1Si Josafat a lakin anak nen Asa so sinmalat a nanari. Pinabiskeg nen Josafat so kipapasen to sumpad Israel.
2Angipasen na saray sondalo ed saray aliber na padir a siudad na Juda, diad saray bario na Juda, tan diad saray siudad ya adakep nen Asa ed dalin na Efraim.
3Binindisionan na Katawan si Josafat, lapud inalig toy akaonan impanbilay nen ama to, tan ag to angigalang ed Baal.
4Nanlingkuran toy Dios nen ama to, inonur to ray ganggan na Dios, tan ag to nambilay na singa impanbibilay na saray ararid Israel.
5Pinabiskeg na Katawan so panooley nen Josafat ed nanarian na Juda, kanyan inyaakaran na saray totoo na saray rigalo. Minmayaman a mapalalo sirin tan daydayewen na saray totoo.
6Inkinon to so panaglingkur tod Katawan tan dinederal to ray paganon pasen a panangigalangan tan saray tanda na diosan Asera.
7Nen kumatlon taon na panooley nen Josafat, imbaki to ray onggendan ya opisyal, ta nambabangat irad saray siudad na Juda: Ben-hayil, Obadias, Zacarias, Natanael, tan Micaya.
8Inolup ira na saray onggendan a siamiran Levita: Semaias, Netanias, Zebadias, Asael, Semiramot, Jonatan, Adonias, Tobias, tan Tobadonias, tan saray duaran pari a di Elisama tan Joram.
9Inala ray libro na Ganggan na Katawan tan imbabangat da ray totoo ed amin a baley na Juda.
Say Inkatalonggaring nen Josafat10Say Katawan pinatakot ton mibakal ed kinen Josafat ya amin iray nanarian a walad kaliber-liber na Juda.
11Pigaran Filisteo so angyakar ed kinen Josafat na dakel a pilak tan arum iran rigalo. Pigara met ya Arabe so angyakar ed sikato na piton libo tan piton lasus a karniro tan piton libo tan piton lasus a kanding.
12Kanyan pinmalalo lan pinmalalo so pakayari nen Josafat. Diad intiron Juda nampapaalagey na saray ankakabaleg a tirinsira tan saray siudad
13a panangisempenan na saray amayamay ya abasto.
Angipasen ed Jerusalem si Josafat na saray matalonan opisyal.
14Impasen to ra onung na saray nanlapwan dan tribu. Si Adna so pangulo na saray sondalon nanlapud saray boleg nen Juda; talon lasus libo iray sondalon walad pakaoley to.
15Si Johanan so onkumadwad pakaoley; duan lasus walomplon libo iray sondalon walad pakaoley to.
16Say onkumatlo si Amasias a lakin anak nen Zicri; duan lasus libo iray sondalon walad pakaoley to. (Pinalapu nen Amasias ed linawa to so impanlingkur tod Katawan.)
17Si Eliada, a matalonan sondalo, so pangulo na saray sondalon nanlapud saray boleg nen Benjamin; walad pakaoley to so duanlasus libon sondalo a samper tan pana ray armas da.
18Si Jozabad so onkumadwad pakaoley; walad pakaoley to so sanlasus tan walomplon libon sondalo a dugay armas dan para bakal.
19Sikara yay lalakin nanlingkur ed ari tan kaaruman ira na saray sondalon impasen tod saray arum a pinadir a siudad na Juda.
Who We AreWhat We EelieveWhat We Do
2025 by iamachristian.org,Inc All rights reserved.
