JOSUE 15 - Maung a Balita Biblia (PnPV)(PnPV)

Say Dalin a Nipabetang ed Juda

1Saray pamilya na tribu nen Juda naawat day onggendan a parti na dalin:

Sakop na dalin da so anggad sankaarawian a pasen ed abalaten na kalawakan na Zin, diad ketegan na Edom.

2Sayan ketegan ed bandad abalaten et onggapod samput na Inatey a Dayat,

3tan mampaabalaten a manlapud Dalan na Akrabim tan ontuloy ya anggad Zin. Ondalan ed abalaten na Cades-barnea, labasan toy Hezron tan ontuloy ed Adar, insan onlikod Karka,

4ondalan ed Azmon, tan tontonen toy kolus a walad ketegan na Egipto tan talusen toy Dayat na Mediteraneo a sikatoy pansamputan na ketegan. Sikato yay ketegan na Juda ed bandad abalaten.

5Say ketegan ed bandad bokig et say Dayat ya Inatey ya anggad sabangan na Ilog na Jordan.

Say ketegan ed bandad baybay et manlapud man

6ya ontuloy ya anggad Bet-hogla, tan nadalan toy baybay na Bet-araba. Insan mampatatdang ed Bato na Bohan (si Bohan et lakin anak nen Ruben),

7manlapud Patar na Acor ya anggad Debir, insan onlikod baybay a mamaarap ed Gilgal ya akaarap ed Dalan na Adumim diad abalaten a dapag na patar. Manlapu dia ontuloy ed saray sobul na En-semes, insan diad En-rogel,

8tan mampatatdang ed Patar na Hinom diad niabalaten a dapag na pokdul a kawalaan na Jerusalem a siudad na saray Jebuseo. Say ketegan ontuloy ya anggad toktok na pokdul ed nisagur a dapag na Patar na Hinom, diad nibaybay a samput na Patar na Refaim.

9Manlapud man ontalus ed saray Sobul na Neftoa tan diad saray siudad ya asingger ed Palandey na Efron. Manlapud man onlikon mamaarap ed Baala (odino Kiryat-jearim),

10a diman onsaliberber ed sagur na Baala a mamaarap ed nipokdul a dalin na Edom, insan ontuloy ed nibaybay a dapag na Palandey na Jearim (odino Kesalon), insan mampalasur ed Bet-semes tan ondalan ed Timna.

11Ontuloy so ketegan ed pokdul a nibaybay na Ecron, onlikon mamaarap ed Sikeron, insan ondalan ed Palandey na Baala, tan ontuloy ed Jamnia. Say ketegan mansamput ed Dayat na Mediteraneo,

12a sikatoy ketegan ed bandad sagur.

Diad loob na sarayan ketegan nanayam iray totoo a kabyangan na saray pamilya nen Juda.

Adakep nen Caleb so Hebron tan Debir(Huis 1:11-15)

13Onung na ingganggan na Katawan ed kinen Josue, niiter so parti na dalin na Juda ed kinen Caleb a lakin anak nen Jefone tan kabyangay tribu nen Juda. Naawat to so Hebron, say siudad a kayaryan nen Arba ya ama nen Anak.

14Pinataynan nen Caleb iray kabyangay boleg nen Anaksaray boleg di Sesai, Ahiman, tan Talmai.

15Manlapud man linmay Caleb ed Debir tan dinogpaan to ray totoon manaayam diman. (Nen saman sayan siudad tatawagen a Kiryat-sefer.)

16Inkuanen Caleb, Paasawak si anak kon Acsa ed lakin makadakep ed Kiryat-sefer.

17Si Otniel, a lakin anak nen Kenaz a lakin agi nen Caleb, so akadakep ed samay siudad, kanyan impaasawa nen Caleb ed sikato si Acsa ya anak to.

18Diad agew na kasal da, imbaga nen Otniel ed kinen asawa to a mikerew ed kinen ama to na sakey ya alog. Inmepas ed asno imay asawa nen Otniel, tan tinepet nen Caleb no anto so labay to.

19Inmebat, Itdan yo ak pa na dalin a kawalaan na sobul. Amaga may inter yod siak a dalin. Kanyan inter nen Caleb ed sikato iray niatagey tan niabeban sobul.

Saray Siudad nen Juda

20Sikato ya so dalin a naawat na saray pamilyay tribu nen Juda.

21Saray siudad a wala rad bandad abalaten a kayaryan da, ya asingger irad ketegan na Edom, et saraya: Cabseel, Eder, Jagur,

22Cina, Dimona, Adada,

23Kedes, Hazor, Itnan,

24Zif, Telem, Bealot,

25Hazor-hadata, Keryot-hezron (odino Hazor),

26Amam, Sema, Molada,

27Hazar-gada, Hesmon, Bet-pelet,

28Hazar-sual, Beer-seba, Bizjoteya,

29Baala, Iyim, Ezem,

30Eltolad, Cesil, Horma,

31Siclag, Madmana, Sansana,

32Lebaot, Silhim, Ayin, tan Rimon; duamplo tan siam iran amin a siudad, a pati saray baleg ed kaliber-liber da.

33Saray siudad ed saray alusadsar et saraya: Estaol, Zora, Asena,

34Zanoa, En-ganim, Tapua, Enam,

35Jarmut, Adullam, Soco, Azeka,

36Saaraim, Aditaim, Gedera, tan Gederotaim; labinapat iran amin a siudad, a pati saray baley ed kaliber-liber da.

37Siudad da met ni ra yay onggendan: Zenan, Hadasa, Migdal-gad,

38Dilan, Mizpa, Jocteel,

39Lakis, Bozcat, Eglon,

40Cabon, Lakmam, Kitlis,

41Gederot, Bet-dagon, Naama, tan Maceda; labinanem iran amin a siudad, a pati saray baley ed kaliber-liber da.

42Wala met ni ra yan siudad da: Libna, Eter, Asan,

43Ifta, Asena, Nezib,

44Ceila, Aczib, Maresa; siamiran siudad iran amin a pati saray baley ed kaliber-liber da.

45Wala met so siudad dan Ecron a pati saray baley tan saray bario to,

46tan amin da ray siudad tan saray baley ya asingger ed Asdod, manlapud Ecron ya anggad Dayat na Mediteraneo.

47Wala met ni ra so siudad dan Asdod tan Gaza, a pati saray baley tan saray bario ra, a nasabi ra so kolus ed ketegan na Egipto tan say gilig na Dayat na Mediteraneo.

48Diad kapokdulan iran dalin saraya so siudad da: Samir, Jatir, Soco,

49Dana, Kiryat-sefer (odino Debir),

50Anab, Estemoa, Anim,

51Gosen, Holon, tan Gilo; labinsakey a siudad iran amin, a pati saray baley a kaliber-liber da.

52Siudad da met iray onggendan: Arab, Duma, Esan,

53Janim, Bet-tapua, Afeca,

54Humta, Hebron, Sior; siamiran siudad iran amin a pati saray baley ed kaliber-liber da.

55Siudad da met ni ray onggendan: Maon, Carmelo, Zif, Juta,

56Jezreel, Jocdeam, Zanoa,

57Cain, Gabaa, tan Timna; samplora a siudad iran amin, a pati saray baley ed kaliber-liber da.

58Wala met ni ra yan siudad da: Halhul, Bet-sur, Gedor,

59Mearat, Bet-anot, tan Eltecon; anemiran siudad iran amin, a pati saray baley ed kaliber-liber da.

60Siudad da met ni ray onggendan: Kiryat-baal (odino Kiryat-jearim) tan Rabba; duara ran siudad, a pati saray baley ed kaliber-liber da.

61Diad kalawakan saraya so siudad da: Bet-araba, Midin, Secaca,

62Nibsan, Siudad ya Asin, tan En-gadi; anemiran siudad iran amin, a pati saray baley ed kaliber-liber da.

63Balet saray totood Juda ag da ayarian a pinataynan iray Jebuseo a manaayam ed Jerusalem. Manaayam ni rad man a kaiba da ray totood Juda.