1Jerusalem, mampabiskeg ka tan mampatalonggaring ka lamet!
Masanton siudad na Dios, kawesan moy sikan dili na kagalangan!
Ag lan balut looban na saray pagano iray puirtam.
2Pokpokan moy dabuk ed sikan dili, O Jerusalem!
Bangon kad dabuk tan yorung kad tronom!
Okbar yoy golungolung ya akasinger ed sikayo,
sikayon adakep a totood Sion!
3Say Katawan a Dios kuantod saray totoo to, Nen nagmaliw kayon aripen, anggapoy kuartan imbayar; ontan met anggapoy kuartan ibayar diad panondon ed sikayo.
4Nen linma kayon nanayam a sangkaili ed Egipto, linma kayod dilin linawa yo; balet say Asiria inala to kayod pasootan tan anggapo so antokaman ya imbayar to.
5Natan say agawad sikayod Babilonia et singa samay agawa lad sikayo nen saman; aripen kayo, balet anggapoy antokaman ya imbayar. Saray manooley ed sikayo et mapaatagey tan malastug ira tan lawas dan ipapanengneng so ag da pangingalngalep ed siak.
6Onsabiy agew a birbiren yon siak so Dios tan siak so akisalita ed sikayo.
7Agaylay abig a nengnengen so
ibabaki ya onsasabin bebeltangen toy kapalandeyan
a taruk toy maung a balita, say balita na kareenan!
Ibabawag toy pananalo tan kuantod Sion,
Ari so Dios mo!
8Maneeyag iray mangguaguardiad siudad,
mambabansag iran oneeyag lapud liket.
Nanengneng dad dilin mata ra
so ipapawil na Katawan ed Sion.
9Ikasil yoy pankanta yo lapud liket,
sikayo ran deral-deral na Jerusalem!
Ta say Katawan iyagel toy siudad to tan ligliwaen to ray totoo to.
10Ikana na Katawan so masanton pakayari to;
ilaban to ray totoo to,
tan nanengneng ya na sankamundoan.
11Ag yo sasaewen a taynan so Babilonia,
amin yon umaawit na saray kagawaan na Timplo.
Ag yo didiwiten so antokaman a marotak onung ed ganggan;
pansiansia yon masanto so sikayon dili tan taynan kayo.
12Ag kayo natan nepeg ya ontaynan a magangganat;
ag yo ipapasen ya onlilimot kayon ontaynan.
Say Katawan a Dios yo so mangiwanwan ed sikayo
tan mangyagel ed sikayod amin a dapag.
Say Maniirap ya Aripen13Say Katawan kuanto,
Maung so kasumpalay kimey na aripen ko;
ontan lay kitanduro tan kigalang to.
14Amayamay iray atalagnaw nen anengneng day aripen ko;
asugat-sugat so intiron laman to kanyan singa aliwa lan tooy nengneng to.
15Balet natan amayamay a bansay mankelaw ed sikato,
tan diad pankelaw da ray arari ag ira makaskasel.
Nanengeng tan natalusan day ag da ni akabatan nen saman.
Who We AreWhat We EelieveWhat We Do
2025 by iamachristian.org,Inc All rights reserved.
