1Balet doma so toon iyaapasakey toy sikaton dili ed panaaral na Ganggan na Sankatageyan. Aaralen to so kakabatan da ray amin a sumusulat nen saman a panaon tan sosokimaten toy nipaakar ed saray propisiya.
2Ipapatlep to ray balikas na saray bantug a lalaki, tan marunong ed panangipatalus na saray alimbawa.
3Aaralen toy niamut a kabaliksan na saray probirbio tan nayarian toy misangsangan nipaakar ed saray ag amtan talus na saray alimbawa.
4Kekerewen na saray matalonggaring a totoo so panaglingkur to, tan sikatoy nanenengneng a kaiba to ray manoley. Oonla ed saray arum a bansa diad pilalek ton mangamta na nipaakar ed kamaungan tan say kaogsan na too.
5Ogali to so ombangon a masakbay tan mampikasi na maksil ed Katawan a Manamalsa to; kekerewen tod Sankatageyan a napirdona ray kasalanan to.
6Insan no maabuloy so matalonggaring a Katawan, sikatoy napano na pakatalus. Pantotombukan ton ibagay balikas na kakabatan, tan mangiter na pisasalamat ed Katawan diad pampikasi to.
7Nawalaan na pakatalus ya inagnag to tan maung a simbawa ya iter to, tan say pakaamtad saray iyaamut na Katawan.
8Ipanengneng toy aral to diad pambabangat to, tan ikinon to so Ganggan na Katawan tan say sipanan to.
9Nadayew na amayamay a totoo lapud kakabatan to, tan ag ton balut nabalang yan kakabatan to, ta sikatoy ag nalingwanan na saray totood arapen a kailalakan.
10Tongtongen na saray Hintil so nipaakar ed kakabatan to, tan maksil so pakaidayew ed sikato diad tipon da ray totoo.
11No andokey so bilay to, ompatey a bantug, balet no nipompon kasakbayan ya ombantug, napenek la.
Sakey ya Imnon Pangidayew ed Dios12Singa say bulan, napno aknapno na arum ni ran kanunotan a sasangsangen.
13Dengel yo ak, sikayon matoor ya anak kon lalaki, tan manrosas kayon singa ros ed abay na kolus.
14Manrosas kayon singa lirio, tan ibuyak yoy balingit yo a singa insinso ed dagem. Kantaan yoy dayew so Katawan, tan pisalamatan yo lapud amin a ginagawa to.
15Ibawag yo so kagalangan to a katekep na dayew na pisasalamat! Legan a totogtogen so arpa, kanta yo yan kansion:
16Maumaung ya amin iray ginagawa na Katawan;
magano la odino mabayag ni, nagawan amin iray igaganggan na Katawan.
17Anggapoy nepeg a manepet na nipaakar ed kipapasen na saray bengatla;
naebatan ira yan tepet diad dugan panaon.
Nagganggan, et binmunton so danum;
Inmalagey iray baleg a padir na danum nen nansalita.
18Tampol a nagawa so antokaman ya igaganggan to;
anggapoy anggaan na pakayari ton mangilaban.
19Sankanengneng toy amin a gagawaen na amin a totoo;
anggapoy polaing a pakaamut ed pakanengneng to.
20Sankanengneng toy amin a panaon, manlapud gapo ya anggad samput,
tan anggapoy makabigla ed sikato.
21Anggapoy nepeg a manepet na nipaakar ed kipapasen na saray bengatla;
walay getma na balang bengatlan pinalsa.
22Saray bindision to manlepwas a singa Ilog na Nilo,
a pabobonaen toy mundo diad panamegley na mataban delap.
23Pagmamaliwen ton maasin so masamit a danum,
tan iteterak tod saray bansa so pasnuk to.
24Para saray totoon walay takot ed Katawan,
para saray totoon maoges, apatitan ira.
25Manlapud gapo ginawa to ray maung a bengatla para saray totoon maung,
tan makapasinagem a bengatla para saray makasalanan.
26Saray manonan nakaukolan ed panagbilay et saraya:
danum, apoy, balatyang, tan asin,
arina, dilo, tan gatas,
alak, kawes, tan larak.
27Maung ira yan amin para saray walay takot ed Katawan,
balet magmamaliw iran maoges para saray makasalanan.
28Wala ray dagem a pinalsan mangiter na dusa,
a diad kinabiskeg da et yegyegen da ray kapalandeyan.
No panaon na panagsintinsia, ibolus day biskeg da
tan pakepaen day pasnuk na manamalsa ra.
29-30Saray ayayep ed katakelan, saray alakdan, tan saray oleg;
say ispadan mamatey ed saray totoon maoges;
pool, oran a kristal, eras, tan salot; apalsan panusa ira yan amin.
31Maliket iran mangonur ed ganggan na Katawan
tan akaparaan iran manlingkur ed sikato diad tapew na dalin.
No onsabiy oras dan manlingkur, ag iran balut onsusunggay.
(
32Abayag ak lan manisia ed saya, kanyan kayarik a minotektek, insulat ko.)
33Maung ya amin so ginawa na Katawan;
iiter toy amin a nakaukolan no manepeg a panaon.
34Anggapoy makapangibagan makapoy ni ray arum a bengatla nen saray arum,
ta maung so balang sakey a pinalsa ed kanepegan ton pasen.
35Natan sirin, mankanta kayo ed intiron puso yo na saray dayew,
tan idayew yo so ngaran na Katawan!
Who We AreWhat We EelieveWhat We Do
2025 by iamachristian.org,Inc All rights reserved.
