1Ag ka onsasaral ed kuarta a pagmaliwen to kan mambilay a kabukbukoran.
2Ag mo iisipen a nakaukolan a niwalad sikay amin a labay mo, insan ikanam ya amiy biskeg mo ed pakalam.
3Ag mo iisipen ya anggapoy toon makapanoley ed sika; no isipen moy ontan, andi-duaruwan dusaen ka na Katawan.
4Ag mo iisipen a nayarian moy mankasalanan, insan mo nibatikan; anggapoy walad Katawan so panalagar na panusa tod sika.
5Ag mo panmamatalkay panamirdona na Katawan, pian mankasalanan ka lan mankasalanan.
6Ag mo iisipen a diad kabaleg na panangasi to et pirdonaen to ray kasalanan mo anggan anto lay karakel da. Ipapanengneng toy panangasi to, balet ipapanengneng to met so ontan lan pasnuk to ed saray makasalanan.
7Ganatan moy ompawil ed Katawan. Ag mo iisipen a nikuntang mo lan nikuntang. Nayarin onsabid sikan bigla so pasnuk to, et ompatey ka a walad silong na pananusa to.
8Ag ka onsasaral ed kayamanan a nalad kasaolan; anggapoy nagawaan tod sikan kaabigan no agew na deral.
Say Inkatoor tan Panagadya ed Sikan Dili9-10Nakaukolan ya anggapoy duaruwa so nipaakar ed sisisiaen mo tan anggapoy pansusumlangan na ibabagam. Ag mo sasalien a paliketen so balang sakey a too odino abubonan moy ibabagay totoo.
11Nepeg ya akaparaan ka lawas ya ondengel, balet nunot mon maung so iyebat mo.
12Ebat ka labat no amtam so salitaen mo, tan mandeen ka no ag mo amtay ibagam.
13Say pansalita nayarin itdan to kay kagalangan odino ipelag tod kad kababaingan; nayarin deralen ka na ibabagam.
14Ag mo gagamuray inkabantug na sakey a managtalabutob, tan ag ka maniistoria na pakasakitan na saray totoo. No panoy pakapelag na saray matatakew ed kababaingan, ontan met so panlikna na saray matitila na ontan lan dusa.
15Ag ka manggagawa na antokaman a makaderal, importanti man odino andi,
Who We AreWhat We EelieveWhat We Do
2025 by iamachristian.org,Inc All rights reserved.
