1Say Katawan kuanto, Totood Israel, no labay yoy mampatauli, pawil kayod siak. No ekalen yo ray talintaon kabosul ko, tan magmaliw kayon matoor ed siak.
2Diad satan, matwa, matonung, tan maptek so pansamba yo ed ngaran ko. Insan kerewen na amin a bansa a bindisionan ko ra, tan dayewen da ak.
3Say Katawan kuantod saray totood Juda tan Jerusalem, Baka yo ray ag ni abakan kaalogan yo; ag yo isisibwag ed kasabitan iray bini yo.
4Toor yoy impisipanan yod siak a Katawan yo, tan isaklang yoy sikayon dili ed siak, sikayo ran totood Juda tan Jerusalem. No ag yo tooren, ondalang a singa apoy so pasnuk ko, lapud saray kaogsan a ginawa yo. Ondalang, et anggapoy makaerep.
Nalooban so Juda5Paknul yod intiron dalin na Juda so trumpita!
Eyag kayoy maksil tan malinew!
Ibaga yod saray totood Juda tan Jerusalem
ya ombatik irad saray siudad ya aliber na padir.
6Itoro yoy dalan ya ompogtad Sion!
Batik kayod pasen ya arawid kaatapan! Ag kayo la manaabala!
Say Katawan mangipasabi na segsegang
tan baleg a deral a manlapud baybay.
7Singa lion a manlalapud amutan ton pasen;
say managderal na saray bansa et akaparaan la.
Onsasabin maneral ed Juda.
Naderal-deral iray siudad na Juda,
anggapoy natilak a manayam ed sikara.
8Kanyan mansolung kayoy sako, mannangis tan manermen kayo,
lapud ag nakal ed Juda so ontan lan sanuk na Katawan.
9Inkuan na Katawan, Diad satan ya agew naekalan na biskeg na linawa iray arari tan saray opisyal; natalagnaw iray papari tan nikelawan iray propita.
10Insan inkuanko, Katawan a Dios sigput mon pinalikdo ray totood Jerusalem! Imbagam a kareenan so niwalad saray totoo, anta manaya akatotub ed sikaray ispada.
11Onsabiy panaon a nibagad saray totood Israel a say makasinit a dagem a manlalapud kabueran et onsibuk ed saray totoo na Katawan. Ag onsibuk a singa dagem a mangipapalir na trigo
12say dagem ya onsibuk onung ed ganggan na Katawan et mabiskeg a tuloy! Say Katawan a dili so manisintinsia ed saray totoo to.
Aliktub na saray Kalaban so Juda13Nengneng yo, onsasabin singa lorem so kalaban. Singa alimbusabos iray karwahi to; mabatik nen saray agila iray kabayo to. Pangaskasiyan iti la! Aderal itayo la!
14Jerusalem, ekalan moy kaogsan so pusom, pian nagamuran moy kilalaban. Kapigan mangangga so pannununot moy kaogsan?
15Saray ibabaki a nanlapud dalin na Dan tan nanlapud kapokdulan na Efraim, ibabawag day maoges a balita.
16Diad pamasakbay dad saray bansa tan pangibaga rad Jerusalem ibawag da, Onsasabi ray kalaban a nanlapud sakey ya arawin bansa. Mambando ra sumpad saray siudad na Juda,
17liktuben day Jerusalem a singa lalakin babantayan day sakey ya alog lapud sinmumpad Katawan iray totoo to. Say Katawan so nansalita.
18Juda, sika met ni lamlamang so nanlapwan ed saya lapud impanbilay mo tan lapud saray ginagawam. Say kasalanan mo so makasengeg ed sayan kairapan; tinoruk ton tinalus so pusom.
Nanermen si Jeremias lapud saray Totoo to19Ag ko la nayarian ya itepel yan sakit! Say panotut!
Mampokal a maung so pusok! Say pusok!
Ag ak makareen;
Narerengel koy tanul na saray trumpita,
tan say eyag na bakal.
20Mantotombukan so nagagawan panagderal;
aderal-deral so intiron bansa.
Biglan aderal iray tuldak;
apilat-pilat iray kurtina ra.
21Kapigan mangangga so nepeg kon pangimatun ed sulit na bakal
tan say pandengel koy tanul na trumpita?
22Say Katawan kuanto, Anggapoy kalakal iray totook;
ag da ak kabat.
Singa ra ogogaw ya anggapoy kalakal;
anggapoy pakatalus da.
Marunong iran manggaway kaogsan,
balet ag da amtay manggaway kamaungan.
Nipasingayew ed kinen Jeremias so Onsasabin Deral23Ninmengneng ak ed mundoanggapoy nengneng odino kakanaan to;
tinmangay ak ed tawenanggapoy liwawa.
24Binantag ko ray kapalandeyannayeyegyeg ira,
tan saray kapokdulan mambabayes ira.
25Anengneng kon anggapo ray totoo;
tan anggan saray manok tinmitikyab irad arawi.
26Say mataban dalin nagmaliw a kabueran;
aderal-deral iray siudad to,
lapud ontan lan petang na olo na Katawan.
27(Imbaga na Katawan a magmaliw ya andi-kakanaan so intiron mundo, balet ag to deralen a sigput.)
28Manermen so dalin;
ombilonget so tawen.
Say Katawan so nansalita
tan ag mansalat na kanunotan to.
Nanggetma la so Katawan
tan ag to la ya babawien.
29Diad ingal da ray kumakabayo tan saray pumapana,
ombatik ya ontaynan so balang sakey a too.
Ombatik ed takel iray arum;
ombatik ed kawalaan da ray ankakabaleg a bato iray arum.
Nataynan so balang baley,
tan anggapoy toon manayam lamet ed sikara.
30Jerusalem, pangaskasiyan ka!
Akin et akakawes kay ambalbalanga?
Akin et manaalahas ka tan akapinta na pampaganggana iray matam?
Andi-kakanaan lay pampapagangganam!
Impolisay ka la na saray kainarowan mo
tan labay da kan pateyen.
31Akadngel ak na akis na singa biin mampapasakit lan mananak,
eyag na sakey a biin mangibubuknak na pangulowan ton anak.
Akis na Jerusalem ya abot-aboten toy linawa to,
iyoonat toy lima to tan kuanto,
Pangaskasiyan ak!
Onsasabi la ran mamatey ed siak!
Who We AreWhat We EelieveWhat We Do
2025 by iamachristian.org,Inc All rights reserved.
