1 Isa 65.17; 66.22; 2 Pet 3.13 Kua kite atura au i te rangi 'ōu ē te 'enua 'ōu. Ko te rangi ta'ito ē te 'enua ta'ito 'oki kua ngaro tākiri ia. Kāre katoa 'e tai 'aka'ou.
2a: Isa 52.1; b: Apo 3.12; c: Isa 61.10Kite atura au i te 'ōire tapu, ko Iērūsalēma 'ōu, i te 'eke'anga mai mei runga i te rangi mei kō mai i te Atua ra, i te'ate'amamao'ia mei te va'ine i 'akamānea'ia nō tāna tāne.
3Ezek 37.27; Lev 26.11,12'Akarongo atura au i tēta'i reo ma'ata mei kō mai i te terōno i te nā kō'anga mai ē, “Inā, te pū'ākapa o te Atua tei rotopū ia i te tangata nei. Ka no'o aia i rotopū i a rātou; ko rātou tōna 'iti tangata, ē ko ia te Atua i rotopū i a rātou, koia 'oki, ko tō rātou Atua ia.
4a: Isa 25.8; b: Isa 35.10; 65.19Ka 'ōrei aia i te au roimata kātoatoa mei roto mai i tō rātou mata; ē kāre 'aka'ou te mate, te mi'i, te auē ē te mamae. Kua kore 'oki te au mea ta'ito ra.”
5Kua nā kō maira tei no'o ki runga a'o i te terōno ra, “Inā, tē 'akariro nei au i te au mea rava rāi 'ei au mea 'ōu.” Kua nā kō mai aia, “E tātā ana, nō te mea, ko tēia au tuatua e tau kia 'irinaki'ia ē 'e mea mou 'oki ia.”
6Isa 55.1Ē kua nā kō maira 'oki aia ki āku, “Kua tupu te reira! Ko au te Alepha ē te Ōmega, te 'akamata'anga ē te 'aka'openga. Nāku e 'ōronga atu ki tei kakī ra i te vai mei kō mai i te punāvai o te ora, kāre 'e tūtaki.
72 Sam 7.14; Sal 89.26,27Ko tei 'autū ra, ka tū rāi ia i taua au mea rava rāi ra. Ko au rāi tōna Atua ē ko ia rāi taku tamaiti.
8Ko te tu'anga rā o te aronga kōpē, 'akarongokore, vi'ivi'i, tā tangata, 'akaturi, purepure, 'akamori 'ītoro ē te pikika'a kātoatoa, ko te roto ia tei kā i te a'i ē te teio. Ko te rua ia o te mate.”
Ko Iērūsalēma 'ōu9Kua 'aere maira tēta'i o ngā 'āngela toko'itu tei mou i ngā kapu e 'itu i kī i ngā mate 'openga e 'itu, ē kua nā kō maira ki āku, “'Aere mai, ka 'akaāri atu au ki a koe i te va'ine 'akaipoipo 'ōu, te va'ine a te Punua Māmoe ra.”
10Ezek 40.2Kua 'apai atura aia i āku nā roto i te Vaerua ki runga i tēta'i maunga ma'ata ē te teitei, ē kua 'akaāri maira ki āku i te 'ōire tapu ko Iērūsalēma i te 'eke'anga mai mei te rangi mei kō mai i te Atua ra.
11Tei aia te kakā o te Atua. Tōna mārama kua 'āite'ia ki te toka mēmeitaki rava ra, mei te toka iasepe rāi te tū, tei areare mei te i'o ra.
12Ezek 48.30-35'E patu ma'ata ē te teitei tōna, e ta'i nga'uru mā rua au ngūtupa, ē tei taua au ngūtupa ra e ta'i nga'uru mā rua au 'āngela, ē i runga i taua au ngūtupa ra kua tātā'ia te ingoa o te au kōpū ta'i nga'uru mā rua o te au tamariki a Īserā'ela.
13I te pae 'itinga e toru au ngūtupa, i te pae 'apatonga e toru au ngūtupa, i te pae 'apatokerau e toru au ngūtupa, ē i te pae 'opunga e toru au ngūtupa.
14Ē te patu o taua 'ōire ra e ta'i nga'uru mā rua ōna tumu, ē i runga i te reira te ingoa o tā te Punua Māmoe au 'āpōsetolo e ta'i nga'uru mā rua.
15 Ezek 40.3 'E kāka'o vāito 'auro tā te 'āngela tei tuatua mai ki āku ra kia vāito i te 'ōire, tōna au ngūtupa ē tōna patu.
16'E 'ōire e 'ā ōna aro taua 'ōire ra, tōna roa kua 'āiteite i tōna pararauare. Kua vāito atura aia i taua 'ōire ra ki tāna kāka'o: e ta'i tauatini ē rima 'ānere maire. Kua 'āiteite te roa, te pararauare ē te teitei.
17I reira kua vāito aia i te patu: e rua 'ānere tapuae. Ko tā te tangata vāito ia tā te 'āngela i āru ra.
18Isa 54.11,12Tōna patu i patu'ia i te iasepe ia, ē taua 'ōire ra 'e 'auro tāmā'ia ia mei te i'o areare ra.
19Te au tumu o te patu o taua 'ōire ra, kua 'akamānea'ia i te au tū toka mēmeitaki katoa ra; koia 'oki, te tumu mua 'e iasepe ia, te rua 'e saphiro ia, te toru 'e kaledoni ia, te 'ā 'e 'ēmeradino ia,
20te rima 'e saridoni ia, te ono 'e sārido ia, te 'itu 'e kerusalito ia, te varu 'e berulo ia, te iva 'e tōpazi ia, te ta'i nga'uru 'e kērūtōpara ia, te ta'i nga'uru mā ta'i 'e uakini ia, ē te ta'i nga'uru mā rua 'e 'ametusi ia.
21Ē te au ngūtupa e ta'i nga'uru mā rua 'e au poe e ta'i nga'uru mā rua ia, takita'i poe i te ngūtupa 'okota'i. Ē te mataara o taua 'ōire ra 'e 'auro tāmā'ia ia mei te i'o areare tikāi.
22Kāre rava 'e nao i kitea e au i roto i taua 'ōire ra. Ko tōna nao 'oki, ko te 'Atu te Atua Mana Kātoatoa ia ē te Punua Māmoe.
23Isa 60.19,20Ē ko taua 'ōire ra, kāre e 'inangaro'ia te rā mē kāre te marama kia 'iti mai ki runga a'o i aia. Ko te kakā 'oki o te Atua tōna ia mārama ē ko te Punua Māmoe tōna ia lāmepa.
24Isa 60.3Nā roto i taua mārama ra e 'ā'āere ei te au 'iti tangata, ē ka 'apai te ui ariki o te ao nei i tō rātou kakā ki roto i te reira.
25Isa 60.11Ē kāre rava tōna au ngūtupa e tōpiri'ia i te ao. Kāre rava 'oki 'e pō i reira.
26Ka 'apai atu rātou i te kakā ē te ngāteitei o te au 'iti tangata ki roto i te reira.
27Isa 52.1; Ezek 44.9Kāre rava 'e mea noa e tomo ki roto, kāre katoa te tangata tei rave i te au mea vi'ivi'i ē te tangata pikika'a, ko te aronga anake 'ua rā tei tātā'ia ki roto i tā te Punua Māmoe puka o te ora.
Who We AreWhat We EelieveWhat We Do
2025 by iamachristian.org,Inc All rights reserved.
