1Ibagam pad sikami, Israel, so ontan lan impamairap
ed sika na saray kalaban mo,
nanlapu lad impanogaw mo!
2Nanlapud lad impanogaw ko,
mapalalon pinapairap ak na saray kalaban ko,
balet ag da ak atalo.
3Sinusugat da na aralem so beneg ko,
tan ginawa ran singa binakan alog.
4Balet say Katawan a matonung
et inagwat to ak ed inkaaripen.
5Natalo tan napapoliktar komun
ya amin iray mamobosul ed Sion.
6Magmaliw ira komun a singa saray dikan ontutubod toktok na abung,
a namagaan ira kasakbayan na ibaleg da;
7anggapoy manipon ed sikara,
o mamalkut a mangala ed sikara.
8Anggapod saray ondadalan so mangibaga,
Bindisionan kayo komuy Katawan!
Bibindisionan mi kayo diad ngaray Katawan.
Who We AreWhat We EelieveWhat We Do
2025 by iamachristian.org,Inc All rights reserved.
