1E aku au 'akaperepere ē, auraka e 'irinaki i te vaerua tātakita'i. E kimikimi rā mē nō kō mai ia i te Atua, nō te mea, 'e mānganui te au peroveta pikika'a i 'aere atuna ki roto i te ao nei.
2Ko tēia 'oki te mea e kite ei tātou i te Vaerua o te Atua, koia 'oki, ko te vaerua tātakita'i tei 'a'aki ē, ko Iēsū te Mesia tei 'aere ā tangata mai, nō kō mai ia i te Atua.
3Ē te vaerua tātakita'i tei kore e 'a'aki i a Iēsū mei tērā te tū, kāre ia ē nō kō mai i te Atua. Ko ia rāi nō te Pāto'i Mesia ia, tā kōtou i 'akarongo ē tē 'aere maira; ē tei roto rāi ia i te ao nei i tēianei.
4Ko kōtou rā, e aku au tamariki, nō kō mai 'oki kōtou i te Atua, ē kua ūpokotū kōtou ki runga i te au peroveta pikika'a, nō te mea, ko te Atua i roto i a kōtou 'e ma'ata atu ia i tei roto i tō te ao nei.
5Nō tēianei ao rātou, nō reira tē tuatua nei rātou i tā tō tēianei ao, ē tē 'akarongo nei tā tō tēianei ao i a rātou.
6Ko tātou rā, nō te Atua tātou; ē ko tei kite i te Atua, tē 'akarongo nei ia i a tātou; ko tei kore nō te Atua rā, kāre ia e 'akarongo i a tātou. Ko te rāvenga 'oki tēia e mārama ei tātou i te Vaerua tuatua mou ē te vaerua pikika'a.
Ko te Atua ko te aro'a ia7E aku au 'akaperepere, e aro'a tātou tēta'i ki tēta'i, nō kō mai 'oki te aro'a i te Atua ra. Ē ko tei aro'a ra, 'e tamaiti ia nā te Atua ē tē kite nei ia i te Atua.
8Ko tei kore e aro'a ra, kāre ia e kite ana i te Atua, nō te mea, ko te Atua ko te aro'a ia.
9Kua 'akaāri'ia mai te aro'a o te Atua ki a tātou nei nā roto i tōna tono'anga mai i tāna Tamaiti 'ānau ta'i ki te ao nei kia rauka i a tātou te ora nā roto i aia.
10Ko tēia 'oki te aro'a: kāre ko tātou tei aro'a atu i te Atua, ko te Atua rā tei aro'a mai i a tātou ē kua tono mai i tāna Tamaiti 'ei rāvenga ia kia 'akakore'ia tā tātou au 'ara.
11E aku au 'akaperepere, mē i pērā tō te Atua aro'a'anga mai i a tātou nei, kia aro'a katoa tātou tēta'i ki tēta'i e tikāi.
12Ioa 1.18Kāre ake rāi 'e tangata i 'ākara ana i te Atua ē tēia noa ai 'oki. Mē aro'a rā tātou tēta'i ki tēta'i, ka no'o tāmou te Atua i roto i a tātou ē kua meitaki rava tōna aro'a i roto i a tātou nei.
13Ko tēia te mea 'e mārama ei tātou ē, tē no'o tāmou nei tātou i roto i aia ē tē no'o tāmou nei aia i roto i a tātou, koia 'oki, kua 'ōronga mai aia i tā tōna Vaerua ki a tātou nei.
14Kua 'ākara ana 'oki mātou ē tē 'akakite atu nei mātou ē, kua unga mai te Metua i tāna Tamaiti 'ei 'Akaora i tō te ao nei.
15Mē tē 'a'aki nei tēta'i tangata ē, ko Iēsū te Tamaiti a te Atua, ka no'o tāmou te Atua i roto i aia, ē ko ia rāi i roto i te Atua.
16Tē kite nei 'oki tātou i tō te Atua aro'a ki a tātou nei ē kua 'irinaki tātou ki te reira.
Ko te Atua ko te aro'a ia. Ē ko te tangata e no'o i roto i te aro'a ra, tē ora nei ia i roto i te Atua ē tē ora nei te Atua i roto i aia.
17Ko tēia 'oki te tumu i meitaki rava ei tō tātou aro'a, kia matakukore tātou i te rā 'akavā'anga, nō te mea, mei tōna tū i tēianei ao pērā katoa tō tātou.
18Kāre 'oki te aro'a e kite i te mataku, tē tuaru nei rā te aro'a meitaki rava i te mataku ki va'o. 'E mamae ngākau 'oki tō te mataku. Ko tei mataku ra kāre ia 'e meitaki rava i te pae o te aro'a.
19Tē aro'a nei tātou, nō te mea, ko ia tei aro'a i a tātou nā mua.
20Mē tē karanga nei tēta'i tangata ē, “Tē aro'a nei au i te Atua,” ē tē mākitakita nei rā aia i tōna taeake, 'e tangata pikika'a ia. Nō te mea, ko tei kore e aro'a i tōna taeake tāna i kite mata ana, kāre katoa e tika i aia i te aro'a atu i te Atua tei kāre i kite mata'ia e ia.
21Ē ko tēia 'oki te 'akaue'anga nō kō mai i te Mesia ra: ko tei aro'a i te Atua, kia aro'a katoa aia i tōna taeake.
Who We AreWhat We EelieveWhat We Do
2025 by iamachristian.org,Inc All rights reserved.
