1O Dios, kasian tan bindisionan mo kami pa;
osdungan mo kami pan abageyen,
2pian naamtaay intiron mundo so linawam;
pian naamtaay amin a bansa so panangilaban mo.
3Idayew ka komuy katoowan, O Dios;
idayew ka komuy amin a katoowan!
4Manggayaga komun iray bansa tan mankanta ra lapud liket,
ta matonung so panisintinsiam ed saray katoowan
tan iwawanwan mo ray amin a bansa diad tapew na dalin.
5Idayew ka komuy katoowan, O Dios;
idayew ka komuy amin a katoowan!
6Say dalin angiter na ani;
say Dios a Dios tayo binindisionan to itayo.
7Binindisionan itayoy Dios;
igalang komun na katoowan ed amin a pasen.
Who We AreWhat We EelieveWhat We Do
2025 by iamachristian.org,Inc All rights reserved.
