1 Ioane Nō runga i tēia leta - Cook Island Maori Revised New Testament(CIMRNT)

Nō runga i tēia letaTē 'inangaro nei a Ioane kia mārama te au Keretitiāno 'irinaki tikāi ē, mē 'a'aki te tangata i tā rātou au 'ara ki te Atua, ka 'akakore aia i te reira ē ka 'apai kē'ia atu (1.9).Ko te tūranga tau tikāi o te 'akarongo, kia aro'a tātou tēta'i ki tēta'i (3.11-24). Nō te mea ē, ko te Atua te aro'a, kia 'āite katoa tōna au tangata ki aia e tikāi (4.1-21). Mē 'inangaro tātou kia ūpokotū meitaki rava tātou ki runga i te 'ara, kāre e ope te aro'a i a tātou tēta'i ki tēta'i, kia 'irinaki katoa rā tātou ē, ko Iēsū, te Tamaiti a te Atua, ko te Mesia ia ē kua mate tikāi aia nō tātou (5.1-12).E 'akama'ara ana rā:“Tē tātā nei mātou nō runga i te Tuatua o te ora. Kua vai ana 'oki ia mei muatangāna mai rāi, ē kua 'akarongo mātou, kua kite mātou ki tō mātou 'ua'orāi mata, kua 'ākara mātou ē kua 'āmiri tō mātou rima i aia” (1.1).Te 'akano'ono'o'anga o tēia leta1. Ko te Tuatua ko te ora ia 1.1-42. 'E mārama mou te Atua ē ko Iēsū Mesia tō tātou 'ākara'anga 1.5—2.63. Te 'akaue'anga 'ōu 2.7-174. Te au 'enemi o te Mesia ē te tamariki nā te Atua 2.18—3.105. Te aro'a o te Atua ē tō tātou aro'a 3.11—4.216. Te ūpokotū'anga ki runga i tēianei ao 5.1-21