1Pangaskasiyan iray onlan patulongan ed Egipto! Manmamatalek ira ed mabiskeg tan dakerakel a sondalo, kabayo, tan karwahi na Egipto. Balet ag ira manmamatalek ed Katawan a masanton Dios na Israel odino onkekerew na tulong ed sikato.
2Amta na Katawan so gagawaen to! Mangyaakar na deral. Susumpalen to so sinalita to a dusaen iray maoges a totoo tan saray mangyaagel ed sikara.
3Aliwan Dios iray taga Egiptototoo ra labat. Aliwan makapanyari iray kabayo ra. No onggalaw so Katawan, natumba so mabiskeg a bansa tan say tinulongan ton makapoy a bansa. Naderal iran dua.
4Inkuan na Katawan ed siak, Anggan panon so paningal tan paneyag na saray pastol, ag da napatakot so lion pian arawian toy pinatey ton ayep; ontan met, anggapoy makabanod siak ed pangyagel kod Palandey na Sion, siak a Katawan a Makapanyarin-amin.
5No panoy pambabantay na manok ed tagey ed obung to pian niagel to ray sibong to, ontan met so pankawanan tan pangyagel kod Jerusalem.
6Inkuan na Dios, Totood Israel, nankasalanan tan linmaban kayod siak. Balet pawil kayo la natan ed siak!
7Onsabiy panaon ya amin yo et ibantak yo ray makapakasalanan a talintaon ginagawa yod pilak tan balituk.
8Naderal ed bakal so Asiria, balet aliwan diad panamegley na pakayariy too. Ibatikan na saray taga Asiria so bakalan tan naaripen iray tobun-balo ra.
9Ombatik ed takot so ari ra, tan diad gaway kataktakot na saray opisyal, ibatikan da ray bandira rad bakal. Say Katawan so nansalitasay Katawan a nagagalang ed Jerusalem tan diman mandarlang so apoy to a pampopool ed saray bagat.
Who We AreWhat We EelieveWhat We Do
2025 by iamachristian.org,Inc All rights reserved.
