Galatia Nō runga i tēia leta - Cook Island Maori Revised New Testament(CIMRNT)

Nō runga i tēia letaMei te 'akamata'anga o tēia leta ki te au 'ēkālēsia i roto i te tu'anga 'enua ko Gālātia, kua 'akapāpū a Paulo ki te aronga te ka tatau i tēia leta nei i ēia ngā mea e rua. Ko te mea mua: 'e 'āpōsetolo tika tikāi aia; ē te rua: ko tāna karere ko te karere mou 'okota'i te reira (1.1-10). 'E mea umuumu'ia e Paulo i te 'akakite i ēia ngā mea e rua, nō te mea, ko ēta'i tangata kua karanga ē, ko Paulo 'e 'āpōsetolo pikika'a ia, ē tāna karere 'e karere pikika'a rāi.'E 'āpōsetolo tika tikāi 'oki a Paulo, nō te mea, ko tāna 'anga'anga i rotopū i te au 'ētene, kua tuku'ia mai te reira ki aia e te 'Atu, ē kua 'akatinamou'ia e te au 'āpōsetolo i Iērūsalēma (1.18—2.10). Kua kauvae katoa ana 'oki a Paulo i a Pētero, nō te mea, kāre aia i kaikai kāpiti 'aka'ou ki te au Keretitiāno nō roto mai i te au 'ētene tei kore i 'ākono i te Ture a Mōse (2.11-18).Ko te 'akarongo ko te rāvenga ora 'okota'i ia. Kua 'akamārama a Paulo ē, e tika rāi tēia nō runga i a Āberahāma ko tei 'āriki i te papa'u'anga a te Atua ma te 'akarongo. Kua 'akapāpū a Paulo i te tū o tōna 'ua'orāi 'akarongo:“Kua 'akasātauro'ia māua ma te Mesia....Kāre au e ora 'ua atu rāi, tē ora nei rā te Mesia i roto i āku nei....Tē ora nei au nā roto i te 'irinaki'anga i te Tamaiti a te Atua, ko tei aro'a mai i āku ē kua 'ōronga mai i aia 'ua'orāi nōku nei” (2.19-20).Te 'akano'ono'o'anga o tēia leta1. Te 'āpōsetolo tika tikāi ē te karere mou 1.1-102. Tā te Atua 'iki'anga i a Paulo 'ei 'āpōsetolo 1.11-243. Te pāruru'anga a Paulo i tāna karere 2.1-214. Ko te 'akarongo ko te rāvenga ora 'okota'i 3.1—4.315. Kia arataki'ia tātou e te Vaerua ē e te aro'a 5.1—6.106. Te 'akamatakite'anga 'openga ē te aro'a'anga 6.11-18