1-3[1-3] Si Mardokeo, sakey a Judion kabyangay tribu nen Benjamin, et nibantak ed sananey a bansa a kaiba toy Ari Joakin na Juda, nen dinakep nen Ari Nabucodonosor na Babilonia so Jerusalem. Si Mardokeo et anak nen Jair a kabyangay boleg di Kis tan Simei. Manaayam la natan ed siudad na Susa a sakop na Persia, a sikatod may sakey a manonan opisyal diad palasio nen Asuero a matalonggaring ya ari.
Nen kumadwan taon na panooley nen Asuero, diad ononan agew na bulan na Nisan, nankogip si Mardokeo.
4[4] Akogip to a walay baleg ya ingalan tan gewgew, maksil a karul, tan sakey a yegyeg, pati say pinasyan golo ed tapew na dalin.
5[5] Insan pinmaway so duaran balbaleg a dragon, ya akaparaan iran manlaban.
6[6] Nanggawa ray makapataktakot a tanul, tan namparaan ya amin iray bansa a mibakal ed bansa na Dios a matonung iray totoo to.
7[7] Para say mundo, agew iman na bilonget tan ermen, gunigon tan segsegang, deral tan bagbag.
8[8] Agunigon ya amin iray matonung a totoo na Dios, ta tatakotan day bengatlan ngalngali la nagawad sikara. Namparaan iran ompatey,
9[9] balet kinmerew irad Dios na tulong. Diad kogip, naebatan so pikakasi ra diad panamegley na insabiy baleg ya ilog ya onaagos a manlalapud melag a sobul.
10[10] Sinmabiy palbangon, pinmaway so agew, tan apabiskeg iray mapaabeban totoo tan pinatey da ray mapaatagey a kalaban da.
11[11] Abangon si Mardokeo ed sayan kogip ya akanengnengan toy planon gawaen na Dios. Ninudnunot to yan sanagew, ta labay ton talusan so kabaliksan to.
Inlaban nen Mardokeo so Bilay na Ari12[12] Nen mamapainawa ed solar na palasio si Mardokeo, a pangguaguardiaan na duaran yunuko na ari a di Gabata tan Tara,
13[13] nadngel to ran mankokomplut. Dinengel ton maung so pantotongtongan da tan akabatan to ya iplaplano ran patayen so ari. Kanyan linmad kinen Ari Asuero si Mardokeo tan imbaga to so nipaakar ed pankokomplut na saramay duaran yunuko.
14[14] Tinepetan ira na ari, et nen impatwa ra, niarawi ra tan apatey ira.
15[15] Impaikorit na ari ed panagsulatan iyan agawa, tan inkorit met nen Mardokeo.
16[16] Insan tinoro na ari si Mardokeo a mambenben na sakey a kimey ed palasio tan initdan to na amayamay a rigalo a tumang na samay ginawa to.
17[17] Balet si Haman a lakin anak nen Hammedata, sakey a Bugayo a gagalangen na ari, et ginunigon toy Mardokeo tan saray totoo ton Judio, lapud si Mardokeo so makasengeg na impatey na saramay duaran yunuko.
Who We AreWhat We EelieveWhat We Do
2025 by iamachristian.org,Inc All rights reserved.
