1Dakel a kimey so niiter ed balang sakey a too. Ambelat so nipapasakbat ed balang sakey ed sikatayo manlapud agew na inkianak tayo ya anggad agew na ipawil tayod dalin, say ina tayon amin.
2Nagogoloy isip tayo tan mapagpaga tayo, tan natatakot itayod agew na ipatey tayo
3-4amin tayo manlapud arin walad marakep a trono to ya akasolung na kawes na ari tan akakorona, ya anggad sankamugmoan a toon akakawes na sako tan mambibilay ed kairapan.
5Diad intiron bilay tayo onsasabid sikatayoy pasnuk, imon, tan gunigon. Gugunigonen itayo na saray bengatla; mambibilay itayo a manggogotgotan iray nunot tayo tan walay takot tayod patey. Anggan no onla tayod dokulan, onsasabi ray balon gunigon ed ogip tayo.
6Magangganoy pakapainawa tayo, no wala bilang. No onogip itayo, singa itayo abangon, ta gogoloen itayo na saray kanunotan tayo. No kokogipen tayo ya ibabatikan tayoy kalaban,
7et ngalngali itayo la naerel, nabangon itayo tan makainawa tayo diad pakaamta tayon anggapo manayay nepeg a takotan.
8Nia ray nepeg a piarapan na amin a pinalsa, totoo man odino ayayep (balet mamimpitoy kinaoges para saray makasalanan):
9patey, panagduksa, kolkol, panagpatey, desyang, eras, sakit, salot.
10Apalsa ra yan amin lapud saray totoon maoges; sikaray nanlapwan na deral.
11Amin a manlalapud dalin ompapawil ed dalin, a singa amin a danum et onaagos ed dayat.
Say Pansumpalan na Kaogsan12Ag mansiansiay bengatlan manlalapud pasoksok odino panagpikewet na katonungan, balet mansiansia so tumang na inkatoor.
13Say kayamanan a nalad kasaolan et singa kelas a mapmaples ya onaagos no walay bagyo tan oran,
14tan iyaanur to ray baton-dampay no onaagos, insan balet biglan namagaan.
15Aliwan baleg iran pamilya so itilak na saray anak na totoon maoges; singa ra saray tanaman ya ibobotbot day lamut da ed baton-dampay;
16singa ra tanobung ed gilig na ilog, a nalelenes iran onona nen saray arum a tanaman.
17Saray gawgawa lapud panangasi tan panangaro et mansiansia ran anggad angga.Saray Gayaga na Bilay
18Say inkayaman odino say anapan et makapagayagad bilay, balet magmaung niy makakotkot na kayamanan.
19Ag nalingwanan so ngaran na sakey a too no wala ray anak to odino no mangipaalagey na sakey a siudad, balet magmaung nin polaing so pakalmo na Kakabatan.
Magmaliw kan bantug no wala ray ayayep tan saray tanaman mo, balet magmaung niy walay asawan inarom.
20Napagmaliw kan maliket na alak tan musika, balet magmaung niy maliket a panamaley.
21Marakep a musika so nagawaan na saray plauta tan saray arpa, balet magmaung ni so maung a bosis.
22Say marakey a kagagalaw tan ganggana et makapaliket ed mata, balet ag da naparaan so liket ya iiter na balon tubo no kasumpal na nepnep.
23Anggapoy makapoy a nasagmak mo no kaibam so maung a kaaro odino kaabay, balet magmaung ni nen saraya so maotek ya asawan bii.
24Maung so wala ray agagin lalaki tan saray katulong no panaon na gunigon, balet dakel ni so nitulong na kagagawan mangiter ed saray mairap-bilay.
25Makapangyarawid kaatapan so balituk tan pilak, balet magmaung ni so maung a simbawa.
26Makapangiter na talek so kayamanan tan biskeg, balet baleg nin talek so niiter na takot ed Katawan. Anggapo lay arum a nakaukolan mo no tatakotan moy Katawan; saya labat so nakaukolan mon tulong.
27Say takot ed Katawan et singa sakey a mabonan tanamanan na saray bindision; ag mo la nakaukolan so arum nin mapagalang a panayaman.
Pipapayabol28Anak, ag ka mambibilay a sakey a mipapayabol; magmaung niy ompatey nen say mipayabol.
29No nepeg mon kerewen ed arum a too so pambilay mo, ag ka mambibilay na sikan dili. Dodotakan moy sikan dili diad pangawat mod arum a totoo na kakanen. Say pipapayabol et panamairap ed kamarerwa na sakey a toon walay kalakal.
30Nayarian ya ibaga na toon anggapoy baing a marakep so pipapayabol, balet singa walay ompopool ed dalem na laman to.
Who We AreWhat We EelieveWhat We Do
2025 by iamachristian.org,Inc All rights reserved.
