1[1] Taloy agew a nampikasi si Riyna Ester. Insan inekal toy akasolung a kawes to tan impales to lamet imay marakerap a kawes to.
2-3[2-3] Nen akasolung la na kawes na riyna, nampikasi lamet ed Dios tan manangilaban to, a nanenengneng toy amin a bengatla. Tinaynan toy kuarto tan nanakar a singa riyna a sankaantabay na duaran bibiin aripen to; say sakey intabin tod taklay, tan
4[4] say sakey sankabembenan toy andokey a saloy na kawes to.
5[5] Amusyak ed ganggana so lupa nen Riyna Ester. Malikeliket so nengneng to a singa say inkaganggana to, balet napno so puso to na takot.
6[6] Dinmalan ed amin da ray puirta tan linmoob ed kuarton kawalaay trono, a diman akiarapan ed ari. Akayorung ed trono na ari si Asuero, tan akasolung na mapagalang a kawes to ya apeketan na saray balituk tan pilak ya alahas. Makapakelaw so nengneng to.
7[7] Maliwliwa so lupa na ari, balet nen anengneng toy Ester, minoldagatan to tan mapalaloy pasnuk to. Kinmapoy si Ester tan pinmotiy bosaleg to. Kinmapoy tan pinmosasaw so nengneng to; ngalngalin nakalay liknaan, kanyan insaral toy olo to ed takeb na samay katulong to.
8[8] Balet inoman na Dios so pasnuk na ari; impagmaliw tom maaron abagey. Inmalagey a tampol ed trono to tan pinasaral tod saray taklay to si Ester ya anggad nayarian to lay onalagey. Pinareen na ari so liknaan nen Ester diad panamegley na saray makaligliwan salita.
9[9] Inkuanto, Anto man, Ester? Siak so asawam. Ag ka nepeg ya ontakot.
10[10] Saray karaklan a totoo labat so kikanaan na ganggan tayo; ag ka napatey.
11[11] Singger kad siak.
12[12] Inatagey na ari so balituk a sitro to tan indiwit to ed beklew nen Ester. Insan to inanguban tan kuanto, Ibagam no antoy labay mo.
13[13] Inmebat so riyna, Nen ninengneng ta ka, katawan ko, abaloan kon onnenengneng ak ed sakay ya anghil na Dios tan antalagnaw ak na ontan lan kagalangan mo.
14[14] Makapakelaw kan tuloy tan napno na panangasi so lupam.
15[15] Balet nen mansasalita si Ester, nakalan lamet na liknaan.
16[16] Mapagad sikato so ari, tan ginawa na amin da ray katulong na ari so polaing a mamapawil ed liknaan nen Ester.
Who We AreWhat We EelieveWhat We Do
2025 by iamachristian.org,Inc All rights reserved.
