1 Timōteo 1 - Cook Island Maori Revised New Testament(CIMRNT)

Te aro'a'anga

1'E leta tēia nō kō mai i a Paulo, 'e 'āpōsetolo nā te Mesia ra ko Iēsū, mei tei tau i te 'akaue'anga a te Atua, tō tātou rāvenga ora, ē te Mesia ra ko Iēsū, tō tātou mānakonako'anga,

2Anga 16.1ki a Tīmōteo, taku tamaiti tikāi i roto i te 'akarongo.

Kia 'ōronga 'ua mai te Atua te Metua ē Iēsū Mesia tō tātou Atu i te aro'a 'ua, te tākinga meitaki e te 'au ki a koe.

'Akamatakite'anga i te 'āpi'i'anga tārevakē

3Kua pati 'akatenga atu au ki a koe, i āku i 'aere atu ei ki Mākedōnia ra, kia no'o rāi koe i Ēphēsia na i te ako atu i ēta'i aronga, auraka rātou e 'āpi'i i te tuatua kekē.

4Auraka katoa rātou e 'ākono i te tuatua tā'eke 'ua ē te au papa tupuna 'opengakore. Nā roto 'oki i te reira e tupu ei te taumārō, ē kāre te 'akakoro'anga o te Atua i kitea'ia mai. E kitea'ia mai te reira nā roto i te 'akarongo.

5Te 'openga 'oki o te reira ako'anga, ko te aro'a ia nō roto mai i te ngākau mā, te 'akavā ngākau meitaki ē te 'akarongo pikika'akore.

6Kua 'akangere rā ēta'i aronga i a rātou i taua au mea ra nā roto i te 'uri'anga atu ki te tuatua pu'apingakore.

7Tē 'inangaro nei 'oki rātou ē, 'ei pū'āpi'i ture rātou, kāre rā rātou 'ua'orāi i mārama i tā rātou i tuatua ra, ē kāre katoa i te au mea i mārō'ia e rātou ra.

8Kua nakiro tātou ē, ko te Ture 'e mea meitaki ia mē 'ākono meitaki te tangata i te reira.

9Kua mārama 'oki tātou ē, kāre te ture i ma'ani'ia nō te tangata tuatua tika, nō te turekore rā ē te kaurarokore; nō te atuakore ē te rave 'ara; nō te aronga kāre e kite i te mea tapu ē tei 'akanoa i te reira; nō te tā metua tāne ē te metua va'ine; nō te tā tangata,

10te 'akaturi ē te sodoma; nō te 'opu'opu tangata, te pikika'a ē te taputo'u pikika'a, ē tēta'i 'ua atu mea kē atu kāre i tau i te 'āpi'i'anga tika tikāi.

11Ko taua au mea i tae mai nā roto mai i te 'ēvangelia kakā tei tukuna'ia mai ki āku nei e te Atua 'akameitaki'ia.

'Akameitaki'anga i te 'akaaro'a'anga o te Atua

12Tē 'akameitaki nei au i te Mesia ra i a Iēsū, tō tātou 'Atu, tei 'ōronga mai ki āku i te māro'iro'i nō te 'anga'anga tāna i tuku mai ki āku, nō te mea, kua manako aia i āku e kua tau nō te reira,

13Anga 8.3; 9.4,5noa atu ē, i riro ana au i mua ana 'ei 'akakino ē te tākinga kino ē te tuatua kino atu i aia. Kua 'akaaro'a maira aia i āku, nō te mea, i rave kitekore 'ua au i te reira nō tōku 'akarongokore.

14Kua tae ma'ata rava mai rā te aro'a 'ua o tō tātou 'Atu ki āku nei, ē pērā katoa te 'akarongo ē te aro'a tei roto i te Mesia ra i a Iēsū.

15'E mea tau kia 'āriki'ia ē kia 'irinaki'ia tēianei tuatua ē: Ko te Mesia ra ko Iēsū kua 'aere mai aia ki te ao nei e 'akaora i te aronga rave 'ara. Ko au nei rāi tei kino ma'ata atu i a rātou.

16Ko te tumu i 'akaaro'a'ia mai ei au, ko tēia, kia 'akaāri mai te Mesia ra ko Iēsū i roto i āku nei, te mōmua o te aronga kino anake ra, i tōna 'akakoromaki'anga roa, 'ei 'ākara'anga nā te aronga te ka 'irinaki ki aia ā muri atu kia rauka i a rātou te ora mutukore.

17Ē tēianei, 'ei te Ariki matekore ē te kiteakore'ia o te au tuātau kātoatoa, te Atua 'okota'i, te ngāteitei ē te kakā, e tuātau e tuātau 'ua atu. Āmene.

18Tē tuku atu nei au i tēia pōrokiroki'anga ki a koe, e taku tamaiti, e Tīmōteo, mei tei tau i te au toto'u'anga i 'akakite'ia mai nō runga i a koe i mua ana. E tamaki koe i te tamaki meitaki

19ma te 'irinaki'anga ē te 'akavā ngākau meitaki. Ko ēta'i aronga 'oki i kōpae atu i tō rātou 'akavā ngākau ē kua ngere i reira i te 'akarongo.

20Nō rātou 'oki a Humenaio rāua ko Ālekānēdero tei tuku'ia e au ki a Sātani kia 'āpi'i'ia ē, auraka e 'akakino.