ē tēta'i tangata 'aka'aere 'apinga e tae 'ua atu ki te 'ati'anga i 'akataka'ia e te metua ra.
3Koia katoa tātou: i tō tātou tamariki'anga ra 'e tuika'a tātou i raro ake i te au 'akateretere'anga mana o tēianei ao.
4Kia tae rā ki te tuātau tau tikāi, kua tono maira te Atua i tāna Tamaiti, i 'ānau'ia aia e te va'ine, i 'ānau'ia mai i raro ake i te Ture,
5Rōm 8.15-17'ei 'akati'amā i te aronga i raro ake i te Ture ra kia riro tātou 'ei tamariki rave nāna.
6Nō te mea ē 'e tamariki kōtou, kua tono mai te Atua i te Vaerua o tāna Tamaiti ki roto i tō tātou ngākau ma te kāpiki ē, “E Aba, e taku Metua.”
7Ē nō reira, kāre koe i te tuika'a 'aka'ou, 'e tamaiti rā. Mē 'e tamaiti ra, kua riro katoa koe 'ei tangata kāinga nā roto i te Atua ra.
Tē apiapi nei a Paulo i tō Gālātia8I mua ana, i tō kōtou kitekore'anga i te Atua, kua 'akamori kōtou i te au atua, kāre rātou i te atua mou tikāi.
9I tēianei rā kua 'āriki kōtou i te Atua; 'e ngari, kua 'āriki'ia kōtou e te Atua. 'E a'a i reira kōtou i 'oki 'aka'ou atu ei ki raro i taua 'akateretere'anga mana paruparu ē te ngo'engo'eā? I 'inangaro 'ei kōtou i te 'akamori 'aka'ou i a rātou?
10Tē 'ākono na kōtou i te au rā, te au marama, te au tuātau ē te au mata'iti.
11Tē mataku nei au i a kōtou, ko te riro ā'ea tāku i 'anga'anga ki ō kōtou na 'ei mea pu'apingakore.
12Tē pati 'akatenga atu nei au ki a kōtou, e te au taeake, kia 'āite mai kōtou mei āku nei, mei āku 'oki i 'āite ki a kōtou na. Kāre 'oki mei te mea ē, kua tākinga kino mai kōtou i āku.
13Tē ma'ara ra 'oki i a kōtou tōku tūtū'anga mua atu i te 'ēvangelia ki a kōtou na, nō tōku paruparu maki 'oki,
14ē kāre rava kōtou i 'akava'ava'a, mē kāre, i 'akaruke mai i āku, noa atu ē, e teima'a te 'apainga o tōku paruparu maki ki a kōtou. Kua 'āriki'ia mai rā au e kōtou, mei te mea atura ē, 'e 'āngela au nā te Atua, mei te Mesia rāi i a Iēsū.
15Tei 'ea i'o nei taua ngākau mā'ora'ora nō kōtou na? Nō te mea, ko au te kite nō kōtou ē, e nāringa 'oki i tika kua kō'iti'ia e kōtou tō kōtou 'ua'orāi mata ē kua 'ōronga mai ki āku nei.
16Kua riro āinei au i tēianei 'ei 'enemi nō kōtou nō te 'akakite'anga atu i te tuatua mou ki a kōtou?
17Tē umuumu pakari maira rātou i a kōtou, kāre rā nō te 'akakoro'anga meitaki. Tē kimi rāvenga ra rātou i te 'akatakakē mai i a kōtou mei a mātou atu nei, kia umuumu pakari atu kōtou i a rātou.
18'E mea meitaki 'oki kia umuumu pakari'ia te 'akakoro'anga meitaki i te au 'ati'anga rava rāi, auraka i tōku no'o anake 'ua'anga i a kōtou.
19E aku au tamariki meariki ē, tē mamae 'aka'ou nei au nō kōtou mei te mamae 'ānau ra e tae rava mai te tū tikāi o te Mesia i roto i a kōtou na.
20'Āngairi 'ua ake rāi ē tei rotopū au i a kōtou na i tēianei, ka rauka i āku i te 'akamarū i tōku reo, nō tērā, tē ma'ata nei tōku taitaiā i a kōtou.
Te 'ākara'anga o Hāgara ē Sara21Ka 'akakite mai ana ki āku, ko kōtou tei 'inangaro kia riro kōtou i raro ake i te mana o te Ture, kāre āina kōtou i 'akarongo ake i tā te Ture?
22a: Gen 16.15; b: Gen 21.2Kua oti 'oki i te tātā'ia ē, e tokorua ā Āberahāma tamariki tamāroa: 'okota'i nā te va'ine tuika'a, ē 'okota'i nā te va'ine rangatira.
23Ko te tamaiti a te va'ine tuika'a ra, kua 'ānau mai aia mei te tangata 'ua nei te tū; ko te tamaiti rā a te va'ine rangatira, kua 'ānau mai aia mei tei papa'u'ia maira.
24'E 'akatau'anga 'oki tēia: ko ēia ngā va'ine nei ko ngā kōreromotu ia e rua. 'Okota'i va'ine nō te Maunga ra ko Sinai, ko tei 'ānau i te tamariki tuika'a ra, ko Hāgara 'oki ia.
25Ē ko taua Hāgara nei, ko te maunga ra ia ko Sinai i Ārābia ra tei 'aka'āite'ia ki a Iērūsalēma e vai nei, nō te mea, tē no'o tuika'a nei rāi aia ma tāna au tamariki.
26Kāreka te Iērūsalēma i runga ra ko te va'ine rangatira ia, ē ko ia tō tātou metua va'ine.
27Isa 54.1Kua oti 'oki i te tātā'ia,
“Kia maeva, e tei pā ē kāre i 'ānau tamariki!
Kia puroro 'ua mai te reo maeva ma te kāpiki nui, e tei kore i mamae 'ānau ē!
Kua ma'ata atu 'oki te tamariki a te va'ine 'akaruke'ia
i tā te va'ine no'o tāne ra.”
28Ē tēianei, ko kōtou, e aku au taeake, 'e tamariki kōtou nō te papa'u'anga ra mei a Īsā'aka ra.
29Gen 21.9Inārā, mei te tamaiti tei 'ānau'ia i te tū tangata 'ua nei, kua tākinga kino aia i te tamaiti tei 'ānau'ia kia tau ki tā te Vaerua ra i taua tuātau ra, ē tē pērā katoa nei rāi i tēianei.
30Gen 21.10'E a'a rā tā te tuatua i tātā'ia ra i 'akakite mai? “E tuaru kē atu i te va'ine tuika'a ē tāna tamaiti, nō te mea, ko te tamaiti a te va'ine tuika'a ra, kāre aia e tū i te tu'anga te ka 'ōronga'ia mai ki te tamaiti a te va'ine rangatira ra.”
31Nō reira, e te au taeake, kāre tātou i te tamariki nā te va'ine tuika'a, nā te va'ine rangatira rā.
Who We AreWhat We EelieveWhat We Do
2025 by iamachristian.org,Inc All rights reserved.
