Salmo SARAY SALMO - Maung a Balita Biblia (PnPV)(PnPV)

SARAY SALMOPangiparontalSay libron Saray Salmo et imnario tan libro na pikakasi na Biblia. Abayag a panaon so impanggawa na saray nandoroman totoo ed sarayan imno tan pikakasi. Insan ira tinitipon tan inkakana na saray totood Israel ed impangigalang dad Dios, tan sinmabiy panaon a nikasakey ira ed Masanton Sulat da.Amayamay a klasi ra yan maispiritun anlong: wala ray imnon pangidayew tan pangigalang ed Dios; saray pikakasin pankerew na tulong, pakaiyagel, tan pakailaban; saray pikekerew na pirdona; saray kantan pangiter na pisasalamat lapud saray bindision na Dios; tan saray pikekerew na pakadusa ed saray kalaban. Pikakasi ra ya na sakey a too tan amin a totood intiron bansa. Ipapanengneng na saray arum a pikakasi iray liknaan na sakey a too, balet ilalaman na saray arum iray nakakaukolan tan saray liknaan na amin a totoo na Dios.Inkakana nen Jesus tan saray nansusulat na Balon Sipanan iray Salmo, tan nagmaliw iran libron panangigalang na macristianon Iglisia nanlapud inggapo to.Logan na sayan LibroSaray sanlasus tan limamplon salmo et naapag irad limaran katiponan, odino libro, onung ed saray onggendan:Saray Salmo 1—41Saray Salmo 42—72Saray Salmo 73—89Saray Salmo 90—106Saray Salmo 107—150