Rōma 16 - Cook Island Maori Revised New Testament(CIMRNT)

Tō Paulo aro'a ki ēta'i tangata i Rōma

1Tē tuku atu nei au ma te 'akameitaki i tō tātou tua'ine i a Phēbē ki a kōtou na, ē ma te 'akakite atu ē, 'e va'ine meitaki aia, nō te mea, 'e tāvini aia nō te 'ēkālēsia i Kenekērea ra.

2Kia 'ō'ō mai kōtou i aia i te ingoa o te 'Atu mei tei tau kia rave'ia e te aronga tapu ra. Ē e tauturu mai kōtou i aia i te au mea tāna ka 'inangaro i a kōtou na, nō te mea, i tauturu katoa ana aia i te tangata 'e mānganui, ē i āku katoa 'oki.

3 ko Ākuila, 'e puke 'oa rave 'anga'anga nōku nō te Mesia nei i a Iēsū,

4ko tei moumoukore i tō rāua ora'anga kia ora au. Tē 'akameitaki atu nei au i a rāua, kāre rā ē ko au anake 'ua, ko te au 'ēkālēsia rava rāi o te au 'ētene katoa ra.

5E aro'a katoa atu i te 'ēkālēsia i roto i tō rāua 'are. E aro'a atu i taku 'akaperepere ra i a Ēpainēto, ko te tangata mōmua ia o Āsia nō te Mesia ra.

6E aro'a atu i a Māria nō te 'anga'anga ma'ata tāna i rave nō kōtou na.

7E aro'a atu i a Ānederōniko ē i a Iūnia, i ngā taeake Ngāti Iūda nōku. 'E puke 'oa 'oki rāua nōku i roto i te 'are 'āuri, kua kite 'oki te au 'āpōsetolo i a rāua, ē e Keretitiāno i mua ake i āku nei.

8E aro'a atu i taku 'akaperepere i roto i te 'Atu i a Āmepēliāto.

9E aro'a atu i a Urobāno, i tō mātou 'oa rave 'anga'anga nō te Mesia nei, ē i taku 'akaperepere 'oki i a Setāku ra.

10E aro'a atu i a Āpele tei 'akaāri tikāi i tōna piri'anga ki te Mesia. E aro'a atu i tō Ārīsetōbulo ra.

11E aro'a atu i taku taeake Ngāti Iūda i a Hērōdiōna. E aro'a atu i te aronga tei 'irinaki i te 'Atu ra i roto i te ngutu'are o Narekiso ra.

12E aro'a atu i a Teruphaina ē i a Teruphosa, 'e ngā tua'ine 'oki rāua tei rave i te 'anga'anga ma'ata nō te 'Atu nei. E aro'a katoa atu i te tua'ine i a Pēresi 'akaperepere'ia ra; 'e 'anga'anga ma'ata rāi tāna i rave nō te 'Atu nei.

13Tē 'akapa'apa'a nei a Paulo i te Atua

25Kia 'akakakā'ia te Atua, te ka rauka i te 'akamātūtū i a kōtou i roto i te 'akarongo mei tei tau ki te 'ēvangelia tāku i ako atu, koia 'oki, ko te karere nō runga i a Iēsū Mesia ra; kia tau katoa 'oki ki te 'e'eu'anga mai o te mea muna ngaro ra i 'u'una'ia mei te au uki 'e mānganui mei 'ito maira.

26I 'akaāri'ia mai taua mea muna ngaro ra i tēianei, ē i 'akakite'ia mai nā roto i te au tuatua peroveta i tātā'ia ra, ki te au 'iti tangata rava rāi nō te 'akaue'anga a te Atua mutukore kia 'akarongo ē kia kauraro rātou ra.

27Tei te Atua 'okota'i anake 'ua te pakari! 'Ei aia te kakā nā roto i a Iēsū Mesia nei, e tuātau 'ua atu. Āmene.