1O Katawan a Dios na sansinakuban, nengneng mo kami pa tan kasian mo kami.
2Gawam pan ontakot ed sika so balang bansa.
3Galaw ka pa sumpad saray arum a bansa, tan ipanengneng mod sikara so pakayarim!
4Inkana mo kamid pangipanengneng mod sikara ya ontan lan inkasantom; ikanam pa ra natan a pangipanengneng mod sikami ya ontan lay inkatalonggaring mo.
5Ipaaral mo pad sikara, a singa naaralan mi, ya anggapo lay arum a Dios, O Katawan, no ag say sika labat.
6Mangiter ka pa na saray balon tanda, manggawa ka pa na saray balon milagro; ipanengneng mo pad sikami so mapagalang a pakayarim!
7-9Ipasabim pa la may nigetar a panaon ya amin a totoo et nayarian dan salitaen iray ankakabaleg a bengatlan gagawaen mo. Ikalbom pa so mapalalo tan manliub a pasnuk mo, tan ag mo pa aabuloyan a walay nabilay a kalaban mi. Patey mo pa ray nampapairap ed saray totoom.
10Temek mo pan amin iray pangulo na saray kalaban ya abaloan dan sikara labat so totood intiron mundo!
11Tipon mo pa lamet iray tribu na Israel, tan ipawil mo pad sikaray dalin da a singa samay impangiter mod sikara nen saman.
12Katawan, kasian mo pa so Israel, saray totoon nipapasen a kayaryan mo, a tatawagen mo a pangulowan ya anak a laki.
13Kasian mo pay Jerusalem, say masanton siudad mo, a dimay pinilim a panayaman mo.
14Panom pa so Timplom ed Palandey na Sion na kagalangan mo tan saray imno na dayew.
15Mantasi ka pan para saray totoom a pinalsam nen gapo; patwam pa ray propisiyan asalitad ngaran mo.
16Tumangan mo pa ray mananisiad sika, tan paneknekan mon napanmatalkan iray propitam.
17Mapangasi ka lawas ed saray totoom; dengel mo pay pikakasi mi ran aripen mo. Diad ontan, nabirbir na amin a totood sankamundoan a sika so Katawan, say Dios ed ando lan ando.
Panamili na Asawan Bii18Nayarin kanen so amin a kakanen, balet maung ni ray arum a kakanen nen saray arum.
19No napambiigan na dila iray taway na nandoroman karni, ontan met a naamtaan na matudyon kanunotan iray tila.
20Panlalapwan na golo so toon pikewet so kanunotan to, balet amta na toon walay salsali tod bilay so ombales.
21Nepeg ya awaten na sakey a bii so siopaman a mangasawad sikato, balet nepeg ya apigeren na laki so pampili tod asawaen to.
22Paliliketen na gangganay sakey a bii so sakey a laki; anggapoy lalon marakep a nengnengen na mata nen say gangganay bii.
23No mapangasi tan mauyamo ed panagsalita so sakey a bii, sankapalaran ed saray lalaki so asawa to.
24No mangasawa so sakey a laki, nagamuran toy sankaabigan a bengatla a nayarian ton nakayaryansakey ya asawan ontulong ed sikato tan mamabiskeg na linawa to.
25No ag naalar so solar, onloob iray matatakew tan manala ray labay da. No anggapoy asawa so sakey a laki, akar-akar a maermen;
26anggapoy panagmatalek na saray totoo ed sakey a lakin anggapoy abung ya ogip-ogip ed nandoroman pasen kapag labi a singa anggapoy panagmatalek dad sakey a matakew ya akar-akar ed nandoroman baley.
Who We AreWhat We EelieveWhat We Do
2025 by iamachristian.org,Inc All rights reserved.
