Mātaio 18 - Cook Island Maori Revised New Testament(CIMRNT)

Ko 'ai tei ma'ata rava atu?(Māreko 9.33-37; Luka 9.46-48)

1

12“'E a'a tō kōtou manako? Mei te mea ē, 'e 'okota'i 'ānere māmoe tā tēta'i 'ua atu tangata, ē kia 'aere kē tēta'i o rātou ra, kāre āina aia e vao'o i te iva nga'uru mā iva ki runga i te maunga ra, ka 'aere ei ka kimi i te mea tei 'aere kē ra?

13Ē mē kitea'ia atura e ia, koia mou tāku e karanga atu ki a kōtou na, 'e ma'ata atu tōna rekareka i te reira, i te iva nga'uru mā iva tei kore i 'aere kē ra.

14Ē pērā katoa rāi, kāre te anoano o tō kōtou Metua i te ao ra ē kia mate tēta'i o ēia nei tangata rikiriki.”

Tēta'i taeake tei rave 'ara

15

25Nō te mea rā ē, kāre tākiri āna 'apinga e tūtaki mai, kua 'akaue atura tōna pū kia 'okona'ia atu aia ma tāna va'ine katoa ē te tamariki, ē te au 'apinga kātoatoa nāna ra, kia rauka mai te tūtaki.

26Kua 'akatopa i'ora te tāvini ra ki tōna turi ki mua i aia, nā kō maira, ‘E taku pū, kia rava te 'akakoromaki mai i āku, ē nāku e tūtaki kātoatoa atu ki a koe.’

27Kua tangi maira te pū o taua tāvini ra i aia, kua tuku atura i aia ma te 'akakore atu i tāna kaio'u.

28“Inā, i te 'aere'anga atu o taua tāvini ra ki va'o, kitea atura e ia tēta'i o tōna au taeake tāvini ra tei kaio'u mai ki aia e ta'i 'ānere moni 'ārio. Kua 'opu atura aia i aia ē kua roromi atura i te kakī, nā kō atura, ‘E tūtaki mai koe i tā'au i kaio'u maira!’

29Kua 'akatopa i'ora taua taeake tāvini nōna ra ki tōna pae vaevae, ē kua pati 'akatenga maira, nā kō maira, ‘Kia rava te 'akakoromaki mai i āku, ē nāku e tūtaki kātoatoa atu ki a koe.’

30Kāre rā i tika i aia. Kua 'aere atura aia ē kua titiri atura i tōna taeake tāvini ki roto i te 'are 'āuri kia peke roa tei kaio'u'ia ra.

31“Kia kite te au taeake tāvini kē ra i te au mea e tupu ra, kua ma'ata rava atura tō rātou tangi, ē kua 'aere atura rātou ki tō rātou pū, kua 'akakite atura i te au mea kātoatoa i tupu ra.

32Kua kāpiki atura tōna pū i aia kia 'akavaitata mai, ē kua nā kō atura ki aia, ‘Ē tēianei tāvini kino ē! Kua 'akakore atu au i tā'au kaio'u kātoatoa nō tei pati 'akatenga mai koe ki āku.

33Kāre āina e rauka katoa i a koe i te aro'a atu i tō taeake tāvini ra, mei āku i aro'a katoa atu i a koe na?’

34Kua riri akera tōna pū i aia, ē kua tuku atura i aia ki te aronga 'akautunga ra, kia peke kātoatoa roa taua kaio'u ki aia ra i te tūtakina'ia.

35“Ka 'akapērā katoa mai taku Metua i te ao ra i a kōtou kia kore kōtou tātakita'i e 'akakore i te au 'apa a tō au taeake mei roto tikāi mai i tō kōtou au ngākau.”