1Dengel kayod siak, sikayon arawin bansa,
sikayon totoon manaayam ed arawin lugar!
Kasakbayan na inkianak ko, pinili ak la na Katawan
tan tinoro to ak a magmaliw ya aripen to.
2Ginawa ton singa matdem ya ispada iray salitak.
Inyagel to ak na dilin lima to.
Ginawa to ak a singa sakey a panan
matdem tan sipaparaan ya ikana.
3Inkuantod siak, Israel, sikay aripen ko;
lapud sika, idayew ak na saray totoo.
4Inkuanko, Nankimey ak, et anggapoy kabaliksan so impansagput ko!
Inoput koy amin a biskeg ko, balet anggapoy agawaan ko.
Anggaman ontan napanmatalkan koy Katawan a mangyaalagey na kanepegan ko:
tumangan to ak lapud saray gagawaen ko.
5Kasakbayan na inkianak ko, tinoro ak la na Katawan;
ginawa to ak ya aripen to a mamapawil ed saray totoo to,
a mamapawil ed saray ataytayak a totood Israel.
Say Katawan iitdan to ak na kagalangan;
sikatoy panlalapwan na biskeg ko.
6Say Katawan inkuantod siak,
Walay babaleg a kimey a pagawak ed sika ya aripen ko,
ag ko labat paipawil ed sika so inkatalonggaring na saray
totood Israel ya akapaliis ed patey,
no ag ingen gawaen ta ka met a sakey a silew ed saray bansa
pian nilaban iray amin a katoowan ed tapew na dalin.
7Say masanton Dios tan manangilaban na Israel kuanto
ed bansan mapalaloy kababalaw to,
a kabosul na saray bansa
tan aripen na saray manoley:
Saray arari nanengneng dan nibolus ka
tan onalagey ira diad pamagalang da;
nanengneng met na saray prinsipi so kabolus mo
tan ondakmomo ra diad pangigalang dad sika.
Nagawa ya lapud say Katawan
pinili toy aripen to;
say masanton Dios na Israel susumpalen to ray sipan to.
Say Kipaalagey lamet na Jerusalem8Say Katawan kuantod saray totoo to,
No onsabiy panaon na pangilaban kod
sikayo, ipatnag kod siyayoy maung a linawak
tan ebatan koy ikekerew yoy tulong.
Bantayan tan iyagel ta kayo
tan diad panamegley yo misipanan ak ed amin a katoowan.
Panayamen ta kayo lamet ed dalin yo
a natan et anggapoy kabaliksan to.
9Ikuankod saray priso, Laka kayo la!
tan diad saray walad kabilongetan ikuanko,
Paway kayo lad liwawa!
Magmaliw iran singa saray karniro
a mankakabkab ed kapokdulan;
10ag iran balut naerasan odino naapgaan.
Ag ira napasakitan na petang na agew tan makasinit a dagem,
ta iwanwan ira na samay maarod sikara.
Iwanwan to rad abay na sobul na danum.
11Manggawa ak na maawang a dalan ya ombeltang ed kapalandeyan
tan iparaan koy dalan a panakaran na saray totook.
12Manlapud arawin dalin iray totook.
Manlapu rad baybay tan diad sagur,
tan manlapu rad Aswan diad abalaten.
13Mankanta kayo, sikayon katawenan! Eyag kad liket, sikan mundo.
Maksil a mankanta komun iray kapalandeyan!
Ligliwaen na Katawan iray totoo to;
kasian to ray totoon maniirap.
14Balet inkuan na saray totood Jerusalem,
Inkaindan itayo na Katawan! Alingwanan to tayo.
15Kanyan say Katawan oneebat,
Nalingwanan ta na ina so mansususon anak to
tan ag to aroen so ogaw ya inyanak to?
Anggan nalingwanan na ina so anak to,
siak ag ta kayon balut nalingwanan.
16Jesusalem, ag ta kan balut nalingwanan!
Insulat kod saray dakolap ko so ngaran mo.
17Magano lan onsabi ray mangipaalagey lamet ed sika,
tan ontaynan iray nanderal ed sika.
18Nengneng kad liber-liber ta imanom no antoy nagagawa!
Mantitipon iray totoomonsesempet la ra!
No panon ya anggapoy duaruwa a siak so mabilay a Dios,
ontan met a nikinon mo ray totoom;
nikinon mo ran singa pangikinon na nubia ed saray alahas to.
19Aderal tan apaolyan so bansam
balet natan magmaliw lan melmelag
a panayaman na saray onsasabin totoo.
Et napataynan ed arawi
ira may nanderal ed sika.
20Saray totoom a nianak ed akabantakan dan dalin
et ikuandad sika,
Melag yan dalin
nakaukolan tayo niy arum a panayaman!
21Insan mo ibaga satan ed sikan dili,
Siopay angyanak ed sarayan anak a para siak?
Abalang ko ray anak ko tan ag ak la makaanak.
Nibantak tan apataynan ak ed arawin dalin
siopay amabaleg ed sarayan anak?
Atilak ak a bukbukor
iner so nanlapwan na sarayan anak?
22Say Katawan a Dios kuantod saray totoo to:
Sinsayan ko ray bansa
et pasempeten da ray anak yo.
23Magmaliw a singa ama yo iray arari;
magmaliw a singa ina yo iray riyna.
Ondakmomo rad sikayo tan igalang da kayo;
mapaabeba ran mangigalang ed sikayo.
Naamtaan yod satan a siak so Katawan;
ag nabaingan so siopaman a toon manalagar na tulong ko.
24Nibatik yo kasiy asamsam na sakey a sondalo?
Niagel yo kasi ray priso na sakey a maruksan too?
25Say Katawan kuanto,
Ontan so nagawa.
Nibatik iray priso na sondalo
tan naala so asamsam na maruksan too.
Labanan koy siopaman ya onlaban ed sikayo,
tan iyagel ko ray anak yo.
26Pagmaliwen kon mampapateyan iray mamapairap ed sikayo;
nabuek irad pampatey na too.
Diad satan naamtaan na amin a katoowan a siak so Katawan,
say Mananondon tan Manangilaban yo.
Naamtaan da a siak so makapanyarin Dios na Israel.
Who We AreWhat We EelieveWhat We Do
2025 by iamachristian.org,Inc All rights reserved.
