1Leweten a naynay na ama so inaro ton anak a laki, pian nikinon to naani.
2No apetek so anak a laki, wala so kakanaan to, tan nikinon na ama to ed saray kakaaro to.
3Say aman maung so pangiwanwan tod anak ton laki et ag to labat nikinon ed saray kakaaro to so anak to, no ag ingen napaibeg to met iray kalaban to.
4-5Legan a mabilay so ama pakaliliketan toy pakanengneng tod anak ton laki, tan no ompatey, anggapoy pagbabawian to. Anggan inatey la, singa mabilay ni lapud kapara to so anak to.
6Walay nitilak ton ombawi ed saray kalaban to tan ombales na kamaungan ed saray kakaaro ton akautangan toy maung a linawa.
7Balet say lakin deralen toy anak ton laki et nepeg ton berberen iray sugat to. Ontonda so paruk na puso to, kapag narengel toy eyag.
8Magmaliw a mabanos so kabayon ag apaamo; ontan met so anak a lakin ag apetek.
9No iter moy amin a labay na anak mo tan migalaw kad sikato, sikatoy magmaliw a pakotaktakotan tan pakaermenan mo.
10Mielek kad sikato natan, et onsabiy agew ya akisan mo tan manngilet kad pagbabawim.
11Ag mo iitdan na kawayangan no ogaw ni, tan ag mo papalabasen no manggaway makapoy.
12Lewet mo no ogaw ni, tan patoluk mon galangen toy pakaoley mo. No ag mo patoluken, magmaliw ya anawet so olo to tan aliwan maonur tan kaermenan mo labat so iter to.
13Kanyan petek moy lakin anak mo tan itdan moy kimey a gawaen to, ta no andi sikatoy mangiter labat na pakabaingan mo.
14Magmaung nin mairap so bilay mo a mabiskeg ka tan maung so laman mo nen say mayaman ka a maletey so laman mo.
15Mabli ni nen say balituk tan alahas so mabiskeg tan maung a laman tan maliket a liknaan.
16Anggapoy arum a bengatlan makapayaman ed sika odino makaiter ed sikay babaleg a liket likud ed sarayan dua.
17Magmaung niy ompatey la, ta akaogip ka lan andi-angga nen say mambilay a pangaskasid ag onabig a sakit.
18Anggapoy kabaliksan na sankaabigan a kakanen no ag mo lamlamang naakan lapud sakit mo; maung nin iyapay lad sakey a talintaoy dios.
19Balet anggapoy kakanaan na pangyapay na kakanen ed sakey a talintaoy dios, ta ag to lamlamang naakan odino naangub. Mipara met ed sakey a toon pinasakitan na Katawan.
20Onnengneng ed kakanen to tan oniingas na aralem; singa lakin kapun a lalakapen toy sakey a bii.
Gayaga tan Ermen21Ag mo gagalaen a pairapey sikan dili diad panamegley na panermen moy mapalalo.
22Say liket mampaparokey na bilay tan mangiiter na kabaliksan na bilay.
23Pagayagam so sikan dili tan manliket ka; ag ka mapaga lawas. Anggapoy kamaungan ya iter tod siopaman so kapagaan, tan dakel la ray dineral to.
24Magano kan patakkenen na kapagaan. Patikeyen na imon tan pasnuk so bilay mo.
25Say toon maliket tan maung so kagagawa to masamit so panangan to tan panliketan toy kakanen to.
Who We AreWhat We EelieveWhat We Do
2025 by iamachristian.org,Inc All rights reserved.
