1 Katawan, sika so Dios ko;
Igalang ta ka tan idayew koy ngaran mo.
Makapakelaw iray ginagawam a bengatla;
matoor mon sinumpal iray plano
ya abayag lan ninunot mo.
2Impagmaliw mon deral-deral iray siudad
tan inggegebam iray padir da.
Saray palasion impaalagey na saray kalaban mi
et anggad angga la ran naandipat.
3Saray totood makapanyarin bansa et idayew da ka;
takotan ka na saray totoo ed saray siudad da ray maruksan bansa.
4Sinmingger ed sika iray mairap-bilay tan saray walad pankaukolan,
et niarawi rad kaatapan ed panaoy gunigon.
Iitdan mo ray salimbeng no panaoy bagyo
tan say siruman no mapalaloy petang.
Saray maruksan totoo ondodogpa ran singa bagyo no panaoy ambetel,
5singa petang ed amagan pasen.
Balet sika, Katawan, pinatondam so ingal da ray kalaban mi;
patotondaen moy eyag da ray maruksan totoo,
a singa pamapabetel na lorem ed petang na kaagwan.
Mamparaan so Dios na Baleg a Ponsia6Diad Palandey na Sion say Katawan a Makapanyarin-amin et mangiparaan na baleg a ponsia a para saray bansa ed intiron mundosakey a ponsian sankananaman iray kakanen tan sankaabigan iray alak ya isaklang.
7Diad saya bigla ton ekalen so lorem na ermen a manatarung ed amin da ray bansa.
8Deralen Katawan a Dios ed ando lan ando so patey! Ponasen toy lua ed kamataan na balang sakey a too tan ekalen to so kababaingan ya inkaplagan na saray totoo to diad intiron mundo. Say Katawan a dili so nansalita.
9No nagawa la ya, say balang too ikuanto, Sikatoy Dios mi! Nanmatalek kami ed sikato, kanyan inyagel to kami. Sikato so Katawan! Nanmatalek kami ed sikato, et natan maliket tan magayaga kami lapud inyagel to kami.
Dusaen na Dios so Moab10Iyagel na Katawan so Palandey na Sion, balet nigatin iray totoo ed Moab a singa kigatin na dayami ed tai na ayep.
11Ikapay day lima ran singa ra onlangoy, balet say Dios paabebaen to ra; makapasinagem ya onlereg so lima ra.
12Deralen na Katawan iray tirinsira tan saray atatagey a padir na Moab tan igeba to rad dabuk.
Who We AreWhat We EelieveWhat We Do
2025 by iamachristian.org,Inc All rights reserved.
