1Ipoonan moy kuartam ed panagkomirsio ed arum a bansa, et ag mabayag mantubo ka.
2Mangipoonan kad pigaran lugaranggan diad amayamay a lugarta ag mo amta no antoy onsabin maoges ed sika diad sayan mundo.
3Anggan iner a dapag so tumbaan na kiew, diman to la. No makapakapal lay lorem, onoran la.
4Say toon manalagar na maung a siplug na dagem tan maung a panaon et anggapoy nitanem ton antokaman a tanaman tan anggapon balut so naani to.
5No panoy ag mo pakatalus ed inggapo na bilay ed eges na sakey a biin malokun, ontan met so ag mo pakatalus ed gagawaen na Dios ya amalsad amin a bengatla.
6Mantanem kad kabwasan tan labi, ta ag mo amta no ontubon amin kasi so itanem mo, odino say sakey et mabona nen say sananey.
7Marakep so liwawa na agew, tan maabig ed mata.
8No andokey so bilay mo nepeg a misalamat ka lapud balang sakey a taon a pambibilay to. Balet nepeg mon nunoten ya andokey niy panaon a sikay inatey nen say panaon a sikay mabilay. Andi-kakanaan ya amin iray onsabi.
Simbawa ed saray Tobun-balo9Tobun-balo, manliket kayo legan a wala kayo nid kalangweran. Gawa yo labat so labay yo tan tombuk yoy kaliktan yo. Balet nunot yo a say Dios sintinsiaan to kayod saray amin a gagawaen yo.
10Ag yo aabuloyan a gunigonen kayo na antokaman odino panliknaen to kayoy kairapan, ta aliwan mabayag so kiwala yo ed kalangweran.
Who We AreWhat We EelieveWhat We Do
2025 by iamachristian.org,Inc All rights reserved.
