1Ko te 'e'eu'anga tēia tā te Atua i tuku mai ki a Iēsū Mesia kia 'akaāri atu aia ki tōna au tāvini i te au mea e vaitata i te tupu. Ē nāna i 'akakite mai i te reira nā roto i te 'āngela tāna i tono mai ki tōna tāvini ko Ioane.
2Ko Ioane i riro 'ei kite nō te au mea rava rāi tāna i kite ana, koia 'oki te tuatua a te Atua ē te au mea tā Iēsū Mesia i 'akaāri ana.
3'E ao tōna tō tei tatau ē tō rātou tei 'akarongo i tēianei au toto'u, 'e ao katoa tō rātou tei 'ākono i tei tātā'ia ra ki roto. Tē vaitata mai nei 'oki te tuātau.
Te aro'a'anga4 a: Exo 3.14; b: Apo 4.5 Ko au, ko Ioane, tē tātā atu nei au ki te au 'ēkālēsia e 'itu i Āsia ra. 'Ei a kōtou te aro'a 'ua ē te 'au nō kō mai i aia ra, ko tē vai nei, tei vai ana ē te ka tae mai, ē nō kō katoa mai i te au vaerua toko'itu i mua i tōna terōno,
5a: Isa 55.4; b: Sal 89.27ē nō kō mai 'oki i a Iēsū Mesia ra, te kite mou, ko ia te mōmua tei tū mei te mate maira ē te tūtara nō te au ariki o tēianei ao.
Ē ko ia i aro'a mai i a tātou nei, ē i tāmā i tā tātou au 'ara nā roto i tōna toto,
6Exo 19.6; Apo 5.10ē kua 'akariro i a tātou 'ei au ariki, 'ei au ta'unga nā te Atua tōna Metua. 'Ei aia te kakā ē te mana e tuātau 'ua atu. Āmene.
7 a: Dan 7.13; Māt 24.30; Mār 13.26; Luk 21.27; 1 Tesa 4.17; b: Zek 12.10; Ioa 19.34,37; c: Zek 12.10; Māt 24.30 Inā, tē 'aere mai nei aia nā te tiao rangi, ē ka 'ākara te au mata kātoatoa i aia, pērā katoa te aronga i kō atu i aia. Ē ka auē te au kōpū tangata rava rāi o te ao nei i aia. Ka tika rava ia! Āmene.
8 a: Apo 22.13; b: Exo 3.14 Tē tuatua maira te 'Atu te Atua, “Ko au te Alepha ē te Ōmega, ko tē vai nei, tei vai ana 'oki, ē te ka tae mai, ko te Atua Mana Kātoatoa.”
Te 'ākara'anga o te Mesia tei 'akatū'ia9Ko au ko Ioane, tō kōtou taeake tei āru i a Iēsū tē kāpiti nei au ki a kōtou i te 'akakoromaki'anga i te tūmatetenga o te aronga tei no'o ki tōna bāsileia. I te 'enua au tei karanga'ia ra ē ko Patamo nō tōku 'akakite'anga i te tuatua nā te Atua ē te riro'anga 'ei kite nō Iēsū.
10Tei runga i āku te Vaerua i te rā o te 'Atu, ē kua 'akarongo akera au i tēta'i reo ma'ata mei te tangi pū ra i muri i āku,
11i te nā kō'anga mai ē, “Ko tā'au e 'ākara nei, e tātā ki roto i tēta'i puka, ka tuku atu ei ki ēia ngā 'ēkālēsia e 'itu, koia 'oki ki Ēphēsia, ki Semurina, ki Peregamo, ki Tuatira, ki Sāradi, ki Philadelaphia ē ki Laodikea.”
12Kua 'uri akera au i te 'ākara i taua reo tei tuatua mai ki āku ra. Ē i tōku 'uri'anga, kite atura au e 'itu lāmepa 'auro i runga i tō rātou vairanga.
13a: Dan 7.13; b: Dan 10.5Ē i rotopū i taua au lāmepa, tēta'i mei te Tamaiti a te tangata te tū, kua kāka'u'ia ki te kāka'u roroa, ē kua tātua'ia tōna umauma ki te tātua 'auro ra.
14Dan 7.9
Dan 10.6Tōna ūpoko ē tōna rauru e teatea mei te vavai ē te kiona, ē mei te mura a'i ra ōna mata.15Ezek 1.24; 43.2Tōna vaevae mei te veo meitaki ia tei tāmā'ia i roto i te a'i, ē tōna reo mei te 'aruru ia o te au vai rere.
16Tei roto i tōna rima katau e 'itu 'ētū, ē tē riro atura mei roto atu i tōna va'a tēta'i koke kokoi matarua, ē tōna mata e kakā ia mei te rā i te avatea ra.
17 Isa 44.6; 48.12; Apo 2.8; 22.13 I tōku 'ākara'anga atu i aia, 'inga i'ora au ki raro ki tōna pae vaevae mei te tangata mate rāi. Kua tuku maira aia i tōna rima katau ki runga i āku, ē kua nā kō maira ē, “Auraka e mataku. Ko au te mōmua ē te 'openga.
18Ko au, tē ora 'ua nei au. I mate ana rāi 'oki, inā, tē ora 'ua nei au 'e tuātatau rava atu, ē tei āku nei 'oki te au tāviri o te mate ē tō 'Ade.
19“I tēianei, e tātā koe i te au mea tā'au e 'ākara nei, ē te au mea e vai nei, ē te au mea te ka tupu ā muri nei.
20Ko tēia te mea muna ngaro o te au 'ētū e 'itu tā'au e kite mai nei i roto i taku rima katau, ko te au 'āngela ia o te au 'ēkālēsia e 'itu. Ē ko tēia te mea muna ngaro o te au lāmepa 'auro e 'itu, ko te au 'ēkālēsia ia e 'itu.”
Who We AreWhat We EelieveWhat We Do
2025 by iamachristian.org,Inc All rights reserved.
