1Katawan, sika lawas so abung mi diad amin ya kailalakan.
2Kasakbayay impamalsam ed saray palandey,
odino impamalsam ed mundo,
Dios ka la manlapud gapoy-gapo;
Dios ka ya anggad angga.
3Ibabagam ed too ya ompawil ed dabuk a gendat a kipapasen to.
4Singa labat sanagew ed sika so sanlibon taon;
singa ra labat karoman a linmabas la ra;
singa ra labat antikey ya oras ed labi.
5Iyaagos mo kamin singa delap;
magangganon singa kogip so bilay mi,
Singa kami dikarikan ontutubod kabwasan,
6ombabaleg tan manrorosas ira,
insan ira nalenes tan ompatey ed labi.
7Nadederal kami lapud pasnuk mo;
natatakot kami lapud sanuk mo.
8Iiyan mod arap mo iray kasalanan mi,
diad pasen a nanengneng mo ra iray maamut a kasalanan mi.
9Napapatikeyay bilay mi lapud pasnuk mo;
mansasamput a singa esaes.
10Pitomploy taon labat so karokey na bilay mi,
o walomplo no mabiskeg kami;
anggaman ontan, ermen tag segsegang labat so iiter dad sikami;
nanagonuyan, anggapo lay bilay mi tan naandipat kami la.
11Siopay akalikna na ontan lan belat na pasnuk mo?
Siopay makaamtad takot a nayarin iter na pasnuk mo?
12Ibangat mo pad sikami no panoy katikey na bilay mi,
et nayarin magmaliw kamin makabat.
13 Katawan, kapigan so itonday pasnuk mo?
Kasian mo kami pan aripen mo!
14Penek mo kami pan kinabwasan na ag mangoman a panangarom,
pian mankanta tan manliket kami legay bilay mi.
15No kaonungay inter mod sikamin ermen,
leleg da ra may taon a wala kamid segsegang,
ontan pa met so iter mod sikamin liket.
16Ipanengneng mo pad sikamin aripen mo, iray makapanyarin gawgawam;
iyabuloy mo komun a nanengneng da ray kabyangay boleg mo so mapagalang a pakayarim.
17 Katawan a Dios mi, bindisionan mo kami pa.
Paaligwas mo kami pad amin a gagawaen mi!
Who We AreWhat We EelieveWhat We Do
2025 by iamachristian.org,Inc All rights reserved.
