Salmo 93 - Maung a Balita Biblia (PnPV)(PnPV)

Say Dios Ya Ari

1Ari so Katawan.

Akawesan na kagalangan tan abalkesan na biskeg.

Niletneg a malmalet so mundo

kanyan ag balut nagiing.

2Manlapud gapoy gapo malet a niletneg so tronom, O Katawan,

tan wala ka la kasakbayan na inkiwalay panaon.

3Onuungol la ray dalem na dayat, O Katawan;

makmaknul la ra tan manungol ira.

4Manaarid tawen so Katawan,

matalonggaring ni nen say ungol na dayat

tan makapanyari ni nen saray daluyon.

5Magnayon iray ganggan mo, Katawan,

tan tuan masanto so Timplom

ya anggad angga.