Apokalupo 13 - Cook Island Maori Revised New Testament(CIMRNT)

Ngā puaka tā'ae e rua

1 a: Dan 7.3; b: Apo 17.3,7-12 Kua kite atura au i tēta'i puaka tā'ae i te kake'anga mei raro mai i te moana, e ta'i nga'uru ōna tara ē e 'itu ōna mīmiti. E ta'i nga'uru korōna i runga a'o i tōna au tara ē te au ingoa 'akakino Atua i runga a'o i tōna au mīmiti.

2Dan 7.4-6Te puaka tā'ae tāku i kite ra, mei te nēmera ia te tū, tōna vaevae mei tō te pea ia, ē tōna va'a mei te va'a ia o te liona. Kua 'ōronga maira te tā'ae i tōna ririnui, tōna terōno ē te mana ma'ata nōna.

3'E puta'anga mate tō tēta'i o tōna ngā mīmiti, kua 'akaora'ia rā taua puta'anga mate. Kua āru i'ora tō te ao nei i taua puaka tā'ae ra ma te vā 'ua. Kua 'akamori atura rātou i te tā'ae, nō te mea, kua 'ōronga aia i te mana nō te puaka tā'ae.

4Kua 'akamori katoa rātou i te puaka tā'ae i te nā kō'anga atu ē, “Ko 'ai tei 'āite ki te puaka tā'ae, ē ko 'ai tei tau kia tamaki atu i aia?”

5 Dan 7.8,25; 11.36 Kua 'ōronga'ia mai te va'a ki taua puaka tā'ae ra kia tuatua aia i te tuatua 'akateitei ē te tuatua 'akakino Atua. Kua 'ōronga'ia taua mana ra e 'ā nga'uru mā rua marama.

6Kua ma'eu aia i tōna va'a i te tuatua i te 'akakino'anga Atua, i te 'akakino i tōna ingoa ē tōna ngā'i, ē i te aronga katoa tei no'o i runga i te rangi.

7Dan 7.21Kua rauka katoa i aia te tika i te tamaki atu i te aronga tapu, ē i te 'autū ki runga i a rātou. Kua 'ōronga'ia ki aia te mana kia tūtara ki runga i te au kōpū, te au 'iti tangata, te au reo ē te au tū tangata rava rāi.

8Sal 69.28Te aronga rava rāi tei no'o i te ao nei, ka 'akamori atu rātou i aia; ko te aronga 'oki kāre tō rātou ingoa i tātā'ia ki roto i te puka o te ora a te Punua Māmoe mei te 'akamata'anga mai o tēianei ao.

9'E taringa tōna ra, kia 'akarongo aia!

10Ier 15.2; 43.11Mē arataki tuika'a'ia tēta'i tangata, kia riro aia 'ei tuika'a e tikāi. Mē tā'ia tēta'i tangata e te koke, kia mate rāi aia i te koke e tikāi. Ko tēia 'oki te ora o te aronga tapu, ko te 'akakoromaki ē te 'akarongo ia.

11Kua kite atura au i tēta'i puaka tā'ae kē i te kake'anga mai mei raro mai i te 'enua. E rua ōna tara mei tō te punua māmoe ra, ē tāna tuatua mei tā te tā'ae ra.

12Kua rave ia i te tika kātoatoa o te puaka tā'ae mua i mua i tōna aroaro. Nāna 'oki i riro ei te ao ē tei no'o ki reira i te 'akamori i te puaka tā'ae mua, tei 'akaora'ia ana tōna puta mate ra.

13'E au 'akairo mama'ata tāna i rave. Kua rauka rāi i aia i te 'akatopa mai i te a'i mei runga mai i te rangi ki te 'enua nei i mua i te mata o te tangata nei.

14Kua arataki kē aia i te aronga e no'o i te ao nei nā roto i te au 'akairo tei 'akatika'ia ki aia i te rave i mua i te aroaro o te puaka tā'ae. Kua 'akakite aia ki te aronga e no'o i te ao nei kia ma'ani i tēta'i tiki o te puaka tā'ae tei puta ana i te koke ē tei ora rāi.

15Kua 'ōronga katoa'ia ki aia te tika kia tuku atu i te a'o ki roto i te tiki o te puaka tā'ae, kia tuatua rāi taua tiki o te puaka tā'ae ra, ē kia 'akatupu rāi i te mate ki te aronga katoa tei kore e 'akamori i te tiki o te puaka tā'ae.

16Kua mārō aia i te tangata kātoatoa, tei meangiti ē tei ma'ata, tei 'apinga nui ē tei 'apingakore, tei rangatira ē tei tuika'a, kia 'akatāpa'o'ia tō rātou rima katau, mē kāre tō rātou rae.

17Kāre katoa aia e 'akatika i tēta'i 'ua atu tangata kia 'oko atu mē kāre kia 'oko mai, māri 'ua tei aia te tāpa'o o te puaka tā'ae, koia 'oki, tōna ingoa mē kāre te nūmero o tōna ingoa.

18Ka umuumu'ia te pakari i konei. 'E mārama tōna ra kia kimi aia i te nūmero o te puaka tā'ae ra, 'e nūmero 'oki ia nō tēta'i tangata. Ko tōna nūmero, e ono 'ānere e ono nga'uru ma ono.