17[3] Tinepet na ari, Anto man, Ester? Ibagam ed siak no antoy labay mo, et iter ed sikaanggan say kapaldua na impiriok.
18[4] Inmebat si Ester, Nidoma yan agew ed siak. No panliketan na katawan ko, labay kon sika tan si Haman so sangkailik naani no labi diad ponsian ipaparaan kon para sikayo.
19[5] Ingganggan na ari ya ondagon tampol si Haman, pian sikaran duay sangkaili nen Ester. Kanyan linmay ari tan si Haman ed ponsia ya imparaan nen Ester.
20[6] Legan ya oniinom iray alak tinepet na ari ed kinen Ester, Ibagam ed siak so labay mo, Riyna Ester.
21[7] Inmebat si Ester,
22[8] No iter na katawan ko so kerewen ko, labay ko a sika tan si Haman so sangkailik lamet nabwas ed singa onyan ponsian iparaan kon para sikayo.
Ginetma nen Haman a Pateyen si Mardokeo23[9] Nen nanlapud kinen ari si Haman, malikeliket tan masaysayaksak, anggad impakanengneng tod kinen Mardokeo a Judio diad solar na palasio. Mapalaloy impakapasnuk nen Haman,
24[10] balet intuloy toy sinmempet. Inimbitaan tod abung to iray kakaaro to tan kinerew tod asawa ton si Zeres a miliket ed sikara.
25[11] Impanta nen Haman ed saray sangkaili to so ontan lan kayamanan to tan say impamagalang ed sikato na ari nen inyan tod atagey a kipapasen tan ginawa ton kumadwan opisyal na impirio.
26[12] Inkuanen Haman, Aliwan saratan labat. Angiparaan si Riyna Ester na ponsian para siak labat tan say ari, anggapo lay arum. Naimbitaan kami ni lamet nabwas.
27[13] Balet anggapoy kabaliksan na saraya ed siak legan a nanenengneng koy Mardokeo, saman a Judio, a manyodyorung ed solar na palasio.
28[14] Insan si asawa to tan saramay kakaaro to inkuandad sikato, Mampagawa kay panagbitayan a duamplo tan talon mitro so kaatagey to. Nabwas na kabwasan kerew mod ari ya ibitay toy Mardokeo ed panagbitayan ya impagawam. Diad ontan maliket kan onla a kaibam so ari ed ponsia ya imparaan na riyna. Apaknaan nen Haman yan kanunotan, kanyan nampagawa na panagbitayan.
Who We AreWhat We EelieveWhat We Do
2025 by iamachristian.org,Inc All rights reserved.
