1Ko au, ko Paulo, 'e 'āpōsetolo, kāre rā i 'iki'ia e te tangata nei, ē kāre katoa i 'akataka'ia e te tangata nei, nā Iēsū Mesia rā ē te Atua Metua ko tei 'akatū i a Iēsū mei te mate maira.
2Ko au ē te au taeake rava rāi i āku nei, tē tātā atu nei mātou ki te au 'ēkālēsia i Gālātia na.
3'Ei a kōtou te aro'a 'ua ē te 'au nō kō mai i te Atua tō tātou Metua ē te 'Atu ko Iēsū Mesia,
4ko tei 'ōronga mai i aia 'ua'orāi nō tā tātou au 'ara, kia 'akaora mai i a tātou mei roto mai i tēianei ao kino, kia tau ki te anoano o te Atua tō tātou Metua.
5'Ei aia te kakā e tuātatau 'ua atu. Āmene.
'Okota'i rāi 'ēvangelia6Te pō'itirere nei au ē, kua 'akaruke vave 'ua kōtou i tei kāpiki i a kōtou nā roto i te aro'a 'ua o te Mesia, ē kua āru kōtou i tēta'i 'ēvangelia kē.
7Kāre 'e 'ēvangelia kē atu! Tē vai nei rā ēta'i aronga tei 'akapekapeka ki a kōtou ē tei umuumu i te 'akatūkē i te 'ēvangelia a te Mesia ra.
8Mei te mea 'oki ē, ko mātou, mē kāre ko tēta'i 'āngela nō te rangi mai, te ka ako atu i tēta'i 'ēvangelia kē, kāre mei tei ako'ia atu ki a kōtou e mātou nei, kia tauma'a'ia aia.
9Mei tā mātou rāi 'oki i 'akakite atu ana ē te tā'oki 'aka'ou atu nei au i tēianei: Mē ako atu tēta'i tangata ki a kōtou i tēta'i 'ēvangelia kē, kāre mei tei 'āriki'ia mai ana e kōtou, kia tauma'a'ia aia.
10Ko te tangata āinei tāku e kauraro i tēianei, mē ko te Atua? Tē 'akarekareka 'ua āinei au i te tangata? Mei te mea ē, tē 'akarekareka 'ua nei au i te tangata, kāre ia au i te tāvini nō te Mesia ra.
Tō Paulo riro'anga 'ei 'āpōsetolo11E te au taeake ē, tē 'inangaro nei 'oki au kia kite pāpū kōtou ē, ko te 'ēvangelia tei ako'ia atu e au, kāre ia i tā te tangata nei.
12Kāre 'oki au i 'āriki i te reira nō kō mai i te tangata, kāre katoa au i 'āpi'i'ia mai, kua rauka rā nā roto i te tuatua 'e'eu'ia e Iēsū Mesia ra.
13 , no'o atura au ki ōna ra e ta'i nga'uru mā rima anake ra rā.
19Kāre au i kite i tēta'i 'āpōsetolo kē. Ko Iākōbo anake 'ua tāku i kite, 'e teina aia nō te 'Atu ra.
20Ko tāku e tātā atu nei ki a kōtou na, ko te Atua tōku kite, ē kāre i te pikika'a.
21Ē i muri ake, 'aere atura au ki te au tu'anga 'enua o Sūria ē Kilikia.
22Kāre rāi te au 'ēkālēsia a te Mesia i Iūdea ra i kite mata mai i āku,
23kua 'akarongo 'ua rā rātou i te tuatua ē, “Ko te tangata tei tākinga kino mai ana i a tātou i mua ana, tē tūtū 'aere nei i te 'akarongo tāna i umuumu tikāi i te 'akakore.”
24Kua 'akakakā atura rātou i te Atua nō tāna 'anga'anga i roto i āku nei.
Who We AreWhat We EelieveWhat We Do
2025 by iamachristian.org,Inc All rights reserved.
