1 Māt 13.55; Mār 6.3 Ko au, ko Iūda, 'e tāvini nō Iēsū Mesia ē 'e taeake nō Iākōbo. Tē tātā atu nei au ki a kōtou, te aronga i kāpiki'ia, koia 'oki, tei 'akaperepere'ia e te Atua Metua ē tei tiaki'ia e Iēsū Mesia.
2Kia ma'ata 'ua atu rāi te tākinga meitaki, te 'au ē te aro'a ki a kōtou na.
Te 'akavā'anga o te au pū'āpi'i pikika'a3E aku au 'akaperepere ē, i tāku tautā'anga pakari i te tātā ki a kōtou nō runga i te rāvenga ora nō te kātoatoa, kua manako rā au ē, 'e mea umuumu'ia i te tātā nā mua ki a kōtou ē i te 'akamāro'iro'i i a kōtou, kia pāruru pakari kōtou i te 'akarongo tei tuku tākiri'ia mai e te Atua ki tōna aronga tapu.
4Nō te mea, kua tomo pōiri mai ēta'i tangata 'ākonokore i te Atua ki rotopū i a tātou, tei ruri kē i te aro'a 'ua o te Atua 'ei kanga'anga, ē tei 'akakite ē kāre a Iēsū Mesia i tō tātou 'Atu ē te Pū 'okota'i, koia 'oki, tō tātou 'Atu ko Iēsū Mesia. Ko rātou te aronga i 'akakoro takere'ia nō te 'akavā'anga nō tēia 'anga'anga 'oki.
5 a: Exo 12.51; b: Num 14.29,30 Noa atu ē, kua mārama takere kōtou i te au mea kātoatoa, tē 'inangaro nei rā au i te 'akama'ara i a kōtou ē, kua nā mua te 'Atu i te 'akaora i tōna 'iti tangata mei roto mai i te 'enua ko Aiphiti, i muri ake rā i tākore ei aia i a rātou tei kore i 'irinaki i aia.
6Pērā katoa te au 'āngela tei kore i 'ākono i tō rātou 'ua'orāi mana, kua 'akaruke rā i tō rātou no'o'anga, tē mou'ia nei rātou e te 'Atu i roto i te pōiri ma te piri'anganaoa mutukore nō te 'akavā'anga o te rā ma'ata.
7Gen 19.1-24Pērā rāi 'oki a Sodoma ē Gōmora ē te au 'ōire i tō rāua pae, i 'akavā'ia ki te utunga o te a'i mutukore, nō tō rātou ora'anga kanga ē te kimi atu i te piri'anga taukore mei a rātou rāi te tū. Tē tukuna'ia nei taua au 'ōire ra 'ei 'akamatakite'anga.
8Pērā rāi tēia au tangata ma tā rātou au moemoeā: tē 'akavi'ivi'i nei rātou i tō rātou kōpapa, tē 'akava'ava'a nei i te mana tūtara, ē tē 'akakino nei i te au vaerua kakā.
9a: Dan 10.13,21; 12.1; Apo 12.7; b: Deut 34.6; c: Zek 3.2Kāre rāi te 'āngela ma'ata ko Mikaela i tae i te 'aka'apa atu i te Tiāporo ma te 'akakino'anga, ka taumārō ra ei rāua nō runga i te kōpapa o Mōse; kua tuatua 'ua rā aia, “Nā te 'Atu e kauvae atu i a koe.”
10Ko tēia aronga rā tē 'akakino nei rātou i te au mea kāre rātou i nakiro; ē te au mea tā rātou i nakiro anake 'ua mei te au manu manakokore rāi, ka riro ia 'ei tumu nō tō rātou mate.
11a: Gen 4.3-8; b: Num 22.1-35; c: Num 16.1-35'E 'ae tō rātou! Kua 'aere 'oki rātou nā te mataara o Kaina, kua āru viviki i te 'akavāvare o Bālaama nō te tūtaki, ē kua mate rātou i tō Kora pāto'i'anga i te Atua.
12'E tumu rātou nō te manamanatā i tā kōtou au kaingākai aro'a ra nō tō rātou kai kāpipiti'anga ma te 'akamākore ē ma te manako 'ua i a rātou 'ua'orāi. 'E tumurangi vaikore rātou, e peke 'aere 'ua i te matangi. 'E au pū rākau 'uakore i te tuātau 'ua tikāi, i kiriti tumu'ia, takirua 'oki tō rātou mate.
13'E au ngaru tai viviki rātou tei 'akaruaki i tō rātou 'ua'orāi kino; 'e au 'ētū koka 'aere 'ua rātou, ē nō rātou 'oki i 'ākono'ia ai te pōiri kerekere ma'ata roa e tuātau 'ua atu.
14 Gen 5.18,21-24 Ko Enoka, te tangata toko'itu mei a Ādamu maira, i toto'u ana nō runga i taua aronga ra i te nā kō'anga mai ē, “Inā, kua 'aere mai te 'Atu ma te nga'uru o te tauatini aronga tapu
15i te 'akavā i te kātoatoa. Ka 'akautunga aia i te aronga 'ara atuakore kātoatoa nō tā rātou 'anga'anga rava rāi tei kore 'e tau ki te Atua, ē pērā katoa nō te au mea kino tā rātou i tuatua atu ki aia.”
16'E aronga tarotaro rātou ē te marekakore, tē āru 'ua nei i tō rātou 'ua'orāi au noinoi. Tē 'akapa'apa'a nei rātou i a rātou 'ua'orāi, ē tō rātou va'a vene reka ki te tangata kia rauka mai tō rātou 'ua'orāi pu'apinga.
'Akamatakite'anga ē te 'akamāro'iro'i'anga17Ko kōtou rā, e aku au 'akaperepere ē, e ma'ara kōtou i te au tuatua tei 'akakite takere'ia atu e te au 'āpōsetolo a tō tātou 'Atu ko Iēsū Mesia.
182 Pet 3.3Kua 'akakite 'oki rātou ki a kōtou ē, i te tuātau 'openga ka 'aere mai te au tangata tei 'āviriviri i a kōtou, kāre rātou i 'ākono i te Atua, ē tē āru 'ua nei rā i tō rātou 'ua'orāi au noinoi.
19Ko rātou 'oki tei 'akamavete i te au tangata. 'E tūranga tangata anake 'ua tō rātou, ē kāre i a rātou te Vaerua.
20Ko kōtou rā, e aku au 'akaperepere ē, e patu i a kōtou 'ua'orāi ki runga i te tango o tō kōtou 'akarongo tapu, e pure i roto i te Vaerua Tapu,
21e no'o tāmou i roto i te aro'a o te Atua ma te tāpapa atu i te tākinga meitaki o tō tātou 'Atu ko Iēsū Mesia te ka 'ōronga mai i te ora mutukore.
22E aro'a atu i a rātou ko tei 'ēkōkō,
23e 'akaora i a rātou nā roto i te 'aru'anga i a rātou mei roto mai i te a'i. Ko tēta'i pae rā e aro'a atu i a rātou ma te matakite, e mākitakita rā i te kāka'u i 'akavi'ivi'i'ia e tō rātou kino kanga.
'Akameitaki'anga24'Ei aia te ka rauka i te tiaki i a kōtou kia kore kōtou e 'inga, ē te ka rauka katoa i te tuku atu i a kōtou ma te rekareka ē te 'apakore ki mua i tōna kakā,
25koia 'oki te Atua 'okota'i tō tātou 'Akaora, nā roto i a Iēsū Mesia tō tātou 'Atu, tei aia 'oki te kakā, te tapunui, te ririnui ē te mana mei muatangāna maira, i tēianei e tuātau 'ua atu. Āmene.
Who We AreWhat We EelieveWhat We Do
2025 by iamachristian.org,Inc All rights reserved.
