1Tē tuatua nei au i te tuatua mou ē kāre au e pikika'a atu ana; nō te Mesia 'oki au nei. Ē tē kāpiti mai nei tōku 'akavā ngākau ki āku i raro ake i te 'aka'aere'anga a te Vaerua Tapu i te 'akakitekite'anga atu ē,
2'e taitaiā ma'ata tōku ē te mamae tukutukukore i a roto i tōku ngākau.
3Nō reira 'oki i 'inangaro ei au i āku 'ua'orāi kia tauma'a'ia mai ē kia 'akatakakē'ia mei te Mesia maira 'ei meitaki nō taku au taeake, tōku 'ua'orāi kiko ē te toto.
4
6Kāre 'oki mei te mea ē, kua kore te papa'u'anga a te Atua. Kāre 'oki tō Īserā'ela 'uānga kātoatoa ē, 'e 'iti tangata Īserā'ela.
7Gen 21.12Ē kāre rāi 'oki te 'uānga kātoatoa a Āberahāma i te tamariki i papa'u'ia maira. Ko tēia 'oki te papa'u'anga ra: “E kitea mai tō'ou 'uānga nā roto mai i a Īsā'aka anake 'ua.”
8Tēia tōna 'āite'anga: kāre te tamariki kātoatoa i 'ānau'ia mai mei roto mai i te kōpapa o Āberahāma i te tamariki nā te Atua; ko te tamariki 'ua rā i 'ānau'ia mai i te papa'u'anga ra, ko rātou te 'uānga tikāi.
9Gen 18.10I nā kō ra 'oki taua papa'u'anga ē, “Kia tae ki te tuātau tau tikāi ra, e tae mai ei au, ē 'e tamaiti tā Sara.”
10Kāre 'oki ē ko te reira anake 'ua ra. Ko Rēbeka katoa rāi tēta'i tei nui i tēta'i o tō tātou tupuna, ko Īsā'aka.
11-12Gen 25.23I mua ake rā ka 'ānau mai ei ngā mā'anga, ē kāre rāua i rave ake i te meitaki, mē kāre ra i te kino, i karanga'ia atu ei ki a Rēbeka ra ē, “Ka tāvini te tuakana i te teina,” kia tupu tō te Atua 'akakoro'anga nā roto i tāna 'iki'anga ra, 'eia'a ē nō tā rāua 'anga'anga ra, nō tōna kāpiki'anga mai rā.
13Mal 1.2,3Ko tēia 'oki tei tātā'ia ra: “I 'inangaro ra au i a Iākōba, kāre rā au i 'inangaro i a Ēsau.”
14Ka 'akapē'ea nei rā 'oki tātou i reira? 'E tuatua tikakore āina tā te Atua? Auraka rava ia!
15Exo 33.19Kua karanga 'oki aia ki a Mōse ē, “Ka aro'a 'oki au i tāku e anoano i te aro'a, ē ka tangi au i tāku e anoano i te tangi.”
16Ē nō reira, kāre te 'iki'anga e tupu nō tā te tangata nei e 'inangaro mē kāre rā nō tāna e rave ra, māri rā i tō te Atua ra aro'a.
17Exo 9.16Tē karanga ra 'oki te tuatua i tātā'ia ra ki a Phārao ē, “Nō tēia 'akakoro'anga nei tikāi i 'akariro ei au i a koe 'ei ariki, kia riro ē nā roto i a koe te 'akaāri'anga atu i tōku nei mana, ē kia toto'a'ia atu tōku nei rongonui ē pini 'ua ake te ao katoa nei.”
18Nō reira, tē aro'a nei te Atua i tāna i anoano i te aro'a, ē tē 'akamārōketaketa ra aia i tāna i anoano kia mārōketaketa.
Te riri ē te aro'a o te Atua19Ka ui mai tēta'i o kōtou na ki āku ē, “'E a'a i reira te Atua i 'aka'apa 'ua mai ei i a tātou? Ko 'ai 'oki te ka pāto'i atu i tōna anoano?”
20Isa 29.16; 45.9'Aua na rā, e taku taeake. Ko 'ai koe kia mārō atu ki te Atua? E karanga atu āina te mea i 'anga'ia ra ki tei 'anga mai i aia ra ē, “'E a'a rā koe i 'anga mai ei i āku mei tēianei te tū?”
21Kāre āina ē, tei te tangata ma'ani pōtera te tika kia 'anga aia mei roto mai i te putunga karakaraea 'okota'i ra i tēta'i 'āriki nō te 'akakoro'anga 'akamānea, ē i tēta'i nō te 'anga'anga noa 'ua nei?
22Ko te Atua 'oki tei anoano i te 'akakite mai i tōna riri ē te 'akaāri mai i tōna mana, 'e a'a aia e 'akakoromaki roa ai i te au 'āriki o te riri tei 'akatau'ia ana nō te mate ra?
23'E a'a katoa aia i 'akaāri mai ei i tōna mekameka ma'ata ki te au 'āriki o tōna aro'a? Ko tātou nei 'oki tei te'ate'amamao takere'ia e ia nō te kakā,
24ē tei kāpiki katoa'ia e ia, kāre ē mei roto anake 'ua mai i te Ngāti Iūda ra, mei roto katoa mai rāi i te 'ētene.
25Hos 2.23Ko tāna 'oki i tuatua i roto i a Hosea ra ē,
“Ko te aronga ē kāre i te 'iti tangata nōku,
ka tapa'ia rātou e au ē, ‘Tōku 'Iti Tangata;’
ē ko te 'iti tangata tei kore i 'akaperepere'ia ra,
ka tapa'ia ia e au, ‘Taku 'Akaperepere'ia ra.’ ”
26 Hos 1.10 “Ē i te ngā'i tikāi i karanga'ia atu ei rātou ra ē, ‘Kāre kōtou i te 'iti tangata nōku,’
i reira rātou e tapa'ia ai ē, ‘'E tamariki nā te Atua ora ra.’ ”
27 Isa 10.22,23 Tē kāpiki 'ua ra 'oki a Īsaia nō runga i a Īserā'ela ē, “Noa atu 'oki ē, e 'āite rāi te tamariki a Īserā'ela ki te 'unga'unga one ta'atai kia tatau'ia ra, 'e tokoiti 'ua rāi te ka 'akaora'ia mai;
28nō te mea 'oki ē, ka rave te 'Atu i tāna 'akautunga'anga i tēianei ao ma te viviki ē te 'aka'ope tākiri.”
29Isa 1.9Mei tā Īsaia rāi 'oki i toto'u mai i muatangāna ra ē, “Nāringa kāre te Atua o te au Nuku i vao'o mai i tēta'i 'uānga nō tātou, kua riro mai tātou mei a Sodoma, ē kua 'āite ki a Gōmora ra.”
Nō Īserā'ela katoa te 'ēvangelia30Ka 'akapē'ea nei rā 'oki tātou i reira? Kua rauka te 'akatikatika'anga i te 'ētene ra, tei kore i umuumu atu i te reira. Ē ko te 'akatikatika'anga i rauka i a rātou, ko te 'akatikatika'anga 'oki ia nā roto mai i te 'irinaki'anga.
31Kāreka a Īserā'ela ra ko tei umuumu atu i tēta'i ture kia rauka te 'akatikatika'anga ra, kāre rāi i kitea e rātou taua ture ra.
32Nō te a'a ra? Nō te mea, kāre rātou i umuumu i te 'akatikatika'anga nā roto mai i te 'irinaki'anga, nā roto rā i tā rātou 'anga'anga. Kua tūrori 'oki rātou ki runga i te “toka tūrori'anga” ra,
33Isa 28.16mei tei tātā'ia ra ē,
“Inā, e tuku au i tēta'i toka tūrori'anga ki Siona,
ko te papa maitu'anga rāi 'oki ia.
Ē ko tei 'irinaki ki aia ra,
kāre rava ia e tā'akamā'ia.”
Who We AreWhat We EelieveWhat We Do
2025 by iamachristian.org,Inc All rights reserved.
